សម រង្សី ថា​កាលតិច និង​តូតាល់ បង់​ពន្ធ​ប្រេង​សាំង​ត្រឹម​ត្រូវ

មកទល់នឹងពេលនេះ តម្លៃសាំងនៅតាមស្ថានីយកាល់តិច និងតូតាល់ នៅរាជធានីភ្នំពេញ នៅតែមានតម្លៃខ្ពស់ជាង តម្លៃប្រេងសាំងរបស់ក្រុមហ៊ុនដទៃទៀត។ ជុំវិញតម្លៃសាំងដ៏ចម្រូងចម្រាស់នេះ ទំព័រហ្វេសប៊ុករបស់លោក សម រង្ស៊ី បានអះអាងពីមូលហេតុមួយ៖ អំពើពុករលួយ។
Loading...
  • ដោយ: ក. សោភណ្ឌ ដោយ ក. សោភ័ណ្ឌ (ទាក់ទង៖ [email protected])-ភ្នំពេញ ថ្ងៃទី២១ វិច្ឆិកា ២០១៤
  • កែប្រែចុងក្រោយ: November 22, 2014
  • ប្រធានបទ: ពុករលួយ
  • អត្ថបទ: មានបញ្ហា?
  • មតិ-យោបល់

មកទល់នឹងម៉ោងនេះ តម្លៃ​ប្រេង​សាំង​នៅ​តាម​ស្ថានីយ​នានា ក្នុង​រាជធានី​ភ្នំពេញ​បាន​ធ្លាក់​ចុះ​បន្តិច​ហើយ ពី​មួយ​លីត្រ ជាង៥០០០រៀល មក​នៅ​ត្រឹម​តែ ជាង៤០០០រៀល ប៉ុណ្ណោះ។ ការ​បញ្ចុះ​ថ្លៃ​នេះ បាន​កើត​ឡើង​ដោយ​សេចក្ដី​ប្រកាស​មួយ របស់​​ក្រសួង​​ពាណិជ្ជកម្ម​កម្ពុជា នៅ​​ថ្ងៃ​​ទី​២០ វិច្ឆិកា កំណត់​ពី​តម្លៃ​ប្រេង​សាំង​នៅ​កម្ពុជា សម្រាប់​ក្រុមហ៊ុន​​ធ្វើ​​អាជីវកម្ម​ចំនួន​​ប្រាំ និង​បន្ទាប់​ពី​​មាន​​ការ​​ស្នើ​សុំ​ របស់​​អនុ​ប្រធាន​​គណៈកម្មការ​​ទី​៩​​នៃ​រដ្ឋសភា លោក ម៉ៅ មុនីវណ្ណ ដែល​​សុំ​​ឲ្យ​រដ្ឋាភិបាល ពិចារណា​លើ​ការ​បញ្ចុះ​តម្លៃ​ប្រេង​សាំង​នេះ កាល​ពី​ថ្ងៃ​ទី​១៧ វិច្ឆិកា។

ប៉ុន្តែបើទោះបីជាមានកាលក់ចុះថ្លៃខ្លះហើយក៏ដោយ ក៏នៅមានស្ថានីយ៍មួយចំនួនទៀត ជាពិសេសស្ថានីយ៍​ប្រេង​ឥន្ធនៈ តូតាល់ (TOTAL) និងកាលតិច (CALTEX) នៅតែលក់ប្រេងសាំងថ្លៃជាង ស្ថានីយ៍ សូគីម៉ិច (SOKIMEX) និងតេលា (TELA) ហើយវាខុសគ្នាប្រមាណ ២០០៛ក្នុងមួយលីត្រ នៅថ្ងៃទី២១ខែវិច្ឆិកានេះ។

ក្នុងទំព័រហ្វេសប៊ុករបស់លោក សម រង្ស៊ី បានសរសេពីមូលហេតុដែលក្រុមហ៊ុនលក់សាំងទាំងពីរ នៅតែលក់​ថ្លៃជាងក្រុមហ៊ុនដទៃទៀត ថាបណ្ដាលមកពីអំពើពុករលួយ។ ទំព័រនោះបានសរសេរថា ដោយសារតែក្រុមហ៊ុន​នៅក្នុងស្រុកមួយចំនួន ដែលមានអ្នកកាន់អំណាចពុករលួយនៅពីក្រោយខ្នង អាចនាំចូលប្រេងសាំង ដោយ​មិន​បង់ពន្ធជូនរដ្ឋ តែក្រុមហ៊ុនអន្តរជាតិដូចជា តូតាល់ និង កាលតិច វិញ មិនអាចរត់គេចពន្ធបាន ទើបលក់​ថ្លៃ​ជាងគេ ២០០រៀល។

អ្នកលក់មួយរូប ប្រចាំនៅស្ថានីយ៍ប្រេងឥន្ធនៈកាលតិច បានថ្លែងប្រាប់ឲ្យទស្សនាវដ្តីមនោរម្យ.អាំងហ្វូដឹងថា រូប​លោក និងស្ថានីយ៍គ្រាន់តែជាអ្នកលក់ប៉ុណ្ណោះ លោកមិនអាចកំណត់តម្លៃដោយខ្លួនឯងបានទេ។ លោកបាន​បញ្ជាក់ថា «សាំងនៅលក់ក្នុងតម្លៃធម្មតានៅឡើយ (...) ព្រោះមិនបានដំណឹងពីថ្នាក់លើថា ឲ្យលក់បញ្ចុះតម្លៃ​នោះទេ»។

ទំព័រលោក សម រង្ស៊ី ប្រធានគណបក្សសង្គ្រោះជាតិដ៏ល្បីល្បាញ បានអធិប្បាយបន្ថែមទៀតថា តម្លៃប្រេង​សាំងមួយលីត្រ ដែលលក់រាយតាមផ្លូវ គឺមានបង្កប់ពន្ធ ដែលត្រូវបង់ជូនរដ្ឋ ប្រមាណ ១០០០៛ក្នុងមួយលីត្រ។ ក្រុមហ៊ុន​អន្តរជាតិដូចជា តូតាល់និង កាលតិច តែងតែបង់ពន្ធជូនរដ្ឋគ្រប់ចំនួន គឺ ១០០០៛ក្នុងមួយលីត្រ។ តែ​ក្រុមហ៊ុនក្នុងស្រុកខ្លះ ដែលចែកចាយប្រេងសាំងគេចពន្ធ គេអាចលក់ថោកជាង ២០០រៀលក្នុងមួយលីត្រ បើ​ប្រៀបធៀបទៅនឹង តូតាល់ និង កាលតិច ហើយគេនៅតែចំណេញច្រើនជាង ៨០០រៀលថែមទៀត៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...