តារា​ទាំង​ប្រាំ​នេះ នរណា​មួយ​នឹងត្រូវ​សម្ដែង​ជា Indiana Jones ថ្មី?

នៅពេលដែលផលិតកម្ម វ៉លឌីស្នេ (Walt Disney) ទើបនឹងទិញសិទ្ធិជាផលិករ ពីផលិតកម្ម ប៉ារ៉ាមូន (Paramount) ដើម្បីបន្តថតភាពយន្ដដំណើរផ្សងព្រេងដ៏ល្បី មានចំណងជើងថា អ៊ីឌីយ៉ាណា ចន (Indiana Jones) របស់សមិទ្ធិករ ស្តេវិន ស្ពីប៊ើរ (Steven Spielberg) នោះមក មានពាក្យចចាមអារាមជាច្រើន បានបែកធ្លាយទាក់ទងនឹងតួអង្គថ្មី នៃ​ភាពយន្ដនេះ ដើម្បីមកជំនួសអារីសុន ហ្វ័ត (Harrison Ford)។ តើនរណាទៅ ដែលមានលទ្ធភាពអាចមកជំនួស តារា​ជើងចាស់ដែលបានសម្ដែងក្នុងរឿងនេះ ចំនួន៤វគ្គមកហើយនោះ?
Loading...
  • ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី១២ ខែមិថុនា ២០១៤
  • កែប្រែចុងក្រោយ: June 12, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

នៅពេលដែលផលិតកម្ម វ៉លឌីស្នេ (Walt Disney) ទើបនឹងទិញសិទ្ធិជាផលិករ ពីផលិតកម្ម ប៉ារ៉ាមូន (Paramount) ដើម្បីបន្តថតភាពយន្ដដំណើរផ្សងព្រេងដ៏ល្បី មានចំណងជើងថា អ៊ីឌីយ៉ាណា ចន (Indiana Jones) របស់សមិទ្ធិករ ស្តេវិន ស្ពីប៊ើរ (Steven Spielberg) នោះមក មានពាក្យចចាមអារាមជាច្រើន បានបែកធ្លាយទាក់ទងនឹងតួអង្គថ្មី នៃ​ភាពយន្ដនេះ ដើម្បីមកជំនួសអារីសុន ហ្វ័ត (Harrison Ford)។ តើនរណាទៅ ដែលមានលទ្ធភាពអាចមកជំនួស តារា​ជើងចាស់ដែលបានសម្ដែងក្នុងរឿងនេះ ចំនួន៤វគ្គមកហើយនោះ?


រូបភាពពាណិជ្ជកម្មរបស់ភាពយន្ដ អ៊ីនឌីយ៉ាណា ចន។ (រូបថតភាពយន្ដ)

ភាពយន្ដ - វ៉លឌីស្នេ មិនទាន់សប្បាយចិត្តប៉ុន្មានទេ នៅពេលដែលបានទិញខ្សែភាពយន្ដ សង្គ្រាមផ្កាយ (Star Wars) ពីផលិតកម្ម លូកាសហ្វីម (Lucasfilms) មកនោះ។ ប៉ុន្តែផលិតកម្មភាពយន្ដ ដែលមានជំនាញខាងការកំសាន្ដ​និង​កុមារមួយនេះ បានទិញភាពយន្ដដំណើរផ្សងព្រេងថែមមួយទៀត ក្នុងសិទ្ធជាផលិតករ ពីផលិកម្ម ប៉ារ៉ាមូនភាពយន្ដ។ ដូច្នេះ ខ្សែរឿង អ៊ីឌីយ៉ាណា ចន វគ្គទី៥ នឹងផលិតក្នុងពេលឆាប់ៗខាងមុខ ហើយនឹងត្រូវថតដឹកនាំដោយ​សមិទ្ធិករ​ដើម របស់ភាពយន្ដនេះ លោក ស្តេវិន ស្ពីប៊ើរ និងគ្រោងចេញបញ្ចាំង នៅក្នុងឆ្នាំ២០១៦ខាងមុខ។

តែអ្វីដែលជាចំងល់របស់ប្រិយមិត្ត អ្នកស្រឡាញ់ចូលចិត្តភាពយន្ដនេះ បាននាំគ្នាចោទសួរនោះ៖ តើនរណាទៅ អាច​សម្ដែងជាតួអង្គអ៊ីឌីយ៉ាណា ចន ជំនួសឲ្យតារាជើងចាស់ អារីសុន ហ្វ័ត (Harrison Ford) ដែលមានវ័យជរា (៧១ឆ្នាំ) ទៅហើយនោះ​បាន? ប្រាកដហើយ ដែលវ៉លឌីស្នេ ចង់បានការគាំទ្រពីទស្សនិកជនឲ្យបានកាន់តែច្រើន ទាក់ទង​នឹង​តួ​សម្ដែង​មក​ជំនួសតួអង្គ អារីសុន ហ្វ័ត ។

យើងសូមលើកយក តួសម្ដែងចំនួន៥នាក់ ដែលស្ថិតក្នុងលំដាប់កំពូលគេ មកជំរាបលោកអ្នក៖

១- សៀ ឡឺប៊ហ្វ (Shia Lebeouf) អាយុ២៧ឆ្នាំ - តារាល្បីនៅក្នុងភាពយន្ដ ត្រេនស្វ័មើរ (Transformers) តែក៏​បានមកបញ្ចេញខ្លួន នៅក្នុងវគ្គក្រោយបំផុតនៃខ្សែភាពយន្ដ អ៊ីនឌីយ៉ាណា ចន ដែរ។ ដូច្នេះ តារាដ៏ភ្លឺស្វាងរូបនេះ ជា​អ្នកបន្តវេនដ៏សមសួនជាងគេ សម្រាប់ជំនួសឲ្យលោក អារីសុន ហ្វ័ត។ ប៉ុន្តែបញ្ហាមួយ៖ រូបភាព«សុភាពបុរស»​របស់​តារាភាពយន្ដ បានធ្វើឲ្យមានការខកចិត្តជាខ្លាំង នៅពេលដែលតារាភាពយន្ដសម្ដែងនៅក្នុងរឿង Nymphomaniac។

២- ឆានីន តាទម (Channing Tatum) អាយុ៣៤ឆ្នាំ ដែលធ្លាប់សម្ដែងល្បីឈ្មោះ នៅក្នុងភាពយន្ដ មហន្តរាយ​នៃសេតវិមាន (White House Down) និង ជីចូ (GI Joe) នោះ បានបង្ហាញថាខ្លួន ក៏មានសមត្ថភាពខ្លាំងក្លានោះដែរ។ ជាមួយនឹងការជ្រួលជ្រៀម របស់ទស្សនិកជន ដែលរងចាំតារារូបនេះ សម្ដែងក្នុងភាពយន្ដថ្មី រឿង វិថីលោតហក់ទី២២ (22 Jump Street) ត្រៀមចេញបញ្ចាំងក្នុងពេលខាងមុខនោះ តារាភាពយន្ដរូបនេះ ហាក់ដូចជាកំពុងសណ្ដំចិត្ត​សិមិទ្ធិករ ឲ្យកាន់តែជញ្ជាក់មាត់មករកដែរ។

៣ - រ៉ាយអេន ហ្គូលីង (Ryan Gosling) អាយុ៣៣ឆ្នាំ ជាកំពូលអ្នកសម្ដែងមួយរូប នៅក្នុងពិភពភាពយន្ដ ជាពិសេស​នៅក្នុងរឿង N'oublie jamais à Drive។ ដោយសារតែតារាជនជាតិកាណាដារូបនេះ មានរូបរាងសង្ហាកម្រនឹង​រកតារា​ណាមកប្រដូចនោះ ដូច្នេះតារា ហ្គូលីង នឹងមិនមានភាពពិបាក ក្នុងការសម្ដែងជាតួអង្គសាស្ត្រចារ្យប្រវត្តិវិទ្យា នៃ អ៊ីនឌីយ៉ាណា ចន នោះទេ។

៤ - រ៉ូប័រ ប៉ាទីសុន (Robert Pattison) អាយុ២៨ឆ្នាំ ត្រូវបានគេស្គាល់នៅក្នុងរឿង ហារីផ័ទ័រ (Harry Potter) និងជាគូ​ស្នេហ៍ចាក់ទឹកមិនលេច នែកម្រងរឿង ទ្វៃឡៃធ៍ (Twilight) ដ៏ល្បីនោះផង។ តែគេនៅឆ្ងល់បន្ដិចត្រង់ថា តើតារាមុខ​ស្រស់រូបនេះ នឹងអាចដើរតួរលោតហក់ បាញ់បោះ ដូចតួអង្គអ៊ីនឌីយ៉ាណា ចន ឬយ៉ាងណា។

៥ - ខេឡេន លូស្ស៍ (Kellan Lutz) អាយុ ២៩ឆ្នាំ ក៏ត្រូវបានគេស្គាល់ខ្លាំង នៅក្នុងកម្រងរឿង ទ្វៃឡៃធ៍ (Twilight) នោះ​ដែរ។ បន្ទាប់ពីបានចេញសម្ដែងនៅក្នុងរឿងក្រោយទៀត ហើយបានទទួលនូវការគាំទ្រយ៉ាងសម្បើម ពីទស្សនិកជន​នោះ តារារូបនេះក៏ត្រូវបានគេគិតថា សក្ដិសមនឹងដើរជាតួអង្គ អ៊ិនឌីយ៉ាណា ចន ដែរ។

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...