មិនសូវខុសគ្នាប៉ុន្មាន ពីចម្រៀង«ពលទោអភ័ព» របស់អធិរាជសម្លេងមាស លោក ស៊ិន ស៊ីសាមុត ដែលច្រៀង​រៀបរាប់ ពីការចេញទៅរៀនក្បួនធ្វើសឹក របស់បុរសកំពូលស្នេហ៍ម្នាក់ តែនៅពេលត្រឡប់មកវិញ ស្ត្រីដែល​ខ្លួន​ស្រឡាញ់ បានរៀបការ ជាមួយមន្ត្រី ដែលមានថានៈខ្ពស់ ជាងខ្លួនរួចជាស្រេច។ ប៉ុន្តែរឿងខាងក្រោមនេះ វា​មិន​ដូចគ្នាទាំងស្រុង​ទេ បើប្រៀបធៀប ទៅនឹងសម័យកាលមុន និងពេលនេះ ក៏ដូចជារបៀបរបប នៃការរស់នៅ ក្នុង​ប្រទេសកម្ពុជា និង​នៅបស្ចឹមលោក។

ក្នុងក្ដីសង្ឃឹមថា ខ្លួននឹងធ្វើឲ្យអ្នកផ្ទះខ្លួនទាំងអស់ ទទួលការភ្ញាក់ផ្អើល ជាមួយនឹងការវិលត្រឡប់ មកពីបំពេញ​បេសកកម្មមួយ របស់កងទ័ព នៅលើកោះហាវ៉ៃ ទាហានអាមេរិករូបនេះ បានទាញ​ទូរស័ព្ទដៃរបស់ខ្លួន​ចេញ​មក ដើម្បីថតពេលដែលខ្លួន បានមកដល់ផ្ទះ។ វីដេអូ ដែលត្រូវបានបង្ហោះ នៅលើហ្វេសប៊ុក កាលពីចុង​ខែ​មុន បាន​បង្ហញថា យុទ្ធជនបានត្រឡប់មកដល់ផ្ទះ ដោយក្ដីសប្បាយរីករាយ ជួបជាមួយកូនស្រីខ្លួន ហើយ​បាន​បន្ត ឡើង​ទៅជាន់ខាងលើទៀតភ្លាម ដើម្បីជួបជាមួយភរិយាខ្លួន... តែរឿងដែលមិននឹកស្មានដល់មួយ បានកើត​ឡើង នៅ​នឹង​មុខទាហានកំសត់របស់យើង។

នៅក្នុងបន្ទប់គេងរបស់លោក និងភរិយាលោក លោកបានថតរូបភាពឃើញ ប្រពន្ធរបស់លោក ស្រាត អង្គុយ​នៅលើចានបង្គន់ ហើយកំពុងថើបលិតអណ្ដាតគ្នា ជាមួយបុរសម្នាក់ទៀត។ ទាហានបានស្រែកសួរថា៖ ​«អេ មានរឿងអីនេះ? អូ ខ្ញុំតាមនាងទាន់ហើយ!» នាងជាភរិយា មិនបានឆ្លើយនឹងសំនួរទេ បែជាសួរត្រឡប់​មក​វិញ បែបស្លន់ស្លោរថា៖ «ហើយបងឯង មកនេះធ្វើអី?» គ្មានចម្លើយទាំងសងខាង តែទាហានជាស្វាមី បានថ្លែង​ឡើង​​ថា៖ «នាងកំពុងតែក្បត់ខ្ញុំ»។

ប៉ុន្តែបុរសជាទាហាន មិនបាននៅតទល់ ជាមួយភរិយាទៀតទេ ដោយលោកប្រញាប់ដើរមកបណ្ដេញ បុរស​ជា​«សាហាយ» ចេញឲ្យផុតពីផ្ទះរបស់លោក។ រីឯបុរសចម្លែករូបនោះ បានងាកដើរគេចខ្លួនចេញភ្លាមដែរ ក្រោម​ការស្រែកសួរ របស់ទាហានដែលដេញ តាមថតខ្លួនដូច្នេះថា៖ «ហ្អែងសំណាងហើយ ដែលអញមិនកាត់ក្ដ​ហ្អែងចោល! អាចុ(...)យ!»។

បើតាមសារព័ត៌មានអង់គ្លេស «Daily Mirror» ដែលបានធ្វើរបាយការណ៍ ពីរឿងនេះយ៉ាងជិតដិតបំផុត បាន​ឲ្យ​ដឹងថា បុរស«សាហាយ»ម្នាក់នោះ ក៏ជាទាហានមួយរូបដែរ។ សារព័ត៌មានបានរៀបរាប់ថា ម្ចាស់​​វីដេអូ​ចង់​ឃើញ​គ្រួសារខ្លួន ទាំងភរិយា ទាំងកូនស្រី រត់មកអោបខ្លួន បន្ទាប់ពីបានបែកគ្នាមួយរយៈ និងបែរ​ជា​ត្រឡប់​មក​ផ្ទះវិញ មុនកំណត់បែបនេះ។ តែបើតាមរូបភាព ដែលជួបកូនស្រីដំបូងតែបន្តិច និងភាពប្រញាប់ប្រញាល​ឡើង​ជណ្ដើរ ទៅរកបន្ទប់ជាន់ខាងលើនោះ វាទំនងជាទាហាន ជាស្វាមីកំសត់យើង បានដឹងរឿងនេះជាមុន ហើយ​ចង់​​ត្រឡប់មកឲ្យទាន់ ហេតុការណ៍នេះតែម្ដង៕