Posts tagged as "​Angkor"

ការនិរទេសខ្លួន ទៅនៅបរទេស អស់រយៈពេលជាង៥ឆ្នាំ របស់ប្រធានអង្គការ មូលនិធិទ្រទ្រង់អរិយធម៌ខ្មែរ ត្រូវបានធ្វើ​ឡើង មុនពេលតុលាការកម្ពុជា សម្រេចផ្តន្ទាទោសលោក ដោយដាក់ពន្ធនាគារពីរឆ្នាំ និងពិន័យជាប្រាក់ ១៥លានរៀល កាល​ពីថ្ងៃទី១៤ ខែកក្កដា ឆ្នាំ២០០៩ កន្លងទៅ។ លោក មឿង សុន ត្រូវបានរដ្ឋាភិបាល តាមរយៈ ទីស្តីការគណរដ្ឋមន្រ្តី ប្តឹង​ទៅ​តុលាការ ហើយត្រូវបានតុលាការ ចោទប្រកាន់ពីបទ «ផ្សាយព័ត៌មានមិនពិត» ពាក់ព័ន្ធនឹងការរិះគន់ ក្នុងការដាក់​អំពូល​ភ្លើង លើជញ្ជាំងប្រាសាទអង្គរវត្ត ដើម្បីទាក់ទាញភ្ញៀវទេសចរ នាពេលយប់ កាលពីឆ្នាំ២០០៩។

សូមរំលឹកថា មុននឹងឈានដល់ ការប្ដឹងផ្ដល់ របស់ទីស្តីការគណរដ្ឋមន្រ្តីខាងលើ លោក មឿន សុន បានធ្វើសន្និសីទ សារព័ត៌មាន​មួយ កាលពីថ្ងៃទី២៦ ខែឧសភា ឆ្នាំ២០០៩ រិះគន់ពីរដ្ឋាភិបាល ដែលអនុញ្ញាត ឲ្យក្រុមហ៊ុនចិនមួយ ធ្វើ​សកម្មភាព ដាក់​អំពូល​ភ្លើង តាមជញ្ជាំងប្រាសាទ ថានឹងប៉ះពាល់ ដល់ថ្មប្រាសាទបុរាណខ្មែរ។

អាជ្ញាធរអប្សរាមិនបានដាក់គោលការណ៍ ឬ គម្រោងណាមួយ ដើម្បីបំផ្លិចបំផ្លាញ តំបន់អង្គរ ដែលជាព្រលឹង​ជាតិខ្មែរ​នោះ​ទេ គឺមានតែគោលការណ៍អភិរក្ស និងកែលំអរ តាមការសិក្សារបស់អ្នកជំនាញច្បាស់លាស់ មិនមានដូចជាអ្វី ដែលអ្នក​មិន​បានយល់ច្បាស់ពីអង្គរ និយាយនោះទេ។ នេះជាការថ្លែងអះអាង របស់អ្នកស្រី ចៅ ស៊ុនកិរិយា អ្នកនាំពាក្យអាជ្ញាធរ​ជាតិ​អប្សរា ប្រតិកម្មទៅនឹង ពាក្យចចាមអារាមមួយចំនួន ក្នុងពេលកន្លងមកថ្មីៗ ដែលចោទអាជ្ញាធរជាតិមួយនេះ ថាបានលក់​ដូរ វត្ថុមានតម្លៃ នៅក្នុងតំបន់អង្គរ និងមិនបានយកចិត្តទុកដាក់ ក្នុងការអភិរក្ស វត្ថុបុរាណទាំងនោះ ជាមរតកជាតិខ្មែរ។

នៅក្នុងកិច្ចសម្ភាសតាមទូរស័ព្ទ ជាមួយនឹងទស្សនាវដ្តីមនោរម្យ.អាំងហ្វូ កាលថ្ងៃទ២៨ ខែមេសា ឆ្នាំ២០១៥ អ្នកស្រី ចៅ ស៊ុនកិរិយា បានពន្យល់ថា ចំពោះកំណាយ ដែលបានរកឃើញ កាលពីឆ្នាំ២០១២ នៅប្រាសាទតាព្រហ្ម ជាវត្ថុមានតម្លៃ ក្នុង​នោះមានដូចជា ម្កុដ ឬភ្នួងសក់ធ្វើពីមាស [...]