Posts tagged as "Russie"

នៅមុនលទ្ធផល នៃការប្រកួតជុំចុងក្រោយ នៅក្នុងពូល B ក្រៅពីក្រុមជម្រើសជាតិ ម៉ារ៉ុក មួយចេញ ក្រុមបាល់ទាត់បីទៀត មានក្រុម អេស្ប៉ាញ (៤ពិន្ទុ) - ព័រទុយហ្គាល់ (៤ពិន្ទុ) និងក្រុម អៀរ៉ង់ (៣ពិន្ទុ) សុទ្ធតែមិនទាន់ដឹងច្បាស់ថា តើខ្លួនបានឆ្លងវគ្គ ឬខ្លួនត្រូវបានផាត់ចេញ នៅក្នុងព្រឹត្តិការណ៍​បាល់ទាត់ពិភពលោកនេះ នៅឡើយ។

នៅក្រោយការប្រកួត ដ៏តឹងតែង និងពោរពេញដោយវីរភាព លទ្ធផលបានបញ្ជាក់ថា គឺក្រុម អៀរ៉ង់ ដែលត្រូវផាត់ចេញ ពីការប្រកួតពិភពលោក នៅប្រទេសរ៉ុស្ស៊ី បន្ទាប់ពីក្រុមបាល់ទាត់ មកពីអាស៊ីខាងលិចមួយនេះ បានប្រកួតត្រឹមតែស្មើ ១-១ ជាមួយក្រុម ព័រទុយហ្គាល់ និងការប្រកួតរវាងក្រុម អេស្ប៉ាញ និងក្រុម ម៉ារ៉ុក ទទួលបានលទ្ធផលស្មើ ២-២ ដូចគ្នា។

ប៉ុន្តែក្រុមជម្រើសជាតិ ដែលត្រូវបានជម្រុះចេញ (អៀរ៉ង់ និងម៉ារ៉ុក) សុទ្ធតែបានប្រយុទ្ធយ៉ាងអង់អាច ជាពិសេសបើគេនិយាយ សម្រាប់ក្រុម ម៉ារ៉ុក ដែលការប្រកួតជុំចុងក្រោយ ទល់នឹងក្រុម [...]

នៅក្នុងការប្រកួតជុំដំបូង នៃវគ្គជម្រុះតាមពូល ក្រុមជម្រើសជាតិជប៉ុនបានបង្កការភ្ញាក់ផ្អើល ដោយយកជ័យជំនះ លើក្រុម កូឡំប៊ី ដែលត្រូវបានគេចាត់ទុកថាជាក្រុមខ្លាំងមួយ សម្បូរដោយកំពូលកីឡាករ​ល្បីៗជាច្រើន ដែលកំពុងទាត់ នៅក្នុងក្រុមបាល់ទាត់អាជីពធំៗ នៅអ៊ឺរ៉ុបខាងលិច។ នៅក្នុងការប្រកួតជុំទីពីរ នៅល្ងាចថ្ងៃអាទិត្យនេះ ក្រុម ជប៉ុន បានបង្កើតក្ដីរំភើបជាថ្មី សម្រាប់បណ្ដា​អ្នកតាមដាន​បាល់ទាត់ ដោយបានយកស្មើ ២-២ ជាមួយក្រុម សេណេហ្គាល់ ដែលបានប្រកួត នៅក្នុងជុំទីមួយ កាលពីសប្ដាហ៍មុន ឈ្នះលើក្រុម ប៉ូឡូញ។

ក្រុម សេណេហ្គាល់ បាននាំមុខក្រុម ជប៉ុន នៅក្នុងគ្រាប់បាល់ទាំងពីរ (នៅនាទីទី ១១ និងនាទីទី ៧១) របស់ខ្លួន តែក្រុមបាល់ទាត់ របស់រាជាណាចក្រ ជប៉ុន បានបើកការវាយបកវិញ យ៉ាងស្វិតស្វាញ ហើយរកបានគ្រាប់បាល់ស្មើវិញ ជាបន្តបន្ទាប់ នៅនាទីទី ៣៤ និងនាទីទី ៧៨។

» វីដេអូសង្ខេប នៃការប្រកួតរវាងក្រុម ជប៉ុន និងក្រុម [...]

បន្ទាប់ពីបានប្រកួតឈ្នះ លើក្រុម អារ៉ាប៊ី សាអ៊ូឌីត និងក្រុម អេហ្ស៊ីព ដោយគ្រាប់បាល់ដ៏ច្រើនរួច (០-៥, ១-៣) ក្រុមជម្រើសជាតិ រ៉ុស្ស៊ី បានដួលបះជើងនៅរសៀលនេះ ដោយត្រូវប៉ះ​ ក្នុងការប្រកួតជុំចុងក្រោយ នៃវគ្គជម្រុះតាមពូល ជាមួយក្រុម អ៊ុយរូហ្គាយ ដែលសម្បូរដោយកំពូលកីឡាករល្បីៗ មកពីក្រុមបាល់ទាត់អាជីពធំៗ នៅអ៊ឺរ៉ុបខាងលិច។ ក្រុម រ៉ុស្ស៊ី បានចាញ់ក្រុម អ៊ុយរូហ្គាយ ០-៣ ហើយខ្សែការពាររ៉ុស្ស៊ី​ម្នាក់ ត្រូវបានអាជ្ញាកណ្ដាល​បណ្ដេញចេញ (កាត់លឿងពីរដង) នៅនាទីទី ៣៦ ថែមទៀត។ 

គ្រាប់បាល់ទាំងបី របស់ក្រុម អ៊ុយរូហ្គាយ រកបាននៅនាទីទី ១០ ដោយបាល់ពិន័យពីចំងាយ ទាត់ដោយកីឡាករ ល្វី ស្វារ៉េស (Luis Suarez) - នៅនាទីទី ២៦ ដែលជាគ្រាប់បាល់ ទាត់ចូលទីខ្លួនឯង ដោយកីឡាកររ៉ុស្ស៊ី «Denis Cheryshev» និងនៅនាទីទី ៩០ ដោយកីឡាករ អេឌីសុន កាវ៉ានី (Edison Cavani)។

» វីដេអូសង្ខេប នៃការប្រកួតជុំចុងក្រោយ រវាងក្រុម អ៊ុយរូហ្គាយ និងក្រុម [...]

យ៉ាងណា ក៏ការប្រកួតជុំចុងក្រោយ រវាងក្រុម អង់គ្លេស និងក្រុម ប៊ែលហ្សិក មានសារៈសំខាន់ណាស់ ដើម្បីដណ្ដើមយក​ចំណាត់ថ្នាក់ លេខមួយ នៅក្នុងពូល G ខណៈការប្រកួតជុំចុងក្រោយ រវាងក្រុម ប៉ាណាម៉ា និងក្រុម ទូនីស៊ី មានលក្ខណៈជាការស្ដាកិត្តិយស និងជាការស្វែងរកបទពិសោធន៍ សម្រាប់បាល់ទាត់ពិភពលោក លើកក្រោយៗទៀត។

សូមបញ្ជាក់ដែរថា ក្រុមជម្រើសជាតិ ប៉ាណាម៉ា ទើបបានឡើងមកព្រឹត្តិការណ៍ បាល់ទាត់ពិភពលោក ជាលើកដំបូងរបស់ខ្លួន នៅក្នុងឆ្នាំនេះប៉ុណ្ណោះ បើរាប់ពីឆ្នាំ ១៩៣៧ ដែលសហព័ន្ធបាល់ទាត់ប៉ាណាម៉ា ត្រូវបានបង្កើតឡើង។ ក្រុមជម្រើសជាតិ របស់ប្រទេស ក្នុងទ្វីបអាមេរិក​ខាង​ត្បូង​មួយនេះ មានចំណាត់ថ្នាក់ លេខ៥៥ នៅក្នុងបញ្ជីប្រចាំឆ្នាំ របស់សហព័ន្ធបាល់ទាត់ពិភពលោក ហ្វីហ្វា (Fifa)។

ប៉ុន្តែការចូលរួមលើកដំបូង របស់ក្រុម ប៉ាណាម៉ា មកក្នុងព្រឹត្តិការណ៍ពិភពលោក មានរយៈពេលត្រឹមតែមួយវគ្គជម្រុះ នៅក្នុងពូលប៉ុណ្ណោះ បន្ទាប់ពីក្រុម [...]

នៅខណៈ នាងកញ្ញា «Julieth Gonzalez Theran» មានដើមកំណើត កូឡំប៊ី កំពុងផ្សាយបន្តផ្ទាល់ សម្រាប់បណ្ដាញ​ទូរទស្សន៍​សាធារណៈមួយ របស់ប្រទេសអាល្លឺម៉ង់ ឈ្មោះ «Deutsche Welle» ស្រាប់តែបុរសម្នាក់ បានបង្ហាញខ្លួន ដោយស្ទុះមកថើប ស្ត្រីអ្នកសារព័ត៌មាន។ ហេតុការណ៍បានកើតឡើង ក្នុងថ្ងៃពុធកន្លងមក ចេញពីក្រុង «Saransk» ទីកន្លែងដែលកាលពីមួយថ្ងៃមុន មានការប្រកួត រវាងក្រុម កូឡំប៊ី និងក្រុម ជប៉ុន នៃបាល់ទាត់ពិភពលោក ក្នុងប្រទេសរ៉ូស្ស៊ី។

ត្រឹមតែថើប ដែលគ្មានការយល់ព្រម ពីនរណាម្នាក់នោះ អាចចាត់ទុកថា ជាអំពើបំពានមួយហើយ តែនេះ បុរសនៅប្រើដៃឆ្វេង​របស់ខ្លួន មកក្ដោបសុដន់ របស់ស្ត្រីអ្នកសារព័ត៌មាន​ថែមទៀត នៅពេលចាប់ថើបនោះ។

វីដេអូពីសកម្មភាពនោះ ត្រូវបានបណ្ដាញទូរទស្ស៍ និងស្ត្រីម្ចាស់ខ្លួន យកមកបង្ហោះ នៅលើបណ្ដាញសង្គម បណ្ដាឲ្យមានការចែករំលែក និងប្រតិកម្ម យ៉ាងខ្លាំងក្លា។ នៅ​ចំពោះ ការរីករាលដាលនោះ បុរសខាងលើបានទាក់ទង [...]