ហ៊ុន សែន ឆ្ងល់​ហេតុអ្វី​គេ​ហៅ ខឹម វាសនា ថា​«អា​ខ្លែង​ស្រាក»

បន្ទាប់ពីថ្លែងបើកទ្វា និងផ្ដល់តំណែង សម្រាប់មេដឹកនាំគណបក្ស ដែលមិនជាប់ឲ្យឆ្នោតរួចមក លោក ហ៊ុន សែន នៅបាននិយាយចំឈ្មោះ ទៅកាន់មេដឹកនាំគណបក្សមួយចំនួន ក្នុងនោះមានលោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យផង។ បុរសខ្លាំងកម្ពុជា បានចោទសួរឡើងថា តើមុខលោក ខឹម វាសនា យ៉ាងដូចម្ដេច ទើបគេហៅលោកថា «អាខ្លែងស្រាក»?
ហ៊ុន សែន ឆ្ងល់​ហេតុអ្វី​គេ​ហៅ ខឹម វាសនា ថា​«អា​ខ្លែង​ស្រាក»
ពីឆ្វេងទៅស្ដាំ៖ លោក ហ៊ុន សែន ប្រធានគណបក្សប្រជាជនកម្ពុជា និងលោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ។ (រូបថតលើហ្វេសប៊ុក)
Loading...
  • ដោយ: មនោរម្យ.អាំងហ្វូ ([email protected]) - ភ្នំពេញ ថ្ងៃទី១៥ សីហា ២០១៨
  • កែប្រែចុងក្រោយ: August 15, 2018
  • ប្រធានបទ: នយោបាយ​ខ្មែរ
  • អត្ថបទ: មានបញ្ហា?
  • មតិ-យោបល់

លោក ហ៊ុន សែន ទំនងជាខានជួបលោក ខឹម វាសនា ដោយផ្ទាល់ អស់រយៈកាលជាយូរមកហើយ ទើបលោកមិនដឹងថា លោក ខឹម វាសនា មានមុខយ៉ាងដូចម្ដេច? ហើយលោក ហ៊ុន សែន ទំនង​ជាកាន់តែឆ្ងល់​ក្នុងចិត្ត ខ្លាំងបន្ថែម​ទៀត នៅពេល​ដែលក្រុមប្រឆាំង​លោក ខឹម វាសនា ហៅ​លោក ខឹម វាសនា ថា​«អាខ្លែង​ស្រាក»។

មេដឹកនាំកម្ពុជា បានថ្លែងចោទឡើងយ៉ាងដូច្នេះ នៅក្នុងពិធីជួបជាមួយ កម្មករ-កម្មការិនី ច្រើនពាន់នាក់ នៅរោងចក្រតំបន់ភូមិអន្លង់ក្ងាន សង្កាត់ឃ្មួញ ខណ្ឌ​សែនសុខ រាជធានីភ្នំពេញ ក្នុងព្រឹកថ្ងៃទី១៥ ខែសីហា ឆ្នាំ២០១៨នេះ។ លោកសួរថា៖ «មិនដឹងគាត់មុខយ៉ាងម៉េច បានជាគេហៅគាត់ថា អាខ្លែងស្រាក»?

លោក ហ៊ុន សែន ចោទសួរឡើងវិញថា៖ «ខ្ញុំបើកមើលក្នុងយូធូប ហ្វេសប៊ុក។ អញ្ចឹងមុខគាត់យ៉ាងម៉េច បានគេហៅគាត់អញ្ចឹង?»។

ហើយ​ប្រធានគណបក្សប្រជាជនកម្ពុជា បានសរសើរលោក ខឹម វាសនា ថា៖ «តែមុខគាត់ស្អាតទេតើ។ ប៉ុន្តែមិនដឹងយ៉ាងម៉េច បានគេហៅគាត់ អាខ្លែងស្រាក? អាហ្នឹងមានតែ ខឹម វាសនា ទេ បានឆ្លើយខ្លួនឯងកើត ខ្ញុំឆ្លើយមិនរួចទេ។»។

នៅមុននេះបន្តិច លោក ហ៊ុន សែន ក៏បានសរសើរថា លោក ខឹម វាសនា ចេះជេរពិរោះដែរ។ លោកថា៖ «ដល់ទៅ ខឹម វាសនា ដាក់ឯងបន្តិច អារន្ទះបាញ់! ឱឯកឧត្ដម ខឹម វាសនា ហ្អើយ ជេរអីក៏បានពិរោះម្លេះ។ គាត់ជេរពិរោះរបស់គាត់មែន ឮដូចរន្ទះអញ្ចឹង។ ខឹម វាសនា ជេរ គាត់ជំនាញ (...) គាត់ជេរ រឿងរបស់គាត់។»។

ការចេញមុខសរសើរលោក ខឹម វាសនា ពីសំណាក់លោក ហ៊ុន សែន មិនមែនទើបកើតមាន ជាលើកទីមួយទេ។ កាលពីខែមិថុនា ឆ្នាំទៅម៉ិញ លោក ហ៊ុន សែន ក៏ធ្លាប់បានការពារ ការ​​ជេរ​​បញ្ចោរ​​របស់លោក ខឹម វាសនា ដែរ ដោយប្រៀបធៀបទង្វើ របស់មេបក្សជួងរូបនេះ ទៅនឹង«ភាពល្អប្រសើរ»មួយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...