បើក​ឡាន​កូរ៉េ​បុក​រះ របង​ចែក​ផ្លួវ​ជា​ច្រើន​កំណាត់ រួច​គេច​ខ្លូន​បាត់!

ឡានកូរ៉េមួយគ្រឿង បង្កគ្រោះថ្នាក់ជាមួយរនាំងចែកផ្លូវ បាក់អស់ជាច្រើនកំណាត់។ ភ្លាមៗ បន្ទាប់ពីកើតហេតុ ម្ចាស់ឡានកូរ៉េ បានរត់គេចខ្លូនបាត់ស្រមោល ទុករថយន្តចោល ជាមួយផ្ទាំងដែក ដែលរាយប៉ាយពេញផ្លូវ ខណៈនោះ មានម៉ូតូមួយគ្រឿង បើកទៅបុកបន្ថែម បណ្តាលឲ្យរងរបួស។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ២៩ កក្កដា ២០១៥
  • កែប្រែចុងក្រោយ: July 31, 2015
  • ប្រធានបទ: ចរាចរណ៍
  • អត្ថបទ: មានបញ្ហា?
  • មតិ-យោបល់

ករណីបង្កគ្រោះថ្នាក់ ហើយរត់គេចនេះ បានកើតឡើង កាលពីវេលាម៉ោង ១២ និង ៤០ នាទីយប់ថ្ងៃទី ២៩ ខែ​កក្កដា ឆ្នាំ២០១៥ នៅតាមបណ្តោយផ្លូវ សហព័ន្ធរុស្សី ត្រង់ចំណុចទល់មុខ ព្រលាន យន្តហោះភ្នំពេញ អន្តរជាតិ។ ករណីនេះ ត្រូវបានសាក្សីបញ្ជាក់ថា បង្កឡើងដោយឡានកូរ៉េមួយ ស្លាកលេខ ៣C-៩៤០៤ ដែល​បាន​បុក​រនាំង​ចែកផ្លូវ ពេញទំហឹង បាក់អស់ប្រមាណ១៨ផ្ទាំង ក្នុងនោះ ម្ចាស់ឡានបានបើកគេច ចំងាយ​១គីឡូ​ម៉ែត្រ ទើប​ឃាត់​ឡានបាន។ ប៉ុន្តែម្ចាស់រថយន្ដ បានរត់គេចចេញ ដោយទុកតែរថយន្ដប៉ុណ្ណោះ នៅកណ្ដាលផ្លូវ។

មិនមែនតែឡានបង្កមួយទេ ដែលរងគ្រោះនៅក្នុងហេតុការណ៍នេះ តែអ្នកជិះម៉ូតូ នៅតាមផ្លូវខាងលើម្នាក់ ដែល​មិនបានឃើញរនាំងដែក នៅរាយប៉ាយពាសពេញផ្លូវនោះ ក៏បានបុកបន្ថែម បណ្តាលឲ្យម៉ូតូរងការខូចខាត ចំណែក​ម្ចាស់រងរបួស ជាទម្ងន់។ យ៉ាងណាក៏ដោយ ក៏ឡានបង្កត្រូវបានឃាត់ជាប់ នៅពេលកំពុងបើកគេចខ្លួន។ ដោយ​ឡែក​ម៉ូតូរងគ្រោះ ម៉ាកឌ្រីមពណ៍ខ្មៅ ស្លាកលេខ១X-៥៤០៨ បើកបរដោយបុរសម្នាក់ មិន​ស្គាល់​អត្ត​សញ្ញាណ ពីកើតទៅលិច ហើយបានទទួលគ្រោះថ្នាក់ ពីក្រោយឡាន។

រថយន្តបង្ក ដែលទុកចោលកណ្តាលផ្លូវ ត្រូវបានមន្ត្រីជំនាញ ដែលចុះទៅអន្តរាគមន៍ ស្ទួចទៅរក្សារទុក នៅ​ការិយាល័យ​ចររាចរណ៍ រាជធានីភ្នំពេញ ក្នុងពេលបច្ចុប្បន្ននេះ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...