«ឆ្កួតតពូជ ដែលចង់បង្កើតច្បាប់ការពារនាយករដ្ឋមន្ត្រី»
«វាជាគំនិតនយោបាយឆ្កួតតំណពូជ តជំនាន់» នេះជាការលើកឡើង របស់លោក សួន សេរីរដ្ឋា ប្រធានគណបក្សអំណាចខ្មែរ តបទៅនឹងយោបល់ របស់អ្នកនយោបាយជើងចាស់ពីររូប ដែលបានប្រកាសកាលពីម្សិលម៉ិញ ថាចង់ស្នើឲ្យគណបក្សធំទាំងពីរ ដែលមានអសនៈ នៅក្នុងរដ្ឋសភា ឲ្យបង្កើតច្បាប់ «ផ្ដល់អភ័យឯកសិទ្ធិ» សម្រាប់នាយករដ្ឋមន្ត្រី ដែលអស់អំណាច និងលើកតំកើននាយករដ្ឋមន្ត្រីចាញ់ឆ្នោតនោះ ទៅជា«នាយករដ្ឋមន្ត្រីកិត្តិយស»។
លោក លី ឡាយស្រេង អតីតឧបនាយករដ្ឋមន្ត្រី និងជាអតីតរដ្ឋមន្ត្រីច្រើនក្រសួង មកពីគណបក្សហ្វុនស៊ីនប៉ិច បានថ្លែងកាលពីម្សិលម៉ិញ នៅក្នុងពិធីរំឭកវិញ្ញាណក្ខន្ធជនរងគ្រោះ ក្នុងព្រឹត្តិការណ៍បង្ហូរឈាម ថ្ងៃ៥-៦ កក្កដា ឆ្នាំ១៩៩៧ ខួបទី២០ ថា លោកចង់ឲ្យគណបក្សប្រជាជនកម្ពុជា និងគណបក្សសង្រ្គោះជាតិ សហការគ្នាបង្កើតច្បាប់មួយ ការពារនាយករដ្ឋមន្រ្តី ដែលធ្លាក់ពីអំណាច កុំឲ្យមានការកាត់ទោស។
អ្នកនយោបាយជើងចាស់ [...]
