លីវើភូលព្រមានស្វារែស ឲ្យសរសេរជា«លាយលក្ខណ៍អក្សរ» បើចង់ចេញ
ក្រុមហង្សក្រហមលីវើភូល (Liverpool) បានប្រាប់ដល់ខ្សែប្រយុទ្ធរបស់ខ្លួន ល្វីស ស្វារែស (Luis Suarez) ថា ឲ្យសរសេរសំណើរសុំផ្ទេរ ជា«លាយលក្ខណ៍អក្សរ»មក បើគាត់ពិតជាចង់ចាកចេញពីទឹកដីប្រទេសអង់គ្លេសមែន។
ល្វីស ស្វារ៉ែស កីឡាករខ្សែរប្រយុទ្ធរបស់ ក្រុមបាល់ទាត់លីវើភូល។
ខ្សែប្រយុទ្ធអន្តរជាតិអ៊ុយរ៉ាហ្គាយរូបនេះ គ្មានបំណងចង់បន្តអនាគតជាមួយក្រុមហង្សក្រហមទៀតទេ បន្ទាប់ពីដឹងថាមានក្រុមរៀលម៉ាឌ្រីដ (Real Madrid) និងក្រុមបាសេឡូណា (Barcelona) ចង់បានរូបគាត់។
ស្វារែស វ័យ២៦ឆ្នាំ បាននិយាយថា គាត់ត្រូវតែចាកចេញ គាត់មិនអាចទ្រាំនៅក្នុងទឹកដីអង់គ្លេសឲ្យគេមើលងាយ និងជាទីប្រមាញ់សម្រាប់អ្នកកាសែតនោះទេ បើទោះបីជាអ្នកគាំទ្រទទូចសុំឲ្យនៅបន្ត ជួយក្លឹបមួយរដូវកាលទៀត យ៉ាងណាក៏ដោយ។
អ្នកគាំទ្រ [...]
