អង់គ្លេស​ហាម​​ផ្សាយ វីដេអូ​ពាណិជ្ជ​កម្ម​នេះ ព្រោះ​«ដោះ»​និង​«គូទ»

សុដន់មួយគូរ ដ៏ទ្រលុកទ្រលុន... រូបភាពពីកំប៉េះគូត ហើយនិងបបូរមាត់ ដ៏ត្រេតត្រអាល... ទាំងនេះ មាននៅក្នុងវីដេអូ ធ្វើការ​ផ្សាយ​ពាណិជ្ជកម្ម ឲ្យ​ទូរស័ព្ទដៃអង់គ្លេសមួយ ដែលមានបំណង ចង់ទាក់ទាញអតិថិជន ឲ្យចាប់អារម្មណ៍ លើផលិតផលរបស់ខ្លួន។ តែ​ផ្ទុយ​ទៅ​វិញ... អាជ្ញាធរអង់គ្លេស បានហាមវីដេអូនេះ មិនឲ្យចេញផ្សាយ!
Loading...
  • ដោយ: ឈូករ័ត្ន អត្ថបទ៖ ឈូករ័ត្ន ([email protected]) - ប៉ារីស ថ្ងៃទី២៨ កុម្ភៈ ២០១៥
  • កែប្រែចុងក្រោយ: March 01, 2015
  • ប្រធានបទ: ត្រេកត្រអាល
  • អត្ថបទ: មានបញ្ហា?
  • មតិ-យោបល់

មិនមែនឲ្យតែនៅបស្ចឹមលោក រឿងស្រាតបញ្ចេញ«ដោះ ឬគូទ» សុទ្ធតែត្រូវបានស្វាគមន៍ ទាំងអស់នោះទេ។ ជា​ពិសេស​វីដេអូ នៃការថតផ្សាយពាណិជ្ជកម្ម ឲ្យទូរស័ព្ទដៃយីហោ Kazam របស់អង់គ្លេសមួយនេះ ចង់បង្ហាញពីភាព​ស៊ិចស៊ី របស់​តួសម្ដែង ជាការទាក់ទាញ មុននឹងឈានទៅបង្ហាញ ផលិតផលទូរស័ព្ទដៃ។ តែសម្រាប់អ្នកទស្សនា និងអាជ្ញាធរ​អង់គ្លេស​វិញ វាមានលក្ខណៈត្រេកត្រអាល ខាងផ្លូវភេទ ដែលជាហេតុធ្វើឲ្យ​វីដេអូនេះ ​ត្រូវបានហាមឃាត់ មិនឲ្យ​ផ្សាយ​ជា​សាធារណៈ កាល​ពី​ថ្ងៃ​ពុធ​សប្ដាហ៍មុន។

នៅក្នុងវីដេអូ គេឃើញរូបភាពទូរស័ព្ទ បានពន្លេចខ្លួនឡើង នៅ៤០វិនាទីក្រោយមក។ ប៉ុន្តែចាប់ពីវិនាទីទីមួយរហូតមក វីដេអូបានបង្ហាញតែពីរូបភាពស្ត្រីដ៏ស្អាត ស៊ិចស៊ីមួយរូប ស្លៀកពាក់តែអាវនិងខោទ្រនាប់ ដើរកាត់បន្ទប់ បង្ហាញរាង​ចុះ​ឡើង... ហើយមិនត្រឹមតែប៉ុណ្ណឹង គេឃើញមានការថតពង្រីក ដាក់យ៉ាងពេញអេក្រង់ នូវសុដន់ទាំងគូរ ដ៏ទ្រលុក​ទ្រលន់... កំប៉េះគូទ​ដ៏ស្រើបស្រាល... ហើយនឹងបបូរមាត់ដ៏ត្រេកត្រអាល។

មួយសន្ទុះក្រោយមក ស្រាប់តែតារាសម្ដែង ក្នុងវីដេអូ ដូចជានឹកឃើញ ថាខ្លួនត្រូវធ្វើការងារប្រចាំថ្ងៃ៖ នោះគឺយកអាវ​មកអ៊ុត រួចពាក់បិទខ្លួន! បើនិយាយពី៤០វិនាទីដំបូង គេស្មានតែជាពាណិជ្ជកម្ម សម្រាប់លក់ខោអាវទ្រនាប់ របស់ស្ត្រី ឬក៏​អាច​ជា​ពាណិជ្ជកម្ម សម្រាប់លក់សម្ភារៈរួមភេទ... តែមិនមែនទេ ព្រោះតារាស៊ិចស៊ី បានទាញយកទូរស័ព្ទ មក​និយាយ នៅ​ពេល​ចុង​បញ្ចប់​នៃ​វីដេអូ មុននឹងចេញអក្សរមក និយាយពីការលក់ទូរស័ព្ទ។

គ្រាន់តែ វីដេអូត្រូវបានចេញផ្សាយដំបូង ពាក្យបណ្ដឹងចំនួន៨ ត្រូវបានដាក់ប្ដឹង ប្រឆាំងនឹងការផ្សាយនេះ។ ហើយនៅ​ទីបំផុត អាជ្ញាធរអង់គ្លេស បានហាមវីដេអូនេះ មិនឲ្យចេញផ្សាយ នៅតាមកញ្ចក់ទូរទស្សន៍។ មូលហេតុផ្លូវការ៖ «វីដេអូ​មានឈុតឆាក ជំរុញឲ្យមានការត្រកត្រអាល ខាងផ្លូវភេទ ហើយអាចធ្វើឲ្យ អ្នកទស្សនាមួយចំនួន រងការប៉ះទង្គិច ដោយ​សារ​តែបានយក រូបភាពជាស្ត្រីមកប្រើប្រាស់ ប្រៀបបានទៅនឹងវត្ថុ»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]o
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...