ហេតុការណ៍មួយ បានបង្ករការភ្ញាក់ផ្អើល កាលពីវេលាម៉ោង ១១ ព្រឹក ថ្ងៃទី ០៣ ខែ សីហា ឆ្នំា២០១៥ នៅតាម​បណ្តាយផ្លូវស្ទឹងមានជ័យ ដោយសារតែរថយន្តដឹកធ្យូងអនាម័យ របស់អង្កការមួយ ម៉ាក នីសាន់ ទំងន់ ៥តោន មានស្លាកលេខ ភ្នំពេញ 3A-3902 បានក្រឡាប់នៅកណ្តាលផ្លូវ។

តាមប្រភព ពីកន្លែងកើតហេតុ បានឲ្យដឹងថា រថយន្តនេះធ្ វើដំណើរពីត្បូងទៅជើង (ផ្លូវចំការដូង ទៅផ្លូវ​វេងស្រេង) ស្រាប់តែមកដល់ច្រមុះជ្រូក ស្ទឹងមានជ័យ ទល់មុខនឹងសាលាប៊ែលធី អន្តរជាតិ ក៏ក្រឡាប់ និង​បណ្តាលឲ្យរងរបួសស្រាល ចំនួនបីនាក់ តែបញ្ជូនទៅសង្រ្គោះពីនាក់ នៅមន្ទីរពេទ្យចន្រ្ទាវុទ្ធ។ ហេតុការណ៍​នេះ មិនបង្កការប៉ះពាល់ ដល់អ្នកធ្វើដំណើរតាមដងផ្លូវនោះទេ។

លោក ឆឹល វណ្ណ អាយុ ៣២ឆ្នាំ រស់នៅខេត្តកំពង់ស្ពឺ ដែលជាអ្នកបើករថយន្ដក្រឡាប់នោះ បានប្រាប់ទស្សនាវដ្តី​មនោរម្យ.អាំងហ្វូ​​ថា នៅពេលចុះមក ឡានផ្អៀង ក៏ក្រឡាប់តែម្តងទៅ។ លោកបានឲ្យដឹងបន្តទៀតថា រថយន្ដ​ ដែលជាកម្មសិទ្ធិ​របស់លោកផ្ទាល់នេះ ដឹកធ្យូងអនាម័យ របស់អង្គការមួយ ដែលដឹកមកពីភូមិឬស្សី ទៅអង់តែន​ទួលគោកហើយ។ ចំណែកឯជនរងគ្រោះពីរនាក់ ដែលមិនស្គាល់អត្តសញ្ញាណនោះ គ្រាន់តែគ្រេច​ជើង និងអ្នក​បើកបរ គ្រេចកដៃតែប៉ុណ្ណោះ។

ក្រោយពេលកើតហេតុ លោក រ៉ន ចាន់ណា មន្រ្តីចរាចរណ៍ ខណ្ឌមានជ័យ បានចុះទៅអន្តរាគមន៍ នៅ​កន្លែង​កើតហេតុ។ រីឯរថយន្តបានប្រគល់ឲ្យម្ចាស់វិញ ព្រោះមិនបានបង្កផលប៉ះពាល់ ធ្ងន់ធ្ងរអ្វីឡើយ៕