Posts tagged as "Khmer rouge"

អតីតប្រមុខរដ្ឋ នៃរបបកម្ពុជាប្រជាធិបតេយ្យ បានចូលទៅសម្រាកពេទ្យ កាលពីថ្ងៃពុធទី១៦មករាម្សិលម៉ិញ ខណៈលោក​កំពុងត្រូវបានតុលាការកូនកាត់មួយ ក្នុងទីក្រុងភ្នំពេញ កាត់ទោសលោកពីបទឧក្រិដ្ឋកម្មប្រឆាំងមនុស្សជាតិ។

លោកខៀវ សំផន អតីតប្រមុខរដ្ឋនៃរបបកម្ពុជាប្រជាធិបតេយ្យ នៅក្នុងសវនាកាត់ក្ដី។ រូបថត eccc.gov.kh។

លោក ឡាស អូលសេន (Lars Olsen) អ្នកនាំពាក្យសាលាក្ដី ដែលបង្កើតឡើងរវាងអង្គការសហប្រជាជាតិ និងរដ្ឋាភិបាល​កម្ពុជា សម្រាប់កាត់ទោសមេដឹកនាំខ្មែរក្រហម  បានពន្យល់ថា បុរសអតីតមេដឹកនាំនៃរបបបីឆ្នាំ ប្រាំបីខែម្ភែថ្ងៃ អាយុ៨១ឆ្នាំ ឈ្មោះខៀវ សំផន មានអាការះអស់កម្លាំង និងពិបាកក្នុងការដកដង្ហើម។

មេដឹកនាំម្នាក់ទៀត ដែលជាអតីតបងធំទីពីរ លោកនួន ជា [...]

តុលាការកូនកាត់ រវាងរដ្ឋាភិបាលក្រុងភ្នំពេញ និងអង្គការសហប្រជាជាតិ សម្រាប់កាត់ទោស មេដឹកនាំខ្មែរក្រហម នឹង​អស់​លទ្ធភាពបើកប្រាក់ខែ ជូនបុគ្គលិករបស់ខ្លួន បានជាបន្តទៅទៀត ចាប់ពីខែមករាឆ្នាំក្រោយនេះទៅ។

អង្គសាវនាការ នៃសាលាក្ដីវិសមញ្ញ ដើម្បីកាត់ក្ដីលើមេដឹកនាំខ្មែរក្រហម កាលពីថ្ងៃ៦ខែធ្នូ ឆ្នាំ២០១២។ រូបថត សាលាក្ដី។

សាលាក្ដីអន្តរជាតិវិសមញ្ញ ដែលមានទីតាំងនៅទីក្រុងភ្នំពេញមួយនេះ បានប្រកាសយ៉ាងដូច្នេះ កាលពីថ្ងៃសុក្រ​ទី២១ធ្នូ​កន្លងទៅនេះ ខណៈកំពុងទទួលរងការរិះគន់ ពីប្រសិទ្ធិភាពការងារកាត់ក្ដី ថាមានលក្ខណៈយឺតជ្រុល។ នៅក្នុងគម្រោង​ថវិការបស់ខ្លួន តុលាការនេះត្រូវចំណាយប្រមាណជា ៩,៥លានដុល្លាអាមេរិក បន្ថែមទៀត សម្រាប់ឆ្នាំ២០១៣នេះ។ [...]

ការស៊ើបអង្កេតមួយ ធ្វើឡើងដោយនគរបាលយុត្តិធម៌ នៃរដ្ឋវិចធ័ររៀ (Victoria) បានប្រកាសពីភាពស្អាតស្អំ របស់ រដ្ឋាភិបាលអូស្ត្រាលី ក្នុងដំណោះស្រាយចំណាប់ខ្មាំង ដែលត្រូវពួកខ្មែរក្រហមភ្នំវល្ល៍ ចាប់ជំរិតកាលពីឆ្នាំ១៩៩៤។

ទិដ្ឋភាពភ្នំវល្ល៍។ រូបភាពឯកសាររបស់ DC-Cambodia។

អ្នកទេសចរណ៍បច្ចឹមប្រទេសចំនួនបីរូប រួមមាន លោក ដេវីឌ ជន វីលសាន់ (David John Wilson) ជាជនជាតិអូស្រ្តាលី អាយុ២៩ឆ្នាំ លោក ស្សង់ មីស្សែល ប្រាគេ (Jean-Michel Braquet ) ជាជនជាតិបារាំង អាយុ២៧ឆ្នាំ និងមួយរូបទៀត គឺលោក ម៉ាក ស្លេតធ័រ (Mark Slater ) ជាជនជាតិអង់គ្លេស មានវ័យ២៨ឆ្នាំ ត្រូវបានចាប់ខ្លួន ខណៈពេលមាន ការវាយ ប្រហារទៅលើរថភ្លើងមួយ ដោយពួកខ្មែរក្រហម កាលពីថ្ងៃទី ២៦ កក្កដា ឆ្នាំ១៩៩៤ នៅក្នុងខេត្តកំពត ភាគខាងត្បូងនៃ [...]

តុលាការខ្មែរក្រហម ដែលទទួលបន្ទុកកាត់ទោស មេដឹកនាំខ្មែរក្រហម បានដោះលែងកាលពីថ្ងៃអាទិត្យទី ១៦កញ្ញានេះ អតីតស្រ្តីទីមួយនៃរបបខ្មែរក្រហម លោកស្រី អៀង ធីរីទ្ធ ដោយបានចាត់ទុកថា លោកស្រីមានសតិមិននឹងនរ ក្នុងការ ទទួលយកការកាត់ក្ដី និងមិនអាចឆ្លើយតបបានត្រឹមត្រូវ ទល់នឹងបទឧក្រិដ្ឋ ដែលតុលាការបានចោទប្រកាន់ ទៅលើ លោកស្រីនោះ។ លោកស្រី អៀង ធីរិទ្ធ អាយុ៨០ឆ្នាំ ត្រូវបានតុលាការកូនកាត់ រវាងរដ្ឋាភិបាលខ្មែរ និងអង្គការសហ- ប្រជាជាតិ ចោទប្រកាន់ពីបទប្រល័យពូជសាសន៍​ ឧក្រិដ្ឋកម្មប្រឆាំងនឹងមនុស្សជាតិ និងពីបទឧក្រិដ្ឋកម្មសង្រ្គាម។ មេធាវី ការពារក្ដីរបស់លោកស្រី បានអះអាងថាលោកស្រីលែងមានការចងចាំធម្មតាដូចមុនទៀត ដោយទំនងជាលោកស្រី បានរងគ្រោះនឹងជំងឺបាត់ការចងចាំមួយ។ លោកនេត្រ ភ័ត្រា អ្នកនាំពាក្យអោយសាលាក្ដីវិសមញ្ញនេះ បាននិយាយថា «ជនជាប់ចោទ អៀង ធីរិទ្ធិ ត្រូវបានដោះលែងនៅក្រោមលក្ខខ័ណ្ឌមួយចំនួន។» លោកស្រីត្រូវបានកូនក្មួយរបស់លោកស្រី [...]

ក្រុមអាជ្ញាធរបាន និយាយថា​ រណ្ដៅកប់សាកសពរួមមួយ ដែលមានឆ្អឹងជនរងគ្រោះ ច្រើនជាងមួយរយនាក់  ត្រូវបានគេ រកឃើញនៅផ្នែកខាងជើងឈាងខាងលិចន នៃប្រទេសកម្ពុជា។

គំនរឆ្អឹងគរដូចភ្នំ ដែលបន្សល់ទុកដោយរបបខ្មែរក្រហមចន្លោះពីឆ្នាំ១៩៧៥ មក១៩៧៩។

ម្ចាស់ដី ដែលមានទីតាំងក្នុងស្រុកក្រឡាញ់ ខេត្តសៀមរាប និងក្រុមកម្មកររបស់គាត់ បានប្រើត្រាក់ទ័រជីកដី ហើយបានរក ឃើញដោយចៃដន្យ នូវគ្រោងឆ្អឹងទាំងនេះ កាលពីមួយសប្ដាហ៍មុន។ លោក​វរសេនីយ៍ឯក ញឹម សីលា អ្នកទទួលខុសត្រូវ ម្នាក់ នៃកងរាជអាវុធហត្ថប្រចាំខេត្តសៀមរាប បាននិយាយអោយដឹងថា យ៉ាងហោចណាស់ មានជនរងគ្រោះចំនួន ១៧នាក់ ត្រូវបានគេរកឃើញ ក្នុងខណៈពេលដែល កងរាជអាវុធហត្ថ ធ្វើការពិនិត្យស៊ើបអង្កេតនោះ។