Posts tagged as "Différend Frontalier"

«អំបាញ់ម៉ិញ រដ្ឋមន្ត្រីយុត្តិធម៌ក៏ចេញ មេប៉ូលីសក៏ចេញ។ កំពុងតែសកម្ម នៅខាងក្រៅ។» នេះជាការថ្លែង​ខ្លាំងៗ របស់លោកនាយករដ្ឋមន្ត្រី ហ៊ុន សែន ដើម្បីបង្ហាញឲ្យដឹង ពីយុទ្ធនាការបានចាប់ផ្ដើមហើយ ក្នុងការតាម​ប្រមាញ់ខ្លួន លោក ហុង សុខហួរ សមាជិកព្រឹទ្ធសភា មកពីគណបក្សសមរង្ស៊ី ពីបទ«ក្បត់ជាតិ»។ ការថ្លែង​ឡើង​នេះ បានធ្វើឡើង ក្នុងឱកាសចែកសញ្ញាបត្រ ដល់និស្សិតសាកលវិទ្យាល័យ PPIU នៅវិទ្យាស្ថានជាតិអប់រំ នា​ព្រឹកថ្ងៃទី១៣ ខែសីហា ឆ្នាំ២០១៥នេះ។

លោក ហ៊ុន សែន បានចោទលោក ហុង​ សុខហួរ ដែលជាមន្ត្រីទទួលបន្ទុកខាងព្រំដែន របស់គណបក្ស​សង្គ្រោះ​ជាតិ ថាបានក្លែងសន្ធិសញ្ញា ស្តីពីព្រំដែនកម្ពុជា-វៀតណាម ឆ្នាំ១៩៧៩ ដែលបានចុះហត្ថលេខា នៅពេលនោះ ដោយលោក ហេង សំរិន អគ្គលេខាធិការមជ្ឈឹមបក្ស នៃសាធារណៈរដ្ឋប្រជាមានិតកម្ពុជា និង​លោក ផាម វ៉ាន់ដុង នាយករដ្ឋមន្ត្រី នៃសាធារណរដ្ឋសង្គមនិយមវៀតណាម។ នាយករដ្ឋមន្ត្រីបីទសវត្សន៍កម្ពុជា [...]

នាព្រឹកថ្ងៃទី១០ ខែសីហា ឆ្នាំ២០១៥ នៅស្នាក់ការគណបក្សសង្គ្រោះជាតិ សង្កាត់ចាក់អង្រែលើ លោកសុខ ទូច និងមន្ត្រីមួយចំនួនទៀត មកពីរាជបណ្ឌិតសភា បានចុះហត្ថលេខា ព្រមទទួលយកផែនទីខ្មែរ ជាផ្ទាំង និងជា ឌីជីថល (ជាហ្វាល់កុំព្យូទ័រ) ពីគណបក្សនេះ។ ក្នុងការទទួលយកនេះ លោក សុខ ទូច ដែលជាប្រធាន​ក្រុម​ការងារ​ស្រាវជ្រាវ បញ្ហាព្រំដែន នៃរាជបណ្ឌិតសភាកម្ពុជា បានប្រកាសជាចំហរ ដល់ពលរដ្ឋខ្មែរទាំងមូលថា នឹង​អាចមិនគាំទ្រគណបក្សទាំងពីរ ក្នុងការបោះឆ្នោតអាណត្តិក្រោយ បើគណបក្សទាំងពីរនេះ នៅមិន​ឯកភាព​គ្នា ពីបញ្ហាព្រំដេនទៀត។

លោក សុខ ទូច បានថ្លែងបញ្ជាក់ថា៖ «ធ្វើតែមួយហ្នឹងហើយ (គណបក្ស) បានជាឈ្លោះគ្នា។ អញ្ចឹងបានជា​រាជបណ្ឌិត​សភា ដើរតួលើកយកផែនទី មកដាក់លើតុហ្នឹង។ បើមួយធ្វើ មួយមិនធ្វើ!!។ អីចឹងរឿងនេះ ប្រជាជន​បានដាក់សេចក្តីទុកចិត្ត ទៅឲ្យគណបក្សទាំងពីរ។ (...) ចង់ ឬមិនចង់ គណបក្សទាំងពីរ ត្រូវតែចូលខ្លួន​ដោះ​ស្រាយបញ្ហានេះ [...]