Posts tagged as "Carlo Ancelotti"

កីឡាករខ្សែប្រយុទ្ធក្រុមប៉ារីស ហ្សិនជឺម៉ិន (Paris Saint-Germain) ស្លាតាន់ អ៊ីប្រាហ៊ីម៉ូវីក (Zlatan Ibrahimovic) បាន​និយាយកាលពីថ្ងៃអាទិត្យម្សិលមិញថា គាត់មិនដឹងថា គាត់នឹងអាចនៅបន្តជាមួយក្រុមម្ចាស់ជើងឯកលីក១ (Ligue 1) របស់បារាំងតទៅទៀត ឬយ៉ាងណានោះទេ នៅរដូវកាលក្រោយ បើលោកគ្រូបង្វឹកកាឡូ អេនសេឡូទី (Carlo Ancelotti) ពិតជាចាកចេញមែននោះ។

ស្លាតាន់ អ៊ីប្រាហ៊ីម៉ូវីក កីឡាករខ្សែប្រយុទ្ធក្រុមប៉ារីស ហ្សិនជឺម៉ិន។

អ៊ីប្រាហ៊ីម៉ូវីក ដែលមកចូលរួមជាមួយក្រុមប៉ារីស កាលពីខែកក្កដា ហើយនៅសល់កិច្ចសន្យារយះពេល២ឆ្នាំទៀតនោះ បានប្រាប់ដល់ទូរទស្សន៏បារាំង TF1 ថា «នៅពេលដែលគេសួរខ្ញុំថា តើអនាគតរបស់ខ្ញុំ ទៅជាយ៉ាងណា បើលោក​អេនសេឡូទី ចាកចេញនោះ។ ខ្ញុំពិតជាមិនដឹងមែន ហើយក៏មិនមែនជារឿងងាយស្រួលដែរ។»

បន្ទាប់ពីមានពាក្យចចាមអារ៉ាមជាច្រើន ក្នុងរយះពេលប៉ុន្មានខែកន្លងមកនេះ ទីបំផុតគ្រូបង្វឹកលោកជូសេ ម៉ូរីញ៉ូ (Jose Mourinho) ពិតជាត្រូវចាកចេញពីក្រុមអធិរាជសរៀលម៉ាឌ្រីដ (Real Madrid) ពិតប្រាកដហើយ បន្ទាប់ពីម្ចាស់ក្លឹបលោក ហ្វឡរ៉ិនទីណូ ប៉េរែស (Fiorentino Perez) បានប្រកាសកាលពីម្សិលមិញថា ពួកគេនឹងចែកផ្លូវគ្នាជាមួយជូសេ ក្រោយចប់​រដូវកាល នេះបើតាមសេចក្ដីរាយការណ៏របស់កាសែតអង់គ្លេសហ្គាដៀន (Guardian)។

លោកជូសេ ម៉ូរីញ៉ូ គ្រូបង្វឹករបស់ក្រុមបាល់ទាត់រៀល ម៉ាឌ្រីដ។

បុរសវ័យ៥០ឆ្នាំ មានឆ្នាំដ៏អាក្រក់មួយ ជាមួយនឹងក្រុមនាកីឡាដ្ឋានបឺណាប៊ូ (Bernebeu) បន្ទាប់ពីពុំទទួលបាន​ពាន​រង្វាន់​អ្វីសោះក្នុងរដូវកាលនេះ ហើយក៏ជាការអាម៉ាសដំបូងបំផុតក្នុងអាជីពរបស់គាត់។ ហើយដំណែងរបស់គាត់​ត្រូវបាន​គេ​ដឹងថា [...]

គ្រូបង្វឹកក្រុមបាល់ទាត់អ្នកមានថ្មី ប៉ារីស ហ្សិនជឺម៉ិន (Paris Saint-Germain) លោកកាឡូ អេនសេឡូទី (Carlo Ancelotti) ចង់ចាកចេញពីក្លឹបនៅក្នុងទីក្រុងប៉ារីស និងនិយាយថារៀលម៉ាឌ្រីដ (Real Madrid) អាចជាទិសដៅមួយ ដែលគាត់ត្រូវទៅ​ដឹកនាំបន្ត។.

លោកកាឡូ អេនសេឡូទី គ្រូបង្វឹកក្រុមបាល់ទាត់ប៉ារីស ហ្សិនជឺម៉ិន។

បុរសសញ្ជាតិអ៊ីតាលីរូបនេះ បានជួបពិភាក្សាគ្នាមួយ ជាមួយនឹងម្ចាស់ក្លឹបលោកណាសឺ អាល់ឃេឡៃហ្វី (Nasser Al-Khelaifi) និងនាយកផ្នែកកីឡា លោកឡេអូណាដូ (Leonardo) កាលពីថ្ងៃអាទិត្យ ដើម្បីជជែកពីបញ្ហាអនាគត​របស់​គាត់។ ប៉ុន្តែក្រុមម្ចាស់ជើងឯកថ្មីរបស់បារាំងមួយនេះ នៅមានការស្ទាក់ស្ទើរ និងមិនចង់ឲ្យគ្រូបង្វឹករូបនេះចាកចេញនោះទេ ខណៈដែលកិច្ចសន្យារបស់គាត់ នៅសល់រយះពេលមួយឆ្នាំទៀត។