Posts tagged as "Différend Frontalier"

សាលក្រមសម្រេច កាលពីថ្ងៃអង្គារ របស់សាលាដំបូងរាជធានី ផ្ដន្ទាទោសលោក សម រង្ស៊ី ប្រធាន​គណបក្ស​សង្គ្រោះជាតិ ឲ្យជាប់ពន្ធនាគារ៥ឆ្នាំ ជុំវិញការបង្ហោះផ្សាយ នៅលើទំព័រហ្វេសប៊ុករបស់លោកនោះ បាន​បង្ក​ការ​​ចាប់​អារម្មណ៍ យ៉ាងព្រោងព្រាត ពីសំណាក់ប្រព័ន្ធផ្សព្វផ្សាយ នៅអ៊ឺរ៉ុប សឹងតែគ្រប់ភាសា គ្រប់ប្រទេស។ ព័ត៌មាន​ដែលចេញផ្សាយ ទាំងនៅលើទំព័រគេហរទំព័របស់ពួកគេ ទាំងនៅលើក្រដាសបោះពុម្ភផ្សាយ បាន​ពញ៉ាក់​សាធារណ​មតិ នៅអ៊ឺរ៉ុបចាប់ពីថ្ងៃ ដែលចេញសាលក្រម រហូតមកដល់ថ្ងៃនេះ។

ដូចសារព័ត៌មានបារាំង ឈ្មោះ «Le Monde» ទើបនឹងចេញ​ផ្សាយអត្ថបទ (បង់ប្រាក់ ដើម្បីបានអាន) របស់​ខ្លួន នៅព្រឹកថ្ងៃសុក្រទី៣០ ខែធ្នូនេះ ដោយ​ដាកចំណងជើងថា «សម រង្ស៊ី មុខព្រួញដដែលៗ [...]

បើលោក ហ៊ុន សែន ធ្លាក់ពីតំណែងជានាយករដ្ឋមន្ត្រី ឬអស់អំណាចពីប្រទេសកម្ពុជា នោះយួនក៏នឹង​ត្រូវ​បាត់​បង់ នូវអំណាចនយោបាយទាំងបីនេះដែរ។ នេះបើគេស្ដាប់ការពន្យល់រៀបរាប់ របស់លោក សម រង្ស៊ី ប្រធាន​គណបក្សសង្គ្រោះជាតិ ដែលបានថ្លែង​ទៅកាន់ក្រុមអ្នកគាំទ្រ នៅ​ក្នុង​ក្រុង មៀរ៉ាម៉ាស (Miramas) ជិតក្រុង ម៉ាសីយ៍ (Marseille) ភាគខាង​ត្បូង​ប្រទេស​បារាំង ក្នុងរសៀលថ្ងៃសៅរ៍ ទី៦ ខែសីហា ឆ្នាំ២០១៦។

ទស្សនាវដ្ដីមនោរម្យ.អាំងហ្វូ មិនអាចស្វែងរកប្រតិកម្មតប​ភ្លាមៗ ពីសំណាក់មន្ត្រីរដ្ឋាភិបាល ឬពីសំណាក់​គណបក្ស​ប្រជាជន​កម្ពុជា បានទេ ដោយសារពេលវេលា នៃការរៀបចំអត្ថបទនេះ ធ្វើឡើងនៅពេលយប់​ (ល្ងាចនៅបារាំង យប់​ជ្រៅ​នៅ​កម្ពុជា)។

លោក សម រង្ស៊ី ដែលកំពុងនិរទេសខ្លួនឯង ចេញពីការចាប់ចង របស់អាជ្ញាធរក្នុងប្រទេសកម្ពុជា បានអះអាងថា អំណាចនយោបាយទាំងបី របស់យួននេះ តម្រូវឲ្យយួនចាំបាច់ ត្រូវគ្រប់គ្រងប្រទេសកម្ពុជា ហើយលោក​នាយក​រដ្ឋមន្ត្រី ហ៊ុន [...]

នេះ គេនៅមិនទាន់រាប់ ពីពេលមុនៗ កន្លងមកផងទេ។ ជំនួបជួបគ្នា និយាយ​ពិភាក្សាតែពីរឿងដដែលៗ ធ្វើឲ្យ​គេឆ្ងល់ថា តើមន្ត្រីជាន់ខ្ពស់​មកពីប្រទេសទាំងពីរ គ្មានគម្រោងអ្វីថ្មីទេឬ? ឬមួយភាគីម្ខាង ចាំបាច់​ត្រូវ​មក​ធ្វើការ​ក្រើន​រំលឹក ដាស់តឿនភាគីម្ខាងទៀត ពីរាល់តែសំនុំរឿង ដែលបានជជែកគ្នារួចហើយនោះ?

ជាពិសេសបញ្ហាព្រំដែន ដែលរដ្ឋាភិបាលលោក ហ៊ុន សែន តែងប្រកាសមិនដាច់ពីមាត់ ថាមាន​កិច្ច​ព្រម​ព្រៀង​រវាងប្រទេសទាំងពីរ ធ្វើឲ្យចំណេញដីដល់កម្ពុជា រហូតដល់ធ្វើកិច្ចព្រមព្រៀងបំពេញបន្ថែម។ល។ ត្រូវបានយក​មក​ជជែក​ហើយ​ជជែក​ទៀត អស់ពីថ្នាក់រដ្ឋមន្ត្រី ឥឡូវបន្តមកដល់ថ្នាក់ប្រធានរដ្ឋ (ស្មើ​ប្រធានា​ធិបតី ឬ​ព្រះ​មហា​ក្សត្រ)។ ប្រសិនជាករណីនេះ ជាបញ្ហាបច្ចេកទេស ក៏គេគួរទុកឲ្យមន្ត្រីថ្នាក់ក្រោម នៅក្នុង​គណៈ​កម្មការ​ចម្រុះ​​ខណ្ឌ​សីមា និងបោះបង្គោលព្រំដែនគោក កម្ពុជា-វៀតណាម ជាអ្នកសម្រេច និងជា​អ្នក​ជជែក​ពិភាក្សា​គ្នា [...]

អ្នកណាក៏ដោយ ដែលហ៊ានផ្ដល់សិទ្ធិស្របច្បាប់ ឲ្យដល់ជនជាតិយួន ដែលរស់នៅក្នុងប្រទេសកម្ពុជានោះ អ្នក​នោះជាជន«ក្បត់ជាតិ»។ នេះ បើតាមសេចក្ដីប្រកាស របស់លោក សួន សេរីរដ្ឋា ប្រធានគណបក្សអំណាចខ្មែរ នៅ​ក្នុង​សំណេរ​មួយ លើទំព័រហ្វេសប៊ុករបស់លោក។

សំណេររបស់ប្រធានគណបក្សអំណាចខ្មែរ បានធ្វើឡើងនៅថ្ងៃចុងបញ្ចប់ នៃដំណើរទស្សនកិច្ច​របស់​ប្រធាន​រដ្ឋ​វៀតណាម លោក ត្រាន់ ដាយក្វាង (TRAN DAI QUANG) នៅក្នុងប្រទេសកម្ពុជា ជាមួយនឹងការចូលជួប​ឥស្សរជន​នយោបាយ និងសាសនារបស់កម្ពុជា ជាច្រើននាក់/អង្គ។

សារដែលលោក សួន សេរីរដ្ឋា បានបង្ហោះនៅថ្ងៃទី១៦ ខែមិថុនានេះ បានថ្កោលទោស «ជនណា អ្នក​នយោបាយ​ណា និងរដ្ឋាភិបាល ដែលដឹកនាំដោយបក្សណាក៏ដោយ បើហ៊ានបំពានរំលោភស្មារតីជាតិនិយម របស់​ពលរដ្ឋខ្មែរ ហើយហ៊ានទទួលស្គាល់ផ្តល់សិទ្ធិស្របច្បាប់ ឲ្យជនជាតិយួនរស់នៅក្នុងស្រុកខ្មែរ ជា​ស្រប​ច្បាប់​នោះ ពួកគេជាជនក្បត់ជាតិ ជាអ្នកនយោបាយក្បត់ជាតិ [...]