កុមារាដែលស្លាប់ គូរឲ្យសង្វេក ក្នុងហេតុការណ៍គ្រោះថ្នាក់ ចររាចរណ៍ខាងលើ ឈ្មោះ តុងតុង លានរិន អាយុ​៧ឆ្នាំ រស់នៅភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល បច្ចុប្បន្នកំពុងរៀន ថ្នាក់មតេយ្យ​សិក្សា ពោធិព្រឹក្ស។ ដោយឡែកម្ចាស់ឡានបង្ក ដែលត្រូវបានគេស្គាល់ឈ្មោះ ស៊នធី ជីអ៊ុន ភេទប្រុស អាយុ​២៨ ឆ្នាំរស់នៅភូមិស្សា ឃុំស្សា ស្រុកកណ្តៀង ខេត្តពោធិសាត់ ជាអ្នកបើករថយន្តម៉ាក ហ៊ីណូ ស្លាកលេខ​ព្រះ​ស៊ីហនុ​៣A-១១៥៩ បើកក្នុងល្បឿនលឿន។

សាក្សីពីកន្លែងកើតហេតុ បានឲ្យដឹងថា ហេតុការណ៍គ្រោះថ្នាក់នេះ ធ្វើឲ្យមានការភ្ញាក់ផ្អើល នៅវេលាម៉ោង ១០ និង ៤៥នាទីថ្ងៃទី ០៥ ខែសីហា ឆ្នាំ២០១៥ នៅតាមណ្តោយផ្លូវជាតិលេខ០១ ត្រងចំណុចគីឡូម៉ែត្រលេខ ៣២​-៣៣ ក្នុងភូមិព្រែកប៉ុល។ សាក្សីបញ្ជាក់ថា រថយន្តបង្ក ដែលបុកក្មេងប្រុសរងគ្រោះស្លាប់ ត្រូវបានមន្រ្តី មាន​សមត្ថកិច្ច​ឃាត់ខ្លូន បានភ្លាមៗ នៅទីតាំងកើតហេតុ រួចបញ្ជូនទៅកាន់អធិការដ្ឋាន ស្រុកកៀនស្វាយ ដើម្បី​ដោះ​ស្រាយទៅតាមផ្លូវច្បាប់។

នៅពេលមន្រ្តីឃាត់ខ្លូន ម្ចាស់រថយន្តខាងលើ ម្ចាស់ឡានមិនអនុញ្ញាត ឲ្យអ្នកសារព័ត៌មានដឹងថា រថយន្តនេះ​ដឹក​ទំននិញអ្វីនោះទេ ដោយមិនតបជាមួយ។ ក្នុងនោះដែរ ឡានបង្កមានស្លាកសំគាល់មួយ នៅពីមុខខាងលើស្លាក​លេខ​ដាក់ថា «ព្រះស៊ីហនុ PN» ដែលមានស្លាកលេខ តែពីខាងមុខប៉ុណ្ណោះ។ បច្ចុប្បន្នឡានបង្ក រួមនិងម្ចាស់ ត្រូវ​បានបញ្ជូនទៅការិយាល័យស្រុកកៀនស្វាយ ចំណែកសាកសពកុមារា ត្រូវបានប្រគល់ជូនក្រុមគ្រួសារ យក​ទៅ​ធ្វើបុណ្យ ទាំងសេចក្តីទុក្ខសោក គ្មានអ្វីនឹងថ្លែង៕