សោម អូន៖ តម្លើង​​ប្រាក់​ឈ្នួល​គំហុក​១០០% មាន​«គ្រោះ​»​ដល់​សេដ្ឋកិច្ច

ក្នុងពេលដែលកម្មករកាន់តែច្រើនឡើងៗ បាននឹងបន្តធ្វើ«កូដកម្ម»របស់ពួកគេនោះ សហព័ន្ធ​សហជីព​កម្មករ​កម្ពុជា​បាន​សម្តែង​ការព្រួយបារម្ភ និងចោទគណបក្សសង្គ្រោះជាតិថា កំពុងញុះញង់កម្មករ។ សហព័ន្ធដែលមានលោក សោម អូន ជាប្រធាននេះ បានលើកហេតុផលថា គណបក្សជំទាស់កន្លងមក បាន​បង្ហាញគោលជំហគាំទ្រ​ឲ្យមាន​ការតម្តើង​ប្រាក់​ឈ្នួលគោល ដល់កម្មករ១៦០ដុល្លារសហរដ្ឋអាមេរិកក្នុងមួយខែ ខណៈកំណើនសេដ្ឋកិច្ចកម្ពុជា មិន​អាចឆ្លើយតបទៅនឹងការទាមទារ ហើយបានអះអាងទៀតថា គណបក្សសង្រ្គោះជាតិ កំពុងយកនយោបាយ​មកពាក់​ព័ន្ធជាមួយបញ្ហាបច្ចេកទេស ដែលវាអាចបង្កគ្រោះថា្នក់ដល់សេដ្ឋកិច្ច និងសង្គម។
Loading...
  • ដោយ: អ៊ុំ បូរី
  • កែប្រែចុងក្រោយ: December 26, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្នុងពេលដែលកម្មករកាន់តែច្រើនឡើងៗ បាននឹងបន្តធ្វើ«កូដកម្ម»របស់ពួកគេនោះ សហព័ន្ធ​សហជីព​កម្មករ​កម្ពុជា​បាន​សម្តែង​ការព្រួយបារម្ភ និងចោទគណបក្សសង្គ្រោះជាតិថា កំពុងញុះញង់កម្មករ។ សហព័ន្ធដែលមានលោក សោម អូន ជាប្រធាននេះ បានលើកហេតុផលថា គណបក្សជំទាស់កន្លងមក បាន​បង្ហាញគោលជំហគាំទ្រ​ឲ្យមាន​ការតម្តើង​ប្រាក់​ឈ្នួលគោល ដល់កម្មករ១៦០ដុល្លារសហរដ្ឋអាមេរិកក្នុងមួយខែ ខណៈកំណើនសេដ្ឋកិច្ចកម្ពុជា មិន​អាចឆ្លើយតបទៅនឹងការទាមទារ ហើយបានអះអាងទៀតថា គណបក្សសង្រ្គោះជាតិ កំពុងយកនយោបាយ​មកពាក់​ព័ន្ធជាមួយបញ្ហាបច្ចេកទេស ដែលវាអាចបង្កគ្រោះថា្នក់ដល់សេដ្ឋកិច្ច និងសង្គម។


ក្រុមកម្មករ ដែលដង្ហែក្បួនបាតុកម្មមកកាន់ទីលានប្រជាធិបតេយ្យ នៅថ្ងៃទី២៦ខែធ្នូឆ្នាំ២០១៣។ (រូបថត MONOROOM.info/ O.Vary)

វិស័យការងារ - លើសពីការចេញសេចក្តីថ្លែងការណ៍ ដែលបានចេញកាលពីថ្ងៃទី២៥ ខែធ្នូ ឆ្នាំ២០១៣ លោក សោម អូន ប្រធាន​សហព័ន្ធសហជីពកម្មករកម្ពុជា ក្នុងកិច្ចសម្ភាសជាមួយទស្សនាវដ្តីមនោរម្យព័ងអាំងហ្វូ នៅថ្ងៃទី២៦ ខែធ្នូ ឆ្នាំ២០១៣ បានពន្យល់ថា មុនការសម្រេចតម្លើងប្រាក់ខែ ក្នុងកម្រិតណាមួយឲ្យកម្មករ ដៃគូពាក់ព័ន្ធ​មានទាំង​រដ្ឋាភិបាល សហជីព និងភាគីនិយោជក បានសិក្សាស្វែងយល់គ្រប់ជ្រុយជ្រោយរួចអស់ហើយ អំពីលទ្ធភាពនៃការ​តម្លើង និងការធានានិរន្តរភាពសេដ្ឋកិច្ច។

លោក សោម អូន បញ្ជាក់ថា៖ «ការឡើងគំហុក១០០% គ្រោះថ្នាក់ណាស់សម្រាប់សេដ្ឋកិច្ចប្រទេសជាតិយើង យើង​គួរយកលទ្ធភាពនេះ(...)។ ការប្រជុំកន្លងមករវាងដៃគូពាក់ព័ន្ធ មាន២៣នាក់ឯភាព រីឯ២នាក់ទៀតបដិសេធ​ចំពោះ​លទ្ធផលនេះ។ យើងមើលគោលការណ៍ប្រជាធិបតេយ្យ មតិភាគច្រើនគោរពមតិភាគតិច ឬមតិភាគតិច​គោរពមតិ​ភាគ​ច្រើន? ដូច្នេះអ្នកនយោបាយ មិនគួរពាក់ព័ន្ធរឿងបច្ចេកទេសនោះទេ វាជាការព្រួយបារម្ភ។»

សូមរម្លឹកថា កាលពីថ្ងៃទី២៤ ខែធ្នូ ឆ្នាំ២០១៣ ដៃគូពាក់ព័ន្ធដែលមានសមាសភាពក្រសួងការងារ សហជីព និងភាគី​និយោជក បានសម្រេចតម្លើងប្រាក់ឈ្នួល ដល់កម្មកររោងចក្រកាត់ដេរក្នុងរយៈពេល១ឆ្នាំៗ ចាប់ពី១៥ដុល្លារ ដល់​១៧ដុល្លារ ក្នុងរយៈពេល៥ឆ្នាំ ចាប់ពីឆ្នាំ២០១៤ដល់ឆ្នាំ២០១៨។ សេចក្ដីសម្រេចនេះ បានបូកជាមួយប្រាក់ខែគោល មានស្រាប់ចំនួន៨០ដុល្លារ នៅឆ្នាំ២០១៤នេះ ដែលធ្វើឲ្យកម្មករអាចទទួលបានប្រាក់ខែគោលចំនួន៩៥ដុល្លារ ហើយរហូតដល់ឆ្នាំ២០១៨ ទើបកម្មករទទួលបានប្រាក់ខែគោល១៦០ដុល្លារ។

គោលការណ៍ប្រជាធិបតេយ្យ ដែលមានការរៀបចំទុក ដើម្បីឈ្នះ?

សេចក្ដីសម្រេចនេះ បានធ្វើឲ្យមេដឹកនាំសហជីពមួយចំនួន សម្ដែងការខកចិត្ត និងអំពាវនាវឲ្យ​កម្មករធ្វើ​«កូដកម្ម» ព្រោះការតម្លើងនេះ វាមិនអាចឆ្លើយតបទៅនឹងតម្រូវការក្នុងការទ្រទ្រង់ជីវភាពប្រចាំថ្ងៃ។ សេចក្តីអំពាវនាវ និង​ការតវ៉ានេះ ត្រូវបានគណបក្សសង្រ្គោះជាតិសម្តែងការគាំទ្រ និងអំពាវនាវឲ្យកម្មករចូលរួម ជាមួយ​ខ្លួន ក្នុងការ​ដាក់​សម្ពាធលើរដ្ឋាភិបាល ដើម្បីទទួលបានជោគជ័យជាមួយគ្នា។

ទាក់ទងនឹងសមាសភាពប្រជុំ នៅក្នុងគណកម្មាធិការដើម្បីសម្រេចពីការតម្លើងប្រាក់ឈ្នួលនោះ លោក អាត់ ធន់ ប្រធានសហភាពការងារកម្ពុជា (ស៊ីខាវឌូ) បានលើកឡើងពីភាពគ្មានតុល្យភាពក្នុងការបោះឆ្នោត ដោយសារតែ​សម្លេងពីខាងក្រសួងមានចំនួនដល់ទៅ ១១សម្លេង បូករួមនឹងសម្លេងពីខាងនយោជក ដែលមាន៧សម្លេងដែរនោះ​រួចទៅហើយ។ ចំណែកសហជីពតំណាង​ឲ្យ​កម្មករ មានតែ៧សម្លេងប៉ុណ្ណោះ ហើយសហជីពចំនួនប្រាំបានគាំទ្រ ការតម្លើងប្រាក់ឈ្នួលនេះ។ សូមអានអត្ថបទដែលទាក់ទង​នេះ​ឡើង​វិញ ដោយចុចនៅលើទីនេះ

ជុំវិញការលើកឡើងរបស់លោក សោម អូន ត្រូវបានអនុប្រធានគណបក្សសង្រ្គោះជាតិលោក កឹម សុខា នៅថ្ងៃទី២៦ ខែធ្នូ ឆ្នាំ២០១៣ ក្នុងទឹកដីខេត្តកំពង់ឆ្នាំង ចំពោះមុខហ្វូងបាតុករបានលើកឡើងថា មូលហេតុដែលមិនអាចតម្លើង​ប្រាក់ឈ្នួលឲ្យបានដូចការទាមទាររបស់កម្មករ ព្រោះរដ្ឋាភិបាលបច្ចុប្បន្នជារដ្ឋាភិបាលពុករលួយ។ អនុប្រធាន​គណបក្សជំទាស់រូបនេះបន្ថែមថា កម្មករត្រូវចូលរួមជាមួយគណបក្សសង្រ្គោះជាតិ ទាមទារប្រាក់ឈ្នួលគោល ១៦០​ដុល្លារ​ឲ្យបានត្រឹមឆ្នាំ២០១៤នេះ ដោយមិនត្រូវរង់ចាំដល់ឆ្នាំ២០១៨នោះទេ៕

---------------------------------------
ដោយ៖ អ៊ុំ បូរី - ភ្នំពេញ ថ្ងៃទី២៦ ខែធ្នូ ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...