Posts tagged as "CNRP"

បន្ទាប់ពីសហរដ្ឋអាមេរិក សហភាពអ៊ឺរ៉ុបកំពុងបន្តចាត់វិធានការ ដាក់ទណ្ឌកម្មប្រឆាំងរដ្ឋាភិបាលលោក ហ៊ុន សែន ដូចគ្នា។ នៅថ្ងៃនេះ ស្ថាប័នអ៊ឺរ៉ុប ដែលតំណាងឲ្យលំហរទីផ្សារនាំចេញ ដ៏ធំជាងគេរបស់កម្ពុជា បានសម្រេចផ្អាកការផ្ដល់ជំនួយទាំងឡាយណា ដែលទាក់ទងនឹងវិស័យបោះឆ្នោត មកឲ្យប្រទេសកម្ពុជា បន្ទាប់ពីព្រឹត្តិការណ៍នយោបាយ នៅក្នុងប្រទេសនេះ បានផ្ទុះឡើងជាបន្តបន្ទាប់ ជាពិសេសការរំលាយគណបក្សសង្គ្រោះជាតិ ដែលជាគណបក្សប្រឆាំងធំជាងគេ ទទួលបានការគាំទ្រ ពីពលរដ្ឋជិតពាក់កណ្ដាលនគរ។

លិខិតមួយរបស់សហភាពអ៊ឺរ៉ុប ដែលបានផ្ញើរទៅកាន់គណៈកម្មាធិការជាតិរៀបចំការបោះឆ្នោត (ហៅកាត់ថា គ.ជ.ប) និងដែលបានធ្លាក់មកដល់ដៃអ្នកសារព័ត៌មាន​ដែរនោះ បានសរសេរច្បាស់ៗ និងខ្លាំងៗថា៖  «ដំណើរការបោះឆ្នោត ដែលគណបក្សប្រឆាំងដ៏សំខាន់មួយ ត្រូវបានរំលាយចោល តាមអំពើចិត្តនោះ ពុំអាចចាត់ទុកថា ជាការបោះឆ្នោតស្របច្បាប់ បាននោះទេ»។

[...]

ការបែកធ្លាយពីទំនាក់ទំនង ដ៏សំងាត់រវាងមេដឹកនាំគ្រាក់ៗ របស់គណបក្សប្រជាជនកម្ពុជា ដែលមានសមានចិត្ត (ឬឈរ)ជាមួយនឹងគណបក្សសង្គ្រោះជាតិ ក្នុងការប្រឈមមួយចំនួន ទល់នឹងលោកនាយករដ្ឋមន្ត្រី ហ៊ុន សែន នោះ កំពុងបន្តផ្ទុះទៅមុខទៀត។ លើកនេះ គឺលោក ជុន ច័ន្ទបុត្រ អ្នកសារព័ត៌មាន និងជានាយកផ្នែកខេមរភាសា នៃវិទ្យុអាស៊ីសេរីផ្ទាល់តែម្ដង ដែលបានបង្ហើបឲ្យដឹង ពីអាថ៌កំបាំងខាងលើ តាមរយៈអ្វីមួយដែលអ្នកសារព័ត៌មានរូបនេះ អះអាងថា ជាការខ្សឹបប្រាប់ ពីសំណាក់លោក កឹម សុខា នៅមុនកិច្ចសម្ភាសមួយ កាលពីជិត២ឆ្នាំមុន។

នៅក្នុងកម្មវិធីផ្សាយ របស់វិទ្យុផ្សាយសម្លេង ពីរដ្ឋធានីវ៉ាស៊ីនតោន សហរដ្ឋអាមេរិក នៅក្នុងយប់ថ្ងៃច័ន្ទ ទី១១ ខែធ្នូ ឆ្នាំ២០១៧នេះ លោក ជុន ច័ន្ទបុត្រ បានស្រង់ការបង្ហើបប្រាប់ ពីសំណាក់ប្រធានគណបក្សប្រឆាំង (កាលពីពេលនោះ នៅជាអនុប្រធាន) ថា លោក ស ខេង ឧបនាយករដ្ឋមន្ត្រី រដ្ឋមន្ត្រីមហាផ្ទៃ និងជាអនុប្រធានគណបក្សប្រជាជនកម្ពុជា [...]

នៅចំពោះវិបត្តិនយោបាយសព្វថ្ងៃ «ប្រទេសកម្ពុជា កំពុងស្ថិតនៅផ្លូវបំបែកដ៏សំខាន់»។ នេះ ជាការលើកឡើងរបស់អ្នកស្រី រ៉ូណា ស្មីត (Rhona Smith) អ្នករាយការណ៍ពិសេស របស់អង្គការសហប្រជាជាតិ (អ.ស.ប) ស្ដីពីបញ្ហាសិទ្ធិមនុស្ស នៅកម្ពុជា នៅក្នុងសេចក្ដីថ្លែងការណ៍មួយ ដែលផ្សាយចេញក្នុងថ្ងៃទី១១ ខែធ្នូនេះ ពីស្នងការដ្ឋានជាន់ខ្ពស់ អ.ស.ប ទទួលបន្ទុកសិទ្ធិមនុស្ស ក្នុងទីក្រុងហ្សឺណែវ ប្រទេសស្វីស។

មន្ត្រីជំនាញរបស់អ.ស.ប.រូបនេះ បានពន្យល់ថា ប្រទេសកម្ពុជាទទួលបានកំណើនសេដ្ឋកិច្ច ដែលមិនធ្លាប់មានពីមុន ដែលអនុញ្ញតឲ្យប្រទេសនេះ អាចជួយរំដោះពលរដ្ឋ ចេញពីភាពក្រីក្រ និងលើកស្ទួយសង្គម ឲ្យមានការអភិវឌ្ឍន៍ ទាំងក្នុងវិស័យអប់រំ និងក្នុងវិស័យសុខាភិបាល។ អ្នកស្រីថា៖ «ប៉ុន្តែដើម្បីរក្សាបាន ការអភិវឌ្ឍន៍ ទាំងផ្នែកសេដ្ឋកិច្ច និងផ្នែកសង្គមនេះ វាជាប្រការសំខាន់ណាស់ ដែលត្រូវគោរពសិទ្ធិពលរដ្ឋ និងសិទ្ធិនយោបាយ មានដូចជា សេរីភាពសារព័ត៌មាន [...]