Posts tagged as "Assemblée nationale"

លោក ហេង សំរិន ប្រធានរដ្ឋសភា ក្នុងពិធីថ្លែងបើកសិក្ខាសាលា នាព្រឹកថ្ងៃទី៨ ខែកក្កដានេះ ដោយបាន​ចាត់​ទុកថា អង្គការសង្គមស៊ីវិល ប្រៀបបានទៅនឹងផ្នែកមួយ របស់រដ្ឋាភិបាល ដែលបានរួមចំណែកការពារ និង​ជួយ​នូវភាពលំបាកនានា របស់ប្រជាពលរដ្ឋ ក៏ដូចជាចូលរួមពង្រឹង និងលើកកំពស់ ការអនុវត្តច្បាប់ សិទ្ធិ​មនុស្ស លិទ្ធិ​ប្រជាធិបតេយ្យនៅកម្ពុជា។ លោកថា យ៉ាងណាសម្រាប់លោកផ្ទាល់ ដែលជាប្រធានរដ្ឋសភា នៅតែចង់​បាន​ច្បាប់គ្រប់គ្រងអង្គការនេះ ជាចាំបាច់។

ប្រធានរដ្ឋសភារូបនេះ ក៏បានស្នើឲ្យអង្គសិក្ខាសាលាពិគ្រោះយោបល់ ស្តីពី សេចក្តីព្រាងច្បាប់ ស្តីពី សមាគម និងអង្គការមិនមែនរដ្ឋាភិបាលនេះ ទទួលយកអនុសាសន៍របស់អង្គការសង្គមស៊ីវិលជាតិ និងអន្តរជាតិ ដើម្បី​មកពីគ្រោះដាក់បញ្ចូល ក្នុងសេចក្តីព្រាងច្បាប់សមាគម និងអង្គការមិនមែនរដ្ឋាភិបាល។

សូមបញ្ជាក់ថា ចំពោះសិក្ខាសាលា ដែលរៀបចំឡើងដោយរដ្ឋសភានេះ ឃើញមានវត្តមាន នៃតំណាងរាស្រ្ត [...]

ប្រសិនបើរដ្ឋាភិបាលកម្ពុជា ចង់ឲ្យសេចក្ដីព្រាងច្បាប់ ស្ដីពីសមាគម និងអង្គការក្រៅរដ្ឋាភិបាល ឆាប់ត្រូវ​បាន​អនុម័ត និងត្រូវតែអនុម័ត ឲ្យខាងតែបាននោះ ចំណែកឯអ្នកជំនាញ ខាងច្បាប់វិញ បានចង្អុលចំៗថា ច្បាប់​ដែលរដ្ឋាភិបាល​កំពុង​ធ្វើនេះ មានលក្ខណៈមិនសមស្រប នឹងរដ្ឋធម្មនុញ្ញឡើយ។ មិនត្រឹមតែប៉ុណ្ណឹង អ្នក​ជំនាញ​រូប​នោះ ថែមទាំងបានរិះគន់ថា រដ្ឋាភិបាលយកមនុស្ស មិនចេះច្បាប់ មកធ្វើច្បាប់នោះថែមទៀត។

អតីតចៅក្រម អតីតមេធាវី និងជាអតីតសាស្ត្រាចារ្យសាលាច្បាប់ លោក ស សុវ៉ាន បានធ្វើការបរិហា នូវ​ចំណុច​មួយចំនួន ក្នុងចំណោមចំណុចជាច្រើន នៃសេចក្តីព្រាងច្បាប់ ស្តីពីសមាគម និងអង្គការ​ក្រៅ​រដ្ឋាភិបាល ដែល​លោកបានចាត់ទុកថា មានលក្ខណៈរំលោភសិទ្ធិបុគ្គល និងរដ្ឋធម្មនុញ្ញ។ លោកបាន​បង្ហាញ​ត្រួសៗថា ដូចជា​ពាក្យ និងនិយមន័យ នៃពាក្យថា អ្វីទៅជាសមាគម អ្វីជាមូលនិធិ និងអ្វីជាអង្គការ​ក្រៅ​រដ្ឋាភិបាល (...) នៅមិន​មានការបកស្រាយ [...]

នាព្រឹកថ្ងៃទី៨ ខែកក្កដា ឆ្នាំ២០១៥នេះ រដ្ឋសភាកម្ពុជា បានបើកសិក្ខាសាលា ពិគ្រោះយោបល់ ស្តីពីសេចក្តី​ព្រាងច្បាប់ ស្តីពីសមាគម និងអង្គការ មិនមែនរដ្ឋាភិបាល ក្រោមអធិបតីភាពលោក ហេង សំរិន ប្រធាន​រដ្ឋសភា។ ប៉ុន្តែសិក្ខាសាលានេះ មិនសម្រាប់បុគ្គលិកអង្គការសង្គមស៊ីវិល និងអ្នកកាសែតមួយចំនួន ដែល​មិន​បាន​ចុះ​ឈ្មោះ​ទាន់ពេល ឬមិនមានកាតពិសេសនោះឡើយ។ ផ្ទុយទៅវិញ តំណាងរាស្ត្រមួយចំនួន មកពី​គណបក្ស​សង្គ្រោះ​ជាតិ ក៏កំពុងដើរចេញ ពីអង្គសិក្ខាសាលានោះ ជាបណ្តើរៗដែរ។

លោក ព្រាប កុល នាយកប្រតិបត្តិ អង្គការតម្លាភាពកម្ពុជា ដែលសន្តិសុខរដ្ឋសភា មិនអនុញ្ញាតឲ្យចូល និងឲ្យ​ឈរ នៅក្រៅរបងសភានោះ បានថ្លែងប្រាប់ អ្នកសារព័ត៌មានថា លោកមានការសោកស្តាយណាស់  ដែល​រដ្ឋសភាបានរៀបចំ សិក្ខាសាលាថ្នាក់ជាតិនេះ តែបែរជាមានលក្ខណៈ រិតត្បិត ចង្អៀត ហើយមិនអនុញ្ញាត ឲ្យអង្កការសង្គមស៊ីវិល មួយចំនួនធំចូលរួម។ លោកបានបន្តថា មិនមែនលោក មិនបានចុះឈ្មោះចូលរួមទេ [...]

អង្គការតម្លាភាពអន្តរជាតិ ដែលល្បីល្បាញខាងការឃ្លាំមើល ភាពស្អាតស្អំ នៅគ្រប់ជ្រុងជ្រោយ នៃផែនដី បាន​ធ្វើការថ្កោលទោស ទៅលើសេចក្តីព្រាងច្បាប់ ស្ដីពីសមាគម និងអង្កការក្រៅរដ្ឋាភិបាល របស់រដ្ឋាភិបាល​កម្ពុជា ដោយបានចាត់ទុកសេចក្ដីព្រាងច្បាប់នេះ ថាបានរំលោភលើច្បាប់ និងអនុសញ្ញាអន្តរជាតិ។

សេចក្ដីថ្លែងការណ៍ថ្កោលទោស របស់អង្គការតម្លាភាពអន្តរជាតិ ដែលមានទីតាំង នៅក្នុងប្រទេសអាល្លឺម៉ង់ ត្រូវ​បានដាក់ផ្សាយ នៅលើគេហទំព័រ​របស់​អង្គការនេះ កាលពីថ្ងៃទី២ ខែកក្កដាកន្លងទៅ (ប្រិយមិត្តអាចរកអាន​បាន ជាភាសាអង់គ្លេស ដោយចុច​នៅទី​នេះ)។ លោក ចូហ្សេ អ៊ូហ្គាស (Jose Ugaz) ប្រធាន​នៃ​អង្គការ​តម្លាភាព​អន្តរជាតិ បាន​ថ្លែង​ថា «​សង្គម​ស៊ីវិល​ គឺ​ជា​ការ​តំណាង [...]