Posts tagged as "Infrastructure"

ការដ្ឋានសាងសង់ប្រព័ន្ធលូទឹកមួយ នៅក្នុងខណ្ឌទួលគោក រាជធានីភ្នំពេញ នឹងត្រូវបើកធ្វើ ចាប់ពីថ្ងៃទី១០ ខែវិច្ឆិកា ឆ្នាំ២០១៥ នេះទៅ សម្រាប់រយៈពេល៣ខែ។ នេះបើតាមការអះអាង របស់លោក សាំ ពិសិដ្ឋ ប្រធាន​មន្ទីរសាធារណៈការ និងដឹកជញ្ជូនរាជធានីភ្នំពេញ នៅក្នុងជំនួបមួយ ដែលធ្វើឡើងរវាងពលរដ្ឋ អភិបាល​ខណ្ឌ​ទួលគោក និងមន្ត្រីសាធារណៈការ និងដឹកជញ្ជូន។

ក្នុងអង្គប្រជុំ ដែលប្រព្រឹត្តិទៅ កាលពីព្រឹកថ្ងៃទី០៣ ខែវិច្ឆិកា ឆ្នាំ២០១៥ នៅក្នុងសាលាសង្កាត់ផ្សារដើមគ លោក សាំ ពិសិដ្ឋ បានបញ្ជាក់ថា គម្រោងសាងសង់ប្រព័ន្ធលូ ដែលមានបណ្ដោយប្រវែង ១០០៥ម៉ែត្រនេះ ជា​ថវិកា​ជំនួយ​ថវិកា របស់សាលារាជធានីភ្នំពេញ។

ប្រធានមន្ទីររូបនេះ បានបញ្ជាក់ឲ្យដឹងផងដែរថា ការដ្ឋានសាងសង់មួយនេះ អាចមានរយៈពេលកំណត់ ប្រមាណ​ជា៣ខែ ទើបអាចរួចរាល់។ តែលោកមិនបានចាំថា នឹងត្រូវចំណាយថវិកា អស់ប៉ុន្មាននោះទេ។ លោក​បានសំនូមពរ ឲ្យពលរដ្ឋជួយផ្សព្វផ្សាយបន្ត ទៅដល់ប្រជាពលរដ្ឋ [...]

ការជួសជុលពង្រីកផ្លូវនានា នៅក្នុងរាជធានី ឬការសាងសង់ស្ពានអាកាសជាដើម នៅតែមិនអាចទប់ទល់ នឹង​ការកកស្ទះចរាចរណ៍បាន ហើយវាបានក្លាយជាបញ្ហាចោទ សឹងតែជានិច្ចជាកាលហើយ សម្រាប់ប្រជា​ពលរដ្ឋ អ្នករស់នៅក្នុងរាជធានី។ បញ្ហាកកស្ទះ ដែលធ្វើឲ្យពលរដ្ឋទ្រាំមិនបាន ហើយបានផ្ទុះការត្អូញត្អែរឡើង។

ប្រជាពលរដ្ឋដែលធ្វើដំណើរ តាមបណ្តោយផ្លូវម៉ៃដា ឬផ្លូវ ២០០៤ ដែលមានទីតាំង នៅសង្កាត់ទឹកថ្លា ខណ្ឌ​សែនសុខ រាជធានីភ្នំពេញនោះ បានត្អួញត្អែរថា មានការកកស្ទះខ្លាំងខុសធម្មតា ក្នុងមួយរយៈកាល​ចុង​ក្រោយ​នេះ។ អ្នកទាំងនោះ ប្រាប់ឲ្យដឹងថា មូលហេតុមួយ នៅក្នុងមូលហេតុច្រើនផ្សេងទៀត ដែលនាំអោយ​ផ្លូវ​ស្ទះ គឺ​មក​ពីគ្មានការសហការគ្នា រវាងអ្នកបច្ចេកទេសធ្វើផ្លូវ និងអ្នកបច្ចេកទេសធ្វើលូ។

ពលរដ្ឋទាំងនោះ បានបន្ថែមទៀតថា នៅពេលគម្រោងជួសជុលផ្លូវ គឺធ្វើតែផ្លូវ ហើយបានបង្កការកកស្ទះ មួយ​សារទៅ។ ដល់ពេលបច្ចុប្បន្ន ដែលធ្វើផ្លូវ ជិតរួចរាល់ជាស្ថារពរ [...]

អ្នកយកភាស៊ី នៅផ្សារដើមគ មានវិធីសាស្ត្រមកយកភាស៊ី តាមបែបចល័តគ្នា ​យ៉ាងពិសេស ចេញមួយ​ចូលមួយ បន្តគ្នា​មិនចេះដាច់។ នេះបើតាមការរអ៊ូរទាំ របស់ក្រុមអាជីវករមួយចំនួន នៅទីនោះ។

ស្រ្តីអាជីវករម្នាក់ នៅលើបណ្ដោយផ្លូវ ៣៣៦ បានរៀបរាប់ ប្រាប់ទស្សនាវដ្ដីមនោរម្យ.អាំងហ្វូថា អ្នកស្រីលក់​មិនបាន​ចំណេញ​ប៉ុន្មាន​ទេ ព្រោះត្រូវចំណាយប្រាក់ សម្រាប់ភាស៊ីប្រចាំថ្ងៃច្រើនហួស ។ នេះ អ្នកស្រីនៅមិន​ទាន់និយាយ ដល់ថ្ងៃខ្លះ ដែលលក់មិនដាច់នោះផង។ អ្នកស្រី បានលើកឡើងថា អ្នកយកភាស៊ីម្នាក់ ដើរចេញ​មិនទាន់ផុត ពីកន្លែងលក់ផង ស្រាប់តែមានម្នាក់ទៀត មកយកបន្តពីក្រោយ។

អ្នកស្រីមិនដឹងថា អ្នកយកភាស៊ីទាំងនោះ មកពីខាងណាឲ្យច្បាស់ទេ ព្រោះមានអ្នកខ្លះ ពាក់ឯកសណ្ឋាន ហើយ​អ្នកខ្លះ គ្មានឯកសណ្ឋានទេ គឺស្លៀកពាក់ស៊ីវិល។ អ្នកខ្លះខុសកន្លែង ក៏មកយកភាស៊ីដែរ បើទោះ​ជា​កន្លែង​នេះ មិនមែនជាទីតាំង របស់ខ្លូនក៏ដោយ។

អ្នកលក់រូបនេះ បានបញ្ជាក់ទៀតថា [...]

នៅព្រឹកថ្ងៃទី ២១ ខែ សីហា ឆ្នាំ២០១៥នេះ ហេតុការណ៍ឈ្លោះគ្នាមួយ បានកើតឡើងដោយសារតែការ ខ្វែង​គំនិតគ្នា រវាងសមត្ថកិច្ចមូលដ្ឋាន និងសមត្ថកិច្ចអន្តោប្រវេសន៍ ដែលស្ថិតនៅប៉ោយប៉ែត ខេត្តបន្ទាយមានជ័យ។ នៅក្នុងករណីខាងនេះ មិនបានបង្កគ្រោះថ្នាក់ ដល់អ្នកណាម្នាក់ឡើយ គ្រាន់តែបង្កការភ្ងាក់ផ្អើល ដល់​ប្រជា​ពលរដ្ឋ និងអ្នកដំណើរតាមផ្លូវប៉ុណ្ណោះ។

ដើមហេតុ នៃការជជែងគ្នា យ៉ាងតឹងសរសៃរកនេះ មានពាក់ព័ន្ធ ដល់ការអន្តរាគមន៍ រឿងករណីចោរឆក់​ទូរស័ព្ទ​ដៃមួយគ្រឿង ពីពលរដ្ឋមួយរូប។ មន្ត្រីនគរបាលមូលដ្ឋាន ទទួលបណ្ដឹងជនរងគ្រោះ និងចាប់ជនល្មើសបាន តែលោកអនុប្រធានប៉ុស្តិ៍ មកអន្តរាគមន៍យកជនល្មើសទៅ ដោយចោទមន្ត្រីមូលដ្ឋាន មិនបានសហការណ៍
ជា​មួយគាត់ ។

ហេតុការណ៍នេះ ត្រូវបានថតជាប់ជាវីដេអូ ហើយយកមកបង្ហោះ នៅលើបណ្ដាញសង្គម បង្កឲ្យមានការ​ចែក​រំលែក យ៉ាងច្រើន។ មិនត្រឹមតែប៉ុណ្ណឹង ក្រុមអ្នកប្រើប្រាស់បណ្ដាញសង្គមទាំងនោះ ក៏បានបញ្ចេញមតិយោបល់ [...]