Posts tagged as "Election"

ការបង្កើតនេះ បានធ្វើឲ្យសមាជិកមួយចំនួន ក្នុងចំណោមសមាជិកទាំង៩ របស់ គ.ជ.ប មានការមិនពេញចិត្ត ព្រោះតែសេចក្តីសម្រេចនេះ ត្រូវបានតាក់តែងឡើង ដោយប្រធាន គ.ជ.ប ឬសមាជិកមួយចំនួន ដែលមកពី​គណបក្សប្រជាជនកម្ពុជា តែប៉ុណ្ណោះ។ រីឯសមាជិក ដែលមកពីគណបក្សសង្គ្រោះជាតិ ទំនងជាមិនបានគាំទ្រ ចំពោះការសម្រេចនោះឡើយ។

កាលពីថ្ងៃទី១៥ ខែមិថុនា ឆ្នាំ២០១៥ ម្សិលម៉ិញនេះ គ.ជ.ប បានចេញសេចក្តីសម្រេចរបស់ខ្លួនចំនួនពីរ ក្នុង​​ការ​បែងចែកការងារ និងការទទួលខុសត្រូវ របស់សមាជិកទាំង៩។ តាមសេចក្តីសម្រេច លេខ០៣២ ចុះថ្ងៃ​ទី​១៥ ខែមិថុនា ចុះហត្ថលេខាដោយលោក ស៊ិក ប៊ុនហុក ជាសេចក្តីសម្រេច ស្តីពីការបង្កើតគណកម្មការ ទំនាក់​ទំនង​ការងារនៃ គ.ជ.ប ជាមួយភាគីពាក់ព័ន្ធនឹងការបោះឆ្នោត ដែលសេចក្តីសម្រេចនេះ ធ្វើការបែងចែក​ជា​បួន​ក្រុម។ ចំណុចសំខាន់ នៃសេចក្តីសម្រេចនេះ នៅត្រង់ថា ធ្វើឡើងដោយគ្មានកិច្ចប្រជុំ នៃសមាជិក​គណកម្មការ ទាំង​ប្រាំបួនជាមុនឡើយ។ តាមចំណុច«យោង» [...]

ជិតចូលពីរខែ នៃការបង្កើតគណៈកម្មាធិការជាតិ រៀបចំការបោះឆ្នោត (គ.ជ.ប) ថ្មី វាហាក់ដូចជាយូរណាស់ សម្រាប់អ្នក​ដែលទន្ទឹងរង់ចាំ តែវាក៏ជាពេលវេលា ដ៏ឆាប់រហ័សណាស់ដែរ សម្រាប់ការចាប់ផ្ដើមកិច្ចការមួយ ដែលថ្មីសុទ្ធនិងត្រូវ​រៀបចំ នូវការបោះឆ្នោតភ្លាមៗ ក្នុងពេលខាងមុខ។ ដូច្នេះហើយ ទើបការរិះគន់ជាច្រើន បានធ្លាក់មកជាបន្តបន្ទាប់ ក្នុងនោះ មាន​ដូចជាបានចាត់ទុក គ.ជ.ប ថ្មីនេះ កំពុងប្រើប្រាស់«ម៉ាស៊ីនចាស់» ពុំបានធ្វើការផ្លាស់ប្តូរ ឬកែប្រែអ្វីថ្មី ក្នុងការសណ្តោង ឬ​អូស​រ៉ឺម៉ក ដ៏កញ្ចាស់របស់ខ្លួននោះជាដើម។

ឆ្លើយតប នឹងការលើកឡើងខាងលើនេះ សមាជិកម្នាក់ និងជាមន្រ្តីនាំពាក្យ នៃស្ថាប័នអាជ្ញាកណ្ដាល ជំនាញខាងការ​រៀបចំ​ការបោះឆ្នោតជាតិ លោក ហង្ស ពុទ្ធា បានថ្លែងទទួលស្គាល់ គ្នុងកិច្ចសម្ភាសជាមួយ ទស្សនាវដ្ដីមនោរម្យ.អាំងហ្វូ​ថា ខ្លួនប្រាណរបស់ គ.ជ.ប ដែលកំពុងដំណើការនេះ ពិតជា«ចាស់»មែន បើទោះជា គ.ជ.ប បច្ចុប្បន្ននេះ [...]

ថ្លែងក្នុងសេចក្តីប្រកាសព័ត៌មាន កាលពីព្រឹកថ្ងៃទី២៨ ខែឧសភានេះ តំណាងអង្កការខុមហ្វ្រេល លោក កង សាវាង្ស បាន​លើកឡើងថា ក្រោយការបោះឆ្នោត មកដល់ពេលនេះ អង្គការលោក បានធ្វើការអង្កេត និងឃ្លាំមើលពី តួនាទី សិទ្ធិ និង​អំណាចរបស់រដ្ឋសភា ក៏ដូចជារបស់តំណាងរាស្រ្ត ទាំង១២៣នាក់ និងកិច្ចការមួយចំនួនទៀត ដែលទាក់ទងនឹង​រដ្ឋសភា​ដូចជា កិច្ចប្រជុំពេញអង្គ ការជជែកដេញដោល ក្នុងសភា ការចុះមូលដ្ឋាន របស់តំណាងរាស្រ្ត និងការផ្លាស់ប្តូរថ្នាក់​ដឹកនាំ​សភា ជាដើម។ លោកបន្តថា ទាំងអស់នេះ បានសម្រេចជារូបរាង នូវសៀវភៅមួយ ដែលមានចំណងជើងថា៖ «ប្រវត្តិ​តំណាង​រាស្រ្ត នីតិកាលទីប្រាំឆ្នាំ២០១៣ ដល់ឆ្នាំ២០១៨» និងសៀវភៅ «អង្កេតរដ្ឋសភា និងតំណាងរាស្រ្ត»។

មន្រ្តីនៃកម្មវិធីអង្កេត លោក កង សាវាង្ស បានបន្តថា នៅមានកម្មវិធីជាច្រើនទៀត ដែលខុមហ្វ្រេល បានធ្វើការអង្កេត​ដូច​ជា ការបង្កើតរាជរដ្ឋាភិបាល ក្រសួង រដ្ឋលេខាធិការដ្ឋាន គោលនយោបាយ [...]

សាស្ត្រាចារ្យជំនាញច្បាប់ម្នាក់ មកពីសកលវិទ្យាល័យច្បាប់មួយ នៃប្រទេសកម្ពុជា បានលើកឡើងថា ការចូលរួម របស់​លោក រ៉ុង ឈុន ដែលជាសកម្មភាពសង្គម មិនមានអ្វីខុសទៅនឹងច្បាប់ថ្មីរបស់ គ.ជ.បនោះឡើយ។ រីឯលោក រ៉ុង ឈុន ក៏​ដូច​ជាសមាជិក គ.ជ.ប ដទៃទៀត ក៏មានសិទ្ធិ ក្នុងនាមជាពលរដ្ឋកម្ពុជាមួយរូប ដើម្បីចូលរួម ក្នុងការងារនានា នៃ​សកម្មភាព​សង្គម ដូចជា ទិវាពលកម្មអន្តជាតិ ទិវានារីអន្តរជាតិ ទិវាកុមារអន្តរជាតិ ទិវាសិទ្ធិមនុស្សអន្តរជាតិ មាឃបូជា ពិសាខ​បូជា ឬចូលឆ្នាំសកលជាដើម។

ការថ្លែងរបស់សាស្ត្រាចារ្យខាងលើ បានធ្វើឡើងជាមួយទស្សនាវដ្ដីមនោរម្យ.អាំងហ្វូ ក្នុងល័ក្ខខ័ណ្ឌមិនបញ្ចេញឈ្មោះ ដោយ​យោងតាមមូលហេតុ «ការងារ» របស់លោក។ ការថ្លែងរបស់លោក បានកើតឡើង បន្ទាប់ពីការចូលរួម របស់លោក រ៉ុង ឈុន សមាជិកថ្មី នៃ គ.ជ.ប ជាមួយបណ្តាពលរដ្ឋ នាមុខរដ្ឋសភា ក្នុងទិវាពលកម្មអន្តរជាតិ ថ្ងៃទី០១ ខែឧសភា ដែល​ជា​ថ្ងៃសម្រាកពីការងារ និងក្រៅម៉ោងធ្វើការ [...]

ប្រសិនជាគេនិយាយ ពីសមាគមមួយ ដែលមានឈ្មោះថា «ជ័យលាភីបញ្ញាជនកម្ពុជា» ទំនងជាមិនសូវ មាននរណា​ស្គាល់​នោះទេ។ ប៉ុន្តែជាមួយនឹងសិក្ខាសាលា ដែលសមាគមនេះបានធ្វើដោយខ្លួនឯង កាលពីថ្ងៃទី០១ ខែឧសភា កន្លងមក មេ​ដឹក​នាំរបស់សមាគម បានថ្លែងពន្យល់អំពីរចនាសម្ព័ន្ធ ក៏ដូចជាគោលការណ៍ របស់សមាគម ទៅកាន់អ្នកចូលរួម និងអ្នក​សារព័ត៌មាន។ មិនត្រឹមតែប៉ុណ្ណោះ សមាគមនេះ មានត្រៀមរៀបចំ «រចនាសម្ព័ន្ធស្រមោល»មួយ ដើម្បីត្រួតពិនិត្យ​មើលការ​បោះ​ឆ្នោត ក្នុងពេលខាងមុខនេះទៀតផង។

លោក រស់ សារ៉ុម ប្រធានប្រតិបត្តិសមាគម ដែលមានឈ្មោះ តាំងពីឆ្នាំ២០១២មក បានរៀបរាប់ថា សមាគមរបស់លោក មិនមែនជាគណៈប្សប្រឆាំង ឬពាក់ព័ន្ធ ជាមួយនយោបាយ របស់គណបក្សទាំធំទាំងពីរទេ គឺសមាគមរបស់លោក បន្ត​កាន់​គោលជំហរបីជាធំ ឯករាជ្យ អព្យាក្រឹត បង្រួបបង្រួមជាតិ។ ម្យ៉ាងទៀតសមាគមមួយនេះ ដើរតួនាទីជាជំនួយ ដល់ប្រជា​ពលរដ្ឋ លើកស្ទួយប្រជាពលរដ្ឋ បង្ហាញផ្លូវប្រជាពលរដ្ឋ អំពីអ្វីដែលពួកគាត់ [...]