Posts tagged as "Infrastructure"

ក្រុមហ៊ុន «MCM Construction» ដែលចូលរួមសាងសង់ស្ពាននោះ បានអះអាង នៅលើទំព័រហ្វេសប៊ុករបស់ខ្លួនថា យ៉ាងហោចណាស់ មនុស្សម្នាក់ បានស្លាប់បាត់បង់ជីវិត និងច្រើននាក់ផ្សេងទៀត បានរងរបួស។ ក្រុមហ៊ុននេះ ជាក្រុមហ៊ុនមួយ ពីក្នុងចំណោមក្រុមហ៊ុនពីរ «MCM Construction» និង«FIGG Bridge Design» ដែលបានរួមគ្នា សាងសង់ស្ពាន សម្រាប់អ្នកថ្មើរជើង ដែលភ្ជាប់ទៅកាន់ផ្លូវចូល នៃសាកលវិទ្យាល័យអន្តរជាតិ ផ្លរីដា (FIU) នៃក្រុងមីអាមី។

បើតាមរូបភាពវីដេអូ ដែលត្រូវបានផ្សាយ នៅតាមកញ្ចក់ទូរទស្សន៍ និងនៅលើបណ្ដាញសង្គម គេឃើញរថយន្ដជាច្រើនគ្រឿង ត្រូវបានបំណែកបេតុងរបស់ស្ពាន ធ្លាក់សង្កត់ពីលើ។ រថយន្ដស្ទូចដ៏ធំមួយ រួមជាមួយនឹងរថយន្ដជួយសង្គ្រោះជាច្រើន ត្រូវបានបញ្ជូនទៅដល់កន្លែង ដើម្បីលើកបំណែកបេតុង និងជួយសង្គ្រោះជនរងគ្រោះ។

THE FIU BRIDGE COLLAPSED OH MY GOD

តំបូងឡើយ គម្រោង«ឡាន​ក្រុង​យក្ស ​រត់​កន្លង​លើ​ថ្នល់​ធំ» ដែលហៅជាភាសាអង់គ្លេស «Transit Elevated Bus» ឬតាមអក្សរកាត់ «TEB» ដ៏ទាក់ទាញ បានបង្កឲ្យមានភាពភ្ញាក់ផ្អើល នៅជុំវិញពិភពលោក។ នៅខែកញ្ញា ឆ្នាំទៅម៉ិញ គម្រោងនេះត្រូវបានគេរកឃើញ ថាវាគ្រាន់តែជាការផ្សាយពាណិជ្ជកម្មមួយ ដើម្បីប្រមូលប្រាក់ ពីក្រុមអ្នកមានចំណាប់អារម្មណ៍ និងចង់វិនិយោគ លើគម្រោងនេះប៉ុណ្ណោះ។

» អត្ថបទដែលទាក់ទង៖ «ឡាន​ក្រុង​យក្ស​រត់​កន្លង​លើ​ថ្នល់​ធំ» ជា​រឿង​បោក​ប្រាស់

ប៉ុន្តែគេត្រូវរង់ចាំ រហូតដល់ថ្ងៃទី២ ខែកក្កដា ថ្មីៗនេះ ទើបអាជ្ញាធរចិន បានប្រកាសជាផ្លូវការ ថាក្រុមហ៊ុន «Huaying Kailai» ដែលជាម្ចាស់គម្រោងខាងលើ កំពុងរងការជាប់សង្ស័យ ពីការប្រមូលប្រាក់ ដោយខុសច្បាប់។ នេះ បើតាមការផ្សាយ របស់ទីភ្នាក់ងារព័ត៌មានផ្លូវការ «Xinhua» របស់ចិន។ [...]

ក្រុមអ្នកបើកបរ បានហៅបណ្ដាញស្ពានអាកាស ចែកផ្លូវថ្មី កំពស់៥ជាន់ នៅក្នុងតំបន់ជាយក្រុង​ ចុងគីន (Chongqing) ភាគកណ្ដាលនៃប្រទេសចិន ថាជា«នំបញ្ចុក» ដែលមិនទាន់ចាប់ចង្វាយ។ ស្ពានអាកាសចែកផ្លូវនេះ មានឈ្មោះរួមថា «Huangjuewan» ហើយត្រូវបានសម្ពោធ ដាក់ឲ្យប្រើប្រាស់ កាលពីសប្ដាហ៍កន្លងទៅ បន្ទាប់ពីបានស្ថិតក្នុងការសាងសង់ តាំងពី៨ឆ្នាំមកហើយ។

ស្ពានអាកាសដែលខ្ពស់ជាងគេ មានកំពស់ដល់ទៅ ៣៧ម៉ែត្រ ខណៈស្ពាននីមួយៗ ត្រូវបានសង់បែកផ្លូវ ជាខ្នែងទៅកាន់ទិសដៅ មិនតិចជាង១៥ទិសដៅ ដោយមិនទាន់រាប់ពីទិសដៅ ទាំងទៅទាំងមក។

Aerial footage shows the Huangjuewan Overpass--a 5-layer overpass in China with more than 20 ramps and eight directions of traffic flow: pic.twitter.com/XAXWNZ5LCt

— World News Tonight [...]

ជាមួយនឹងកម្មវិធីដ៏ពិសេស ដែលដូនចាស់ត្រូវបានគេនាំ ឲ្យចូលទៅជួបលោក ហ៊ុន សែន ដល់គេហដ្ឋានរបស់លោកនោះ លោកយាយ យិត សាមុត បានមានឱកាស ថតរូបអោបថើប ជាមួយលោក ហ៊ុន សែន យ៉ាងស្និតស្នាល និងត្រូវបានលោកនាយករដ្ឋមន្ត្រី ហៅលោកយាយថា «អ្នកម៉ែ»។ លោក ហ៊ុន សែន បានសរសេរ នៅលើទំព័រហ្វេសប៊ុក​របស់​លោក​ថា៖ «ម្សិលមុិញ ខ្ញុំបានបំពេញបំណង របស់អ្នកម៉ែ យិត សាមុត ដែលមានបំណងជួបខ្ញុំ មុនពេលគាត់ចែកឋាន។ ពេលជួប ខ្ញុំសង្កេតឃើញចំណុចខ្លះ ដូចម្តាយរបស់ខ្ញុំ នៅត្រង់អ្នកណានិយាយអីនិយាយទៅ តែមិនភ្លេចម្លូរស្លា និងចុកថ្នាំនោះឡើយ។»។

ពិតមែនហើយ លោកយាយ យិត សាមុត ដែលអង្គុយ នៅក្នុងរថយន្ដដ៏ទំនើបមួយ បានចុកថ្នាំម្លូរស្លារ និងបានឆ្លើយតប ទៅនឹងការសាកសួរ របស់អ្នកថតវីដេអូថា៖ «ត្រូវតែចាឡាញ់ (ស្រឡាញ់) បងសែន (លោក ហ៊ុន សែន)! អត់ចាឡាញ់ អាយូសខ្លី! ចាឡាញ់បងសែនកាលណា អាយូសវែងកាលហ្នឹង។ (...) មានតាំងពីមន្ទីរពេទ្យ មានតាំងផ្លូវថ្នល់ តាំងពីស្ពាន [...]