ចម្រៀង - «ឈប់ព្រួយទៅបង» ដែលជាសំនៀងដើមរបស់អ្នកស្រី ប៉ែន រ៉ន ត្រូវលើកយកមកបកស្រាយដោយកុមារី រិទ្ធ សូនីតា ក្នុងកម្មវិធី ផ្កាយរះក្នុងសួន របស់ស្ថានីយ៍ទួរទស្សន៍អប្សរា។ បន្ទាប់ពីការបកស្រាយនៅចម្រៀងនេះចប់ រិទ្ធ សូនីតា ដែលមានវ័យត្រឹម តែអាយុ១០ឆ្នាំ បានធ្វើអោយគណកម្មការ និងអ្នកចូលរួមលាន់មាត់សរសើរគ្រប់គ្នា ពីទឹក​ដមរបស់កុមារី បើទោះបីជានាងតូចមានអាយុ១០ឆ្នាំក៏ដោយ។

លោក មិញ សុធីវណ្ណ ជាគណកម្មកាផ្តល់ពិន្ទុសម្រាប់បេក្ខជន ដែលប្រលងនៅក្នុងវិធីនោះ ថ្លែងសរសើរ ពីទេព​កោសល្យ និងសមត្ថភាពច្រៀងរបស់កុមារដ៏តួចច្រលឹងនេះថា កុមារីមានសមត្ថភាពខ្ពស់អាចច្រៀងត្រឹមត្រូវ​តាម​ណោតភ្លេង តាមចង្វាក់ និងការសម្តែងកាយវិការក៏រស់រវើក រីឯការស្រែកច្រៀងទៀតសោត គឺសម្លេងកុមារីដូច​ទៅនឹងសម្លេងរបស់អ្នកស្រី ប៉ែន រ៉ន អ្នកចម្រៀងជំនាន់ដើម ដ៏ល្បីឈ្មោះ។

មិនតែប៉ុណ្ណោះ ក្រោយពីការបកស្រាយបទចម្រៀង កុមារី រិទ្ធ សូនីតា ក៏បានធ្វើឲ្យគណៈកម្មការ អ្នកស្រី សួន ចន្ថា រំភើប​ចិត្ត ស្ទើរតែទប់ទឹកភ្នែកមិនជាប់ ដោយសារតែការអាណិតអាសូរ នៅពេលដែលអ្នកស្រី បានដឹងថាកុមារីបាន​តស៊ូរស់ មានឈ្មោះជាក្មេងកំព្រា ដែល​ត្រូវឪម្តាយបោះបង់ចោល នៅជាមួយជីដូនជីតា។

ចំណែក អ្នកនាង សឿ សុធារ៉ា ជាតារាកិត្តិយស នៅក្នុងកម្មវិធីនោះ កោតសរសើរ មិនដាច់ពីមាត់ផងដែរ ព្រោះតែ​ទេពកោសល្យ ទឹកដមសំនៀង របស់កុមារីរូបនេះ ស្តាប់ទៅពីរោះ រួមជាមួយកាយវិការរស់រវើក គួរអោយស្រសាញ់។

មានអាយុ ១០ឆ្នាំ មកពី ខេត្តកណ្តាល កុមារី រិទ្ធ សូនីតា ធ្លាប់បានចូលប្រលងប្រជែង ក្នុងកម្មវិធីយុវកុមារកូដូមូ ជំនាន់​ទី៥ ម្តង រួចមកហើយនៅក្នុងស្ថានីយ៍ទូរទស្សន៍ ស៊ីធីអ៊ិន។ ដោយសារតែទេពកោសល្យដមដមសម្លេង រួមផ្សំ ជាកាយ​វិកាយដ៏រស់រវើកគួអោយស្រលាញ់របស់កុមារីរូបនេះ ធ្វើអោយកុមារី រិទ្ធ សូនីតាទទួលជ័យលោជ័យលេខមួយ។ ទស្សនាទាំងគ្នា ថាកុមារីរូចនេះមានទឹកដមសំនៀងយ៉ាងណា ទើបធ្វើអោយគណកម្មការ និងអ្នកទស្សនារំភើប កោត​សរសើគ្រប់គ្នា៕

ទស្សនាវីដេអូ របស់កុមារីរូបនេះ នៅក្នុងកម្មវិធីកម្មវិធីផ្កាយរះក្នុងសួន៖

ទស្សនាវីដេអូ របស់កុមារីរូបនេះ ដែលទទួលបានលេខមួយ ក្នុងកម្មវិធីយុវកុមារកូដូមូ៖