ជនជាតិ​អង់គ្លេស សេព​កាម​ជា​មួយ​អនីតិជន ជាប់​ទោស​ពីរ​ឆ្នាំ​នៅ​កម្ពុជា

គ្រូបង្រៀនភាសអង់គ្លេសមួយរូប ជាជនជាតិអង់គ្លេស អាយុ៣៦ ឆ្នាំ ត្រូវបានផ្ដន្ទាទោសឲ្យជាប់ពន្ធនាគារ ពីរឆ្នាំ ពីបទប្រព្រឹត្តិ«អាណចារ» ទៅលើកុមារបីនាក់ អាយុ ៨ ១០ និង១១ឆ្នាំ។
Loading...
  • ដោយ: កេសរ កូល
  • កែប្រែចុងក្រោយ: March 25, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

គ្រូបង្រៀនភាសអង់គ្លេសមួយរូប ជាជនជាតិអង់គ្លេស អាយុ៣៦ ឆ្នាំ ត្រូវបានផ្ដន្ទាទោសឲ្យជាប់ពន្ធនាគារ ពីរឆ្នាំ ពីបទប្រព្រឹត្តិ«អាណចារ» ទៅលើកុមារបីនាក់ អាយុ ៨ ១០ និង១១ឆ្នាំ។


កុមារកម្ពុជា មិនមែនជាត្រីដែលគេអាចបង់សំណាញ់ យកមកទទួលទានស្រេចនឹងចិត្តនោះទេ។ (រូបថត APLE)

ប្រព័ន្ធយុត្តិធម៌ - គ្រូបង្រៀនជនជាតិអង់គ្លេសមួយរូប ដែលចូលមករស់នៅប្រទេសកម្ពុជា ត្រូវបានផ្ដន្ទាទោស​ពីបទ​រំលោភបំពានលើអនិតិជន ឲ្យជាប់ពន្ធនាគារ២ឆ្នាំ។ ប្រទេសកម្ពុជាកំពុងធ្វើការ ប្រយុទ្ធប្រឆាំងនឹង​សកម្មភាព​ល្មើស​ទាំងនេះ ដោយបានចាប់ខ្លួនជាបន្តបន្ទាប់ នូវជនប្រព្រឹត្តិទាំងឡាយ បញ្ជូនទៅតុលាការ ដើម្បី«ជួសជុល»​រូបភាព​របស់ខ្លួន ដែលកន្លងមកល្បីថា ជាជម្រករបស់ជនបរទេសនានា ក្នុងការស្វែងរកការរួមភេទ ជាមួយកុមារមិន​ទាន់​គ្រប់អាយុ។

បុរសអាយុ៣៦ឆ្នាំ ដែលបានប្រកបរបរជាអ្នកបង្រៀនភាសាអង់គ្លេស នៅក្នុងសាលាឯកជនមួយ នៅរាជធានីភ្នំពេញ ត្រូវបានចាប់ខ្លួនកាលពីខែតុលាកន្លងទៅ ហើយតុលាការបានរកឃើញថាជននេះ បានប្រព្រឹត្តិ«អាណាចារ» ជាមួយ​ក្មេងប្រុសបីនាក់ ដែលជាបងប្អូនគ្នាអាយុ ៨ ១០ និង១១ឆ្នាំ នៅក្នុងផ្ទះសំណាក់។

ជនបរទេសដែលបានអះអាងពីភាពគ្មានទោសពៃរបស់ខ្លួននោះ ត្រូវបានតុលាការបង្គាប់ឲ្យបង់ប្រាក់សំណងសរុប ប្រមាណជា១៨០០ដុល្លា ទៅឲ្យកុមាររងគ្រោះ និងត្រូវចាកចេញប្រទេសកម្ពុជា បន្ទាប់ពីបានបំពេញទោសក្នុង​ពន្ធនាគារហើយនោះ។ គេនៅមិនទាន់ដឹងនៅឡើយ ថាជនជាប់ចោទ នឹងត្រូវប្ដឹងឧទ្ទរណ៍ឬយ៉ាងណា ពីសាល​ដីការ​នេះនៅឡើយ។

សេពសន្ធវៈជាមួយកុមារ ជាប់ទោសពីរឆ្នាំ និងបង់ប្រាក់១៨០០ដុល្លា

សូមបញ្ជាក់ដែរថា ជនជាតិអង់គ្លេសរូបនេះ ធ្លាប់ត្រូវបានជាប់ពន្ធនាគារ ១ឆ្នាំ នៅក្នុងប្រទេសដើមកំណើតរបស់​ខ្លួន​ម្ដងរួចហើយ ពីបទបានបង្កើតរូបភាព«អាណាចារ»ជាមួយអនិតិជន។

អង្គការ«ប្រយុទ្ធដើម្បីកុមារ (APLE)» ដែលធ្វើការស្និតនឹងករណីនេះ បានសម្ដែងការខកចិត្ត ថាទោសដែលបាន​ដាក់លើជនជាតិបរទេសរូបនេះ ហាក់ដូចជាមានភាពធូរស្រាលពេក ប៉ុន្តែបានអបអរនឹងការបង្គាប់ឲ្យចាកចេញ​ពី​ប្រទេស។ សកម្មជនម្នាក់ពីអង្គការនេះ លោក យី ម៉ូដិន បានបញ្ជាក់ថា «យើងអាចច្បាស់ក្នុងចិត្តថា បុរសនេះនឹង​មិនធ្វើបាប កុមារខ្មែរណាម្នាក់ នៅក្នងប្រទេសកម្ពុជាទៀតទេ»។

ក្នុងរយៈពេលចុងក្រោយនេះ ជនបរទេសច្រើនជាង១០នាក់ ត្រូវបានចាប់ផ្ដន្ទាទោសឲ្យជាប់ពន្ធនាគារ ពីបទ​រំលោភ​សេពសន្ធវៈជាមួយ​ក្មេង​មិន​ទាន់គ្រប់អាយុ និងមួយចំនួនទៀត ត្រូវបានចាប់បញ្ជូនត្រឡប់ទៅប្រទេស​ដើម​កំណើត​វិញ ដើម្បីធ្វើការវិន្និច្ឆ័យទោស ទៅតាមការស្នើសុំរបស់ប្រព័ន្ធយុត្តិធម៌ របស់ប្រទេសទាំងនោះ។

កាលពីថ្ងៃអង្គារទី២៨ ខែកុម្ភៈ កន្លងមក តុលាការ​សហព័ន្ធនៃទីក្រុងឡូសអេនជឺឡេស សហរដ្ឋអាមេរិក បាន​កាត់​ទោស លើអតីតនាយទាហានចំណាស់ម្នាក់ ពីបទរំលោភបំពានលើក្មេងស្រី មិនទាន់គ្រប់អាយុចំនួន ៧នាក់ នៅក្នុង​ប្រទេសកម្ពុជា ដោយកំណត់ឲ្យបុរសនេះ ជាប់ពន្ធនាគាររហូតដល់ ២១០ឆ្នាំ និងបង្គាប់ឲ្យផ្ដល់សំណងជា​ទឹកប្រាក់​ចំនួន ២៤៧ពាន់ដុល្លា ទៅដល់បណ្ដាអង្គការសមាគមទាំងឡាយណា ដែលបានទទួលយកកុមាររងគ្រោះទាំងនោះ ទៅបីបាច់ថែរក្សា៕

-----------------------------------------------
ដោយ កេសរកូល (ទំនាក់ទំនង៖ [email protected]) - ភ្នំពេញ ថ្ងៃទី២៤ មីនា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...