កីឡាករ ម៉ាធូ ហាតុន (Matthew Hatton) បានប្រកួតចាញ់ជាឯកច្ឆ័ន្ច ក្នុងការប្រកួតការពារខ្សែក្រវ៉ាត់ អាយបីអូ វែលធឺវ៉េត (IBO welterweight) របស់គាត់ជាមួយនឹងកីឡាករ គ្រីស វ៉ាន់ហឺដិន (Chris van Heerden) ក្នុងប្រទេសអាហ្វ្រិកខាងត្បូង​កាលពីថ្ងៃសៅរ៏។

កីឡាករប្រដាល់ ម៉ាធូ ហាតុន។

វាការបរាជ័យលើកទី៣ របស់កីឡាករសញ្ជាតិអង់គ្លេសរូបនេះ ក្នុងការការពារដំណែងម្ចាស់ខ្សែក្រវ៉ាត់ពិភពលោក។ នេះជា​ការប្រកួតដែលគាត់មិនដែលរំពឹងទុក ហើយគាត់ពិតជាមិន ស្ងប់ចិត្ត ដោយសារតែការចាញ់ដោយពិន្ទុ។

ហាតុន ដែលជាប្អូនប្រុសរបស់អតីតម្ចាស់ខ្សែក្រវ៉ាត់ពិភពលោក រិកគី (Ricky) ត្រូវបានអាជ្ញាកណ្តាល​ត្រួតពិនិត្យ​ពិន្ទុឃើញ​ថា រូបគាត់ចាញ់ពិន្ទុជាច្រើនក្នុងការប្រកួត ដូច្ឆេះក៏សម្រេចចិត្តឲ្យចាញ់ការប្រកួតតែម្តង។

ក្រោយចប់ការប្រកួតចៅក្រមបូកសរុបពិន្ទុបានបង្ហាញលទ្ធផល ១១៨-១១០, ១១៧-១១២ និង១១៦-១២២ ហើយបាន​អបអរសាទរដល់ម្ចាស់ខ្សែក្រវ៉ាត់ពិភពលោកថ្មីគឺ កីឡាករ គ្រីស វ៉ាន់ហឺដិន។

អ្នកប្រដាល់ ហាតុន ធ្វើបានល្អនៅចុងទឹក ដោយវាយគ្រប់ដណ្តប់ដល់គូរប្រកួតរបស់គាត់ បានគួរសម្យ តែបន្ទាប់មក​ពេលវេលាក៏បានបញ្ចប់។

ហេតុការណ៏ទាំងនេះបានធ្វើឲ្យក្រុមអ្នកគាំទ្ររបស់គាត់ទាំងអស់ មានការសោកស្តាយ និងក្រៀមក្រំយ៉ាងខ្លាំង ដោយ​ឃើញ​គាត់ទទួលបរាជ័យ ហើយថែមទាំងរបួសភ្នែកខាងស្តាំផងនោះ។

កីឡាករ វ៉ាន់ហឺដិន មានការធ្វេសប្រហែសនៅចុងទឹក តែទោះជាយ៉ាងណាក៏គាត់អាចផ្តួល ម្ចាស់ខ្សែក្រវ៉ាត់ ហាតុន បាន បន្ទាប់ពីការសរុបពិន្ទុ។

កំណត់ត្រារបស់អ្នកប្រដាល់ ហាតុន ពេលនេះគឺ ប្រកួត ៥២ដង, ឈ្នះ ៤៣ដង, ចាញ់ ៧ដង និងស្មើ ២។ កីឡាករវ័យ ៣១​ឆ្នាំរូបនេះ បានបាត់បង់ខ្សែក្រវ៉ាត់ពិភពលោកអស់ ២ និងនៅសល់ចំនួន១ ដែលពីមុនគាត់ធ្លាប់​គ្រងខ្សែក្រវ៉ាត់ពិភពលោក​ចំនួន៣ ប្រភេទផ្សេងគ្នា៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី០៤ ខែមិនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ