«ឆ្នាំ​ណា ទើប​ខ្ញុំ​បាន​ចូល​រៀន​នយោបាយ»​ ដូច ធី សុវណ្ណថា?

សំនួរខាងលើនេះ ជាចម្ងល់របស់អ្នកគាំទ្រ គណបក្សប្រជាជនកម្ពុជា មួយចំនួន ដែលបានចោទសួរឡើង បន្ទាប់ពីកញ្ញា ធី សុវណ្ណថា ដែលទើបក្លាយជាសមាជិកគណបក្ស កាលពីប៉ុន្មានសប្ដាហ៍មុន ត្រូវបានអនុញ្ញាត ឲ្យចូលរៀន «វគ្គអប់រំនយោបាយ» របស់គណបក្សកាន់អំណាចមួយនេះ យ៉ាងហ៊ឺហា។
«ឆ្នាំ​ណា ទើប​ខ្ញុំ​បាន​ចូល​រៀន​នយោបាយ»​ ដូច ធី សុវណ្ណថា?
ពីឆ្វេងទៅស្ដាំ៖ កញ្ញា ធី សុវណ្ណថា និងលោក ផែង វណ្ណៈ។ (រូបថតលើហ្វេសប៊ុក)
Loading...
  • ដោយ: មនោរម្យ.អាំងហ្វូ ([email protected]) - ភ្នំពេញ ថ្ងៃទី២៨ កក្កដា ២០១៧
  • កែប្រែចុងក្រោយ: July 28, 2017
  • ប្រធានបទ: នយោបាយខ្មែរ
  • អត្ថបទ: មានបញ្ហា?
  • មតិ-យោបល់

បន្ទាប់ពីបានក្លាយ ជាសមាជិកគណបក្សប្រជាជនកម្ពុជា តើចាំបាច់ត្រូវកញ្ញា ធី សុវណ្ណថា «ចៅតា» ចូលរៀន«វគ្គអប់រំនយោបាយ» ហ្វឹកហ្វឺនដោយ​អតីត​គណបក្សកុម្មុយនីស្ដមួយនេះឬ? បើទោះជាចាំបាច់ ឬមិនចាំបាច់ក៏ដោយ ក៏វគ្គអប់រំនយោបាយនេះ មិនបានបើកទ្វា សម្រាប់សមាជិកផ្សេងទៀត របស់គណបក្សកាន់អំណាច នោះឡើយ។

ដូចយ៉ាង លោក ផែង វណ្ណៈ ដែលគេស្គាល់ថា ជាមន្ត្រីក្រសួងមហាផ្ទៃ ដែលស្និតនឹងគណបក្សប្រជាជនកម្ពុជា ជាយូរមកនោះ បានសំដែងចម្ងល់របស់លោក នៅចំពោះ«វគ្គអប់រំនយោបាយ» របស់គណបក្ស ដែលបានបើកទ្វា សម្រាប់សមាជិកថ្មីថ្មោង ដូចជាកញ្ញា «ចៅតា» ជាដើម តែហាក់មិនបានខ្វាយ​ខ្វល់ ចំពោះរូបលោក ដែល​ខំធ្វើការ«​បម្រើ​បក្ស» អស់ជិតពាក់កណ្ដាលអាយុ ទៅហើយនោះទេ។

លោក ផែង វណ្ណៈ ដែលជាអ្នកប្រើប្រាស់បណ្ដាញសង្គម ដ៏ល្បីឈ្មោះ បានយកព័ត៌មានមួយ ស្ដីពីវត្តមានរបស់កញ្ញា ធី សុវណ្ណថា នៅក្នុង«វគ្គអប់រំនយោបាយ លើកទី១៧»នេះ មកបង្ហោះ ជាមួយនឹងសំនួរឡើងថា «ឆ្នាំ​ណា ទើបខ្ញុំបានចូលរៀន នឹងគេហ្ន​ ?» មុននឹងពន្យល់បន្តថា «ខ្ញុំបំរើបក្ស អស់ជិតពាក់កណ្ដាលអាយុ​ទៅហើយ​ គេមិនដែលបាន [ឲ្យ]ទៅក្បែរស្នាក់ការបក្សធំផង​ ពាក្យ​ គ៨៥​ លឺតែគេថា​ តែមិនដែលដឹងទេ។​ ពេលខ្លះ មានអារម្មណ៍គិតខ្លួនឯងថា​ តើខ្ញុំកំពុងខំដើម្បីអ្នកណា​ បើគេមិនទទួលស្គាល់ផង​?»។

កញ្ញា ធី សុវណ្ណ​ថា ដែលគេស្គាល់ខ្លាំង នៅក្នុងអំឡុងពេលឃោសនាបោះឆ្នោត ឆ្នាំ២០១៣ ដោយសារនាង ធ្លាប់គាំទ្រ​គណបក្ស​សង្គ្រោះ​ជាតិនោះ ត្រូវបាន​អនុញ្ញាត ឲ្យចូលរៀន​វគ្គ​អប់រំ​នយោបាយ របស់គណបក្ស ជាមួយ​មន្ត្រី​ជាច្រើន​ទៀត​។ វគ្គអប់រំនយោបាយនេះ ចាប់ផ្ដើមធ្វើ ពីថ្ងៃទី២៦ ខែកក្កដា និងមានរយៈពេល៦ថ្ងៃ នៅក្នុងស្នាក់ការគណបក្ស សាខារាជធានីភ្នំពេញ។

នៅចំពោះ«វគ្គអប់រំ»នេះ ប្រិយមិត្តជាច្រើនរបស់លោក ផែង វណ្ណៈ បានសំដែងចម្ងល់ដូចគ្នា និងខ្លះទៀតបានចំអកកញ្ញា«ចៅតា»យ៉ាងចាស់ដៃ។ ដូចនាង គីម វ៉ានលី បានសរសេរឡើងថា «ទោះយ៉ាងណា លោកពូមិនអាចរៀនបានទេ ព្រោះលោកពូជាប់សញ្ញាប័ត្រ បាក់ឌុប» ខណៈនាង លី ខេត បានលើកឡើងសួរត្រឡប់ទៅវិញថា «ឆ្ងល់ណាស់ តើក្មេងម្នាក់នេះ ជាគ្រាប់ពេជ្រមែនទេ បានបក្សមួយៗលើកកប់ពពក ដណ្ដើមគ្នាសុីយ៉ាងនេះ អត់យល់?»។

លោក ផែង វណ្ណៈ បានឆ្លើយទៅវិញថា៖ «គាត់ជាវិរៈនារីស្នេហាជាតិ គួរអោយគោរព​ណាស់​ គាំទ្រ​គាត់​ទៅ​»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...