«សុនខ សំពះ​ព្រះសង្ឃ» ផ្អើល​ហ្វេសប៊ុក

ប៉ុន្មានថ្ងៃបន្ទាប់ពីពិធីកាន់បិណ្ឌ បានចាប់ផ្ដើមមក ក្នុងទំព័រហ្វេសប៊ុកមួយ បានបាញ់បង្ហោះនូវរូបសុនខមួយក្បាល ដែល​កំពុង​ធ្វើ​​ឥរិយាបទ​របស់​ខ្លួន យ៉ាងសមសួន លើកដៃទាំងគូររបស់វា សំពះព្រះសង្ឃមួយអង្គនៅពីមុខ។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី១៨ កញ្ញា ២០១៤
  • កែប្រែចុងក្រោយ: September 19, 2014
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

សកម្មភាព និងឥរិយាបទរបស់សុនខនេះ ត្រូវបានទំព័រហ្វេសប៊ុកមួយ យកមកចុះផ្សាយ បង្កឲ្យមានភាព​ភ្ញាក់​ផ្អើលយ៉ាងខ្លាំង នៅក្នុងបណ្ដាញសង្គម។ ម្ចាស់គណនីជាច្រើន ដែលបានឃើញរូបភាពនេះហើយ ទ្រាំ​នៅ​ស្ងៀមមិនបាន បានបន្តចែកផ្សាយនិងមួយចំនួនទៀត បានបញ្ចេញវាចា កោតសរសើរមិនដាច់ពីមាត់។

អ្នកមានជំនឿលើព្រះពុទ្ធសាសនាបាននិយាយសង្កត់ធ្ងន់ ទៅលើកម្មផលដែលសត្វនេះ បានសាងពីជាតិមុន ហើយការគោរព ដឹងខុសត្រូវនៅជាតិនេះ នឹងបានជាផលល្អ ទៅជាតិខាងមុខទៀត។ លោក សុខ ឡៃ (Sok Lay) បានសរសេរថា «ឆ្កែនេះមានឧប្បនិស្ស័យច្រើនណាស់ ជាមួយព្រះសង្ឃពីមុនមក។ ជាតិនេះកើតជាឆ្កែ ក៏នៅតែចេះថ្វាយបង្គំលោក(សង្ឃ)។»

សម្រាប់អ្នកប្រើប្រាស់បណ្ដាញសង្គមមួយចំនួន មិនត្រឹមតែបានសរសើរ តែថែមទាំងឆ្លៀតឱកាស ដើម្បី​ប្រៀប​ធៀបកាយវិការ​របស់សត្វសុនខ​មួយក្បាលនេះ ទៅនឹងបុគ្គលមួយចំនួន ដែលមានរូបរាងជាមនុស្ស តែ​ចរិត​មាយាទ​មិនល្អ ឬមិនស្មើនឹងសុខននេះផងនោះ។ លោក រឿន ទូច (Roeun Tuot) បានសរសេរថា៖ «គួ​ឱ្យ​សរសើរ​សត្វ​សុនខ ដែលចេះគោរពព្រះសង្ឃ។ គួរឱ្យអនិច្ចារ ដែលមនុស្សខ្លះអន់ជាងសត្វ។»

ឯម្ចាស់គណនី វន វណ្ណៈ (Vorn Vannak) បានប្រើប្រាស់រូបថតនេះ វាយប្រហារក្រុមកងកម្លាំង ដែល​តែង​បង្ក្រាបដោយហិង្សា ទៅលើការតវ៉ានានានៅកម្ពុជាថា៖ «ក្រឡេកទៅមើសមត្ថកិច្ច និងកងរាជអាវុធហត្ថ សម័យតេជោ (សែន) វិញ វាយដំច្រំធាក់ បាញ់សម្លាប់ ប្រជាពលរដ្ឋ និងព្រះសង្ឃ លើស​សត្វធាតុទៅ​ទៀត។»

ប៉ុន្តែមតិមួយចំនួន មិនបានយល់ដូច្នេះទេ។ ម្ចាស់គណនីដែលដាក់ឈ្មោះ ចាន់ វាសនា (Chann Veasna) បាន​លើកឡើងដូច្នេះថា៖ «កុំសរសើគតិសត្វអី ព្រោះវាគ្មានតម្លៃអ្វីទេ។ នេះគ្រានតែជាសភាវគតិ​ប៉ុណ្ណោះ!»។ ទំនង​ជាគាំទ្រការលើកឡើងនេះ លោក តាំង ដាណៃ (Thang Danav) បានបន្ថែមថា «ការគោរព វា​ស្ដែង​ពី​ក្នុង​ចិត្ត​ទៅ។ ឆ្កែនេះវាចេះតែប៉ុណ្ណឹងទេ បើឧក្រិដ្ឋជនដើរពីមុខវា ក៏វាធ្វើអញ្ចឹងដាក់ដែរ។ មិន​អាច​និយាយថា វា​ចេះ​គោរព​ទេ។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...