យន្ដហោះមួយបាត់ដំណឹងជាមួយអ្នកជិះ ៥៤នាក់ នៅឥណ្ឌូនេស៊ី
យន្ដហោះដឹកអ្នកដំណើរ របស់ក្រុមហ៊ុនអាកាសចរណ៍ ទ្រីហ្គាណាអ៊ែរ ដែលមានមនុស្សជិះ ៥៤នាក់ នៅជាមួយ បានបាត់ដំណឹងសូន្យឈឹង ពីកញ្ចក់ត្រួតពិនិត្យរលកអាកាស នៅរសៀលថ្ងៃអាទិត្យ ទី១៦ ខែសីហានេះ នៅខណៈពេលយន្ដហោះ បានហោះពីលើខេត្តប៉ាពូអាស៊ី ភាគខាងកើត នៃប្រទេសឥណ្ឌូនេស៊ី។ យន្ដហោះប្រភេទ ATR 42 បានបាត់ដំណឹង ពីប្រព័ន្ធតាមដានអាកាស នៅវេលាម៉ោងប្រមាណជា ១៥ បន្ទាប់ពីបានហោះចេញ ពីព្រលានយន្ដហោះ សេនតានី (Sentani) ដែលស្ថិតក្នុងក្រុងធំមួយ នៃខេត្ត ចាយ៉ាពូរ៉ា (Jayapura)។ នេះបើតាមការឲ្យដឹង របស់ផ្នែកអ្នកជួយសង្គ្រោះ នៅបណ្ដាញសង្គមទ្វីសធើរ។
ហោះឆ្ពោះទៅកាន់ក្រុង អូកសីប៊ិល (Oksibil) យន្ដហោះដែលប្រើប្រាស់កង្ហាមួយនេះ មានដឹកអ្នកដំណើរ ៤៤នាក់ ជាមនុស្សធំ ៥នាក់ ជាកុមារ និង៥នាក់ទៀត ជាក្រុមបុគ្គលិបម្រើលើយន្ដហោះ។ បន្ទាប់ពីបានងើបខ្លួន ពីព្រលានយន្ដហោះ យន្ដហោះបានហោះ ក្នុងរយៈពេលជាង៣០នាទី មុននឹងបាត់ដំណឹងឈឹង។
ដំណឹងចុងក្រោយ [...]