អាល្លឺម៉ង៖ អាច​ដើរ​កម្សាន្ដ​«ស្រាត»​បាន នៅ​ទីក្រុង​មូនីឆ

មូនីឆ (Munich) ទីក្រុងដ៏ធំមួយរបស់ប្រទេសអាល្លឺម៉ង់ ទើបនឹងអនុញ្ញាតឲ្យអ្នករស់នៅ និងអ្នកទេសចរណ៍របស់ខ្លួន អាចដើរកម្សាន្ដដោយលែងខ្លួន «ននលគោក»បាន។ ប៉ុន្តែកន្លែងមួយចំនួននៅមានលក្ខខណ្ឌ នៅតែហាមមិន​អនុញ្ញាត​ឲ្យ ក្រុមដែលគ្មានខោអាវស្លៀកពាក់ ចូលមកក្បែរទេ។
Loading...
  • ដោយ: ឈូករ័ត្ន
  • កែប្រែចុងក្រោយ: April 16, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

មូនីឆ (Munich) ទីក្រុងដ៏ធំមួយរបស់ប្រទេសអាល្លឺម៉ង់ ទើបនឹងអនុញ្ញាតឲ្យអ្នករស់នៅ និងអ្នកទេសចរណ៍របស់ខ្លួន អាចដើរកម្សាន្ដដោយលែងខ្លួន «ននលគោក»បាន។ ប៉ុន្តែកន្លែងមួយចំនួននៅមានលក្ខខណ្ឌ នៅតែហាមមិន​អនុញ្ញាត​ឲ្យ ក្រុមដែលគ្មានខោអាវស្លៀកពាក់ ចូលមកក្បែរទេ។


ស្ត្រី«ស្រាត»មើលពីក្រោយ។ (រូបថតឯកសារ)

ស្រាតដើរតាមផ្លូវ លែងធ្វើឲ្យអ្នកមានការភ្ញាក់ផ្អើល តទៅទៀតហើយ។ ជាពិសេសនៅទីក្រុងមូនីឆ ផ្នែក​ខាងត្បូង​នៃប្រទេសអាល្លឺម៉ង់ ព្រោះនៅពេលនេះ វាបានក្លាយទៅជារឿងធម្មតាសម្រាប់អ្នករស់នៅ ឬអ្នកទៅកម្សាន្ដ​នៅ​ទីនោះ។

ទីក្រុងមូនីឆ បានក្លាយជាទីក្រុងទីបីរបស់អាល្លឺម៉ង់ ដែលអនុញ្ញាតឲ្យមានការស្រាតដើរតាមផ្លូវសាធារណៈ។ តំបន់​ចំនួន៦ ត្រូវបានគេបើកឲ្យក្រុមអ្នកចូលចិត្ត ធ្វើតាមបែបធម្មជាតិទាំងនោះ នូវសេរីភាពដែលពួកគេចង់ធ្វើ។

ការសម្រេចនេះ បានធ្វើបន្ទាប់មានការជជែកគ្នាយ៉ាងតឹងតែង ជាច្រើនខែកន្លងមក ជាពិសេសនៅពេល​ដែលច្បាប់​ហាមឃាត់មិនឲ្យស្រាត បានផុតកំណត់ ហើយជាឱកាសដែលក្រុមអ្នកចូលចិត្ត «ស្រាត» បង្ហាញពីមូលហេតុ​របស់​ពួកគេ។

វប្បធម៌ស្រាត របស់អាល្លឺម៉ង់

តំបន់ចំនួន៦ ត្រូវបានកំណត់ឲ្យពួកអ្នកស្រាត អាចដើរបាន ហើយតំបន់ទាំងនោះ មិនមានការបិទបាំង និងដាក់​ជញ្ជាំង​កំណត់ព្រំអ្វីឡើយ។ ប៉ុន្តែតំបន់ពិសេស ដែលស្ថិត១០នាទី ពីទីលានកណ្ដាលទីក្រុងមូនីឆ មិនត្រូវបាន​អនុញ្ញាត​ឡើយ។

តាមពិតទៅ គេឧស្សាហ៍ជួបប្រទះណាស់ មនុស្សដែលដើរកម្សាន្ដដោយគ្មានសម្លៀកបំពាក់ នៅកន្លែងជាច្រើន​ក្នុង​ទីក្រុង ជាពិសេសនៅតាមបណ្ដាសួនច្បារនានា កន្លែងដែលមនុស្សប្រុសស្រីជាច្រើន បានយកធ្វើជាកន្លែង​យក​ពន្លឺ​ថ្ងៃ។ ដូច្នេះ បើមានការអនុញ្ញាតឲ្យមានការ«ស្រាត»ដើរ នៅថ្ងៃនេះ មិនមានអ្វីប្លែកប៉ុន្មានឡើយ សម្រាប់ជនជាតិ​អាល្លឺម៉ង់នោះ។

ការ«ស្រាត»ជារឿងធម្មតាមួយ នៅក្នុងប្រទេសអាល្លឺម៉ង់ទាំងមូល។ ឆ្នេរកម្សាន្ដ«ស្រាត»លើកទីមួយ ត្រូវបានបើក នៅឆ្នាំ១៩២០។ ការសិក្សាស្រាវជ្រាវមួយ បានបង្ហាញឲ្យដឹងថា ប្រទេសអាល្លឺម៉ង់ ជាកំពូលប្រទេសផ្នែក«ស្រាត» ជាមួយនឹងប្រជាជនប្រមាណជា ១៧% បានស្រាតរួចហើយ នៅតាមតំបន់ឆ្នេរកម្សាន្ដ។

-----------------------------------------------
ដោយ ឈូករ័ត្ន (ទំនាក់ទំនង៖ [email protected]) - ប៉ារីស ថ្ងៃទី១៦ ខែមេសា ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...