ពិព័រណ៍​«ស្នាដៃ​បង្កើត​ថ្មី» របស់​និស្សិត​សាលា​វិចិត្រ​សិល្បៈ

សាកលវិទ្យាល័យភូមិន្ទនិចិត្រសិល្បៈ បានដាក់តាំងពិព័រណ៍ស្នាដៃសិល្បៈថ្មីៗលើកទីពី ដែលជាគំនិតច្នៃប្រឌិតរបស់ និស្សិតចាប់ពីថ្នាក់មូលដ្ឋាន រហូតដល់ឆ្នាំទីបួន ទាំងប្រាំមហាវិទ្យាល័យ ក្នុងនោះមាន មហាវិទ្យាល័យ​ស្ថាបត្យកម្ម និងនគររូបនីយកម្ម មហាវិទ្យាល័យសិល្បៈសូនរូប មហាវិទ្យាល័យសិល្បៈនាដសាស្ត្រ និង​មហាវិទ្យាល័យ​​តូរ្យតន្ត្រី។ ការតាំងពិព័រណ៍នេះ នឹងចាប់ផ្តើមចាប់ពីថ្ងៃទី៤ ដល់ថ្ងៃទី៧ ខែមេសា បានទាក់ទាញនិស្សិតមកពីបណ្តា​គ្រឹះស្ថាន​ផ្សេងៗ នាំគ្នាចូលរួមទស្សនាយ៉ាងច្រើនកុះករ។
Loading...
  • ដោយ: ក. សេងហុង
  • កែប្រែចុងក្រោយ: April 04, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

សាកលវិទ្យាល័យភូមិន្ទនិចិត្រសិល្បៈ បានដាក់តាំងពិព័រណ៍ស្នាដៃសិល្បៈថ្មីៗលើកទីពី ដែលជាគំនិតច្នៃប្រឌិតរបស់ និស្សិតចាប់ពីថ្នាក់មូលដ្ឋាន រហូតដល់ឆ្នាំទីបួន ទាំងប្រាំមហាវិទ្យាល័យ ក្នុងនោះមាន មហាវិទ្យាល័យ​ស្ថាបត្យកម្ម និងនគររូបនីយកម្ម មហាវិទ្យាល័យសិល្បៈសូនរូប មហាវិទ្យាល័យសិល្បៈនាដសាស្ត្រ និង​មហាវិទ្យាល័យ​​តូរ្យតន្ត្រី។ ការតាំងពិព័រណ៍នេះ នឹងចាប់ផ្តើមចាប់ពីថ្ងៃទី៤ ដល់ថ្ងៃទី៧ ខែមេសា បានទាក់ទាញនិស្សិតមកពីបណ្តា​គ្រឹះស្ថាន​ផ្សេងៗ នាំគ្នាចូលរួមទស្សនាយ៉ាងច្រើនកុះករ។


ស្នាដៃមួយនៅក្នុងពិព័រណ៍«ស្នាដៃបង្កើតថ្មី» របស់និស្សិតសាលាវិចិត្រសិល្បៈ ថ្ងៃទី៤ ខែមេសា ឆ្នាំ២០១៤។ (រូបថត MONOROOM.info/ Senghong)

ពិព័រណ៍វិចិត្រសិល្បៈ - ក្នុងវេទិកាសម្ពោធពិព័រណ៍ នៅថ្ងៃទី៤ ខែមេសានេះ និស្សិត ព្រហ្ម ចិនវិចិត្រ ប្រធាន​គណកម្មាធិការ​រៀបចំពិពណ៍ បាននិយាយថា៖ «គោល​បំណងបង្កើតការច្នៃប្រឌិត ក្នុងការអភិរក្សដើម្បីអភិវឌ្ឍន៏​វិស័យសិល្បៈវប្បធម៌ជាតិ។ ម្យ៉ាងវិញដើម្បី​បង្ការភាព​សក្តានុពល ភាពជាបច្ចេកទេសក្នុងការសិក្សារបស់និស្សិត ក្នុង​វិស័យសិល្បៈវប្បធម៌ និងដើម្បីបង្កើតចំណេះដឹង ដើម្បីស្រាវជ្រាវរករបកគំហើញថ្មី និងបច្ចេកវិទ្យាទំនើប។ លើស​ពីនេះទៅទៀត គឺដើម្បីបង្ហាញពីសម្ព័ន្ធភាព​នៃ​ប្រពៃណី​ដ៏ផូផង់ក្នុងសង្គមខ្មែរយើង។»

លោក ប៉េង ប៊ុនឆុង ជានិស្សិតឆ្នាំទីពីរនៃមហាវិទ្យាល័យស្ថាបត្យកម្ម និងនគររូបនីយកម្ម បាននិយាយប្រាប់​ទស្សនាវដ្តីមនោរម្យ.អាំងហ្វូ ថា និស្សិតដែលមានស្នាដៃរបស់ខ្លួននៅពិធីតាំងពិពណ៍ខាងលើនេះ សុទ្ធតែកើតចេញ​ឡើងពីការសំរិតសំរាំងនៃស្នាដៃឆ្នើមៗរបស់សិស្សរៀមច្បង និងលោកគ្រូអ្នកគ្រូ មុនសម្រេចចិត្ត​យកស្នាដៃ​ទាំង​នោះចូលរួមតាំងនៅទីនេះ។ ឧទាហរណ៏ដូចជាស្នាដៃនិស្សិតថ្នាក់មូលដ្ឋាន មុននឹងយកស្នាដៃរបស់ខ្លួនមកដាក់តាំង បានលុះត្រាតែមានការចូលរួមពិភាក្សាជាមួយសិស្សច្បង ជាមុនសិន។

មកចូលរួមទស្សនាពិព័រណ៌នេះម្ដងមុនរួចហើយនោះ លោក ម៉ៅ ម៉េងឆន ជានិស្សិតឆ្នាំទីមួយ ផ្នែកស្ថាបត្យកម្ម​នៃ​សាកលវិទ្យាល័យន័រតុន បានិយាយថា «រូបគំនូរបស់ពួកគាត់ មានភាពទាក់ទាញខ្លាំង។ គំនូរទាំងនេះអាច​ជួយ​ជំរុញដល់ការសិក្សាដល់ខ្ញុំមួយផ្នែកទៀត។»

កញ្ញា អុល ភារុណ ជានិស្សិតឆ្នាំមួយខាងផ្នែកស្ថាបត្យកម្មនិងរចនា នៃវិទ្យាស្ថានបច្ចេកវិទ្យាកម្ពុជា (PPIU) បាន​ថ្លែងដែរថា ការតាំងពិពណ៍នេះជួយឲ្យប្អូនទទួលចំណេះដឹងបន្ថែមលើអ្វី ដែលគាត់បានសិក្សានៅសាលា ជាពិសេស​ផ្នែកកែច្នៃ ដែលក្រុមនិស្សិតបានជ្រើសរើសយកសារធាតុផ្សេងៗ មកច្នៃដូចជាសំរាម ថង់ប្លាស្ទិចជាដើម៕

--------------------------------------
ដោយ ក. សេងហុង (ទំនាក់ទំនង៖ [email protected]) - ភ្នំពេញ ថ្ងៃទី០៤ មេសា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...