លីវើភូល ទិញ​ខ្សែ​ប្រយុទ្ធ​សញ្ជាតិ​អេស្ប៉ាញ បាន​ជា​ផ្លូវ​ការ​ហើយ

ក្រុមហង្សក្រហមលីវើភូល (Liverpool) បានប្រកាសជាផ្លូវការថា ក្រុមបានទិញយកខ្សែប្រយុទ្ធរបស់ក្រុមស្សែលតា វីកូ (Celta Vigo) អៃកូ អាសប៉ាស (Iago Aspas) បានហើយ ដែលមានកិច្ចព្រមព្រាងគ្នា ក្នុងតម្លៃប្រមាណ ៧.៥លានផោន (១១.៧៧លានដុល្លា, ៨.៨២លានអ៊ឺរ៉ូ)។
Loading...
  • ដោយ: វិន ជីវ័ន្ត
  • កែប្រែចុងក្រោយ: June 14, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្រុមហង្សក្រហមលីវើភូល (Liverpool) បានប្រកាសជាផ្លូវការថា ក្រុមបានទិញយកខ្សែប្រយុទ្ធរបស់ក្រុមស្សែលតា វីកូ (Celta Vigo) អៃកូ អាសប៉ាស (Iago Aspas) បានហើយ ដែលមានកិច្ចព្រមព្រាងគ្នា ក្នុងតម្លៃប្រមាណ ៧.៥លានផោន (១១.៧៧លានដុល្លា, ៨.៨២លានអ៊ឺរ៉ូ)។


កីឡាករ អៃកូ អាលប៉ាល របស់ក្រុមបាល់ទាត់ ស្សែលតា វីកូ។ (រូបថត AFP)

កីឡាករវ័យ២៥ឆ្នាំរូបនេះ បានក្លាយជាកីឡាករទី២ ដែលលោកប្រេនដិន រ៉ដចឺ (Brendan Rodgers) ទិញចូលក្នុងរដូវក្តៅ​នេះ បន្ទាប់ពីគ្រូបង្វឹករូបនោះបាននាំយកខ្សែការពារកណ្តាលពីក្រុមម៉ែនឆេស្ទើ ស៊ីធី (Manchester City) ខូឡូ តូរ៉េ (Kolo Toure) រួចមក។

លីវើភូល បានទាក់ទងខ្សែប្រយុទ្ធសញ្ជាតិអេស្ប៉ាញយូរណាស់មកហើយ ប៉ុន្តែដោយសារតែមានបញ្ហាខាងឯកសាររត់ការ ទើបមានការពន្យាពេលចុះកិច្ចសន្យារហូតមកដល់ពេលបច្ចុប្បន្ន។

អាសប៉ាស ដែលរកគ្រាប់បាល់បញ្ចូលទីបាន ១២គ្រាប់ ក្នុងការបង្ហាញខ្លួនចំនួន ៣៤លើកក្នុងរដូវកាលនេះ បានធ្វើដំណើរ​មកកាន់ទីក្រុងលីវើភូល កាលពីដើមសប្តាហ៏នេះ ដើម្បីធ្វើការពិនិត្យសុខភាព នឹងត្រៀមខ្លួនក្លាយជាសមាជិកថ្មី​របស់​ក្រុម​ហង្សក្រហម។

ការប្រកួតចុងក្រោយក្នុងក្របខ័ណ្ឌឡាលីកា (La Liga) របស់អេស្ប៉ាញ អាប៉ាសបានជួយបញ្ជូនបាល់​ឲ្យមិត្តរួមក្រុមទាត់​បញ្ចូលទីបាន១គ្រាប់ ហើយក៏ជាគ្រាប់ដ៏សំខាន់បំផុត ដែលជួយឲ្យក្រុមស្សែលតា បន្តជីវិតនៅក្នុងក្របខ័ណ្ឌកំពូល​របស់​អេស្ប៉ាញជាបន្តទៀតដែរ។

កីឡាកររូបនេះ អាចលេងក្នុងដំណែងជាខ្សែប្រយុទ្ធកណ្តាល ឬខ្សែបម្រើប្រយុទ្ធទាំងស្លាបឆ្វេង និងស្លាបស្តាំបានផងដែរ។ គាត់ក្លាយជាវីរបុរស សម្រាប់អ្នកគាំទ្រក្រុមស្សែលតា បន្ទាប់ពីបានលេងឲ្យក្លឹបនោះ តាំងតែពីវ័យកុម៉ា រហូតមកដល់​បច្ចុប្បន្ន។

អាសប៉ាស បាននិយាយថា «នៅពេលដែលខ្ញុំដឹងថា លីវើភូលចាប់អារម្មណ៏ខ្ញុំ ខ្ញុំពុំមានការស្ទាក់ស្ទើរនោះទេ។ ខ្ញុំបាន​លុបចោលគម្រោងវិសមកាលរបស់ខ្ញុំទាំងអស់ ដើម្បីត្រៀមកិច្ចការក្នុងការប្តូរទៅកាន់ទឹកដីអង់គ្លេសនេះ។»

គាត់បបន្ថែមថា «លីវើភូល ជាក្លឹបធំបំផុតមួយលើពិភពលោក ហើយខ្ញុំក៏មានក្រុមមកពីប្រទេសអ៊ីតាលី ប្រទេស​ព័រទុយហ្គាល់ និងក្លឹបដទៃទៀតធ្វើការទាក់ទងដែរ ប៉ុន្តែខ្ញុំបានសម្រេចចិត្តអនាគតរបស់ខ្ញុំ ជាមួយលីវើភូលទៅហើយ។ ខ្ញុំរីករាយខ្លាំងណាស់ ហើយនេះជាជំហ៊ានដ៏ធំមួយសម្រាប់អាជីពរបស់ខ្ញុំ។»

ទោះបីជាយ៉ាងណា កីឡាកររូបនេះ មិនមែនមកជំនួសដំណែងកីឡាករល្វីស ស្វារែស (Luis Suarez) ដែលចង់ចាកចេញ​ទៅចូលរួមជាមួយក្រុមរៀលម៉ាឌ្រីដ (Real Madrid) នោះទេ ពោលគឺលោករ៉ដចឺ គ្រាន់តែចង់បន្ថែមនូវ​ខ្សែប្រយុទ្ធរបស់​គាត់បន្ថែមទៀត ខណៈដែលស្វារែស ជាប់ពិន័យ ៦ប្រកួតដំបូងនៅរដូវកាលថ្មី និងបារម្មណ៏ខ្លាចខ្សែប្រយុទ្ធសំខាន់​ដទៃ​ទៀត មានបញ្ហារបួសតែប៉ុណ្ណោះ៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៤ ខែមិថុនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...