សូមជូនល្បែងកំសាន្ដ ដែលមានលក្ខណៈត្រិះរិះប្រើប្រាជ្ញាមួយ ដែលទាក់ទងនឹងការបង្គ្រប់ប្រឡោះ ៦x៦។ លោកអ្នក​ត្រូវយកឈ្មោះ ដែលបានឱ្យមកបំពេញក្នុងតារាង ឱ្យបានត្រឹមត្រូវ ដោយគ្មានការច្រំដែល នៅក្នុងជួរនីមួយៗ (ជួរបញ្ឈរ ឬផ្ដេក)។ ចម្លើយនឹងផ្សាយជូន នៅក្នុងចុង​សប្ដាហ៍នេះ។

នៅសល់ពេលទំនេរពីការងារ ហេតុអ្វីអុកមួយក្ដាមិនបាន? (រូបថត ឯកសារ)

កំសាន្ដ - សូមអរគុណដល់លោក វ៉ា ប៊ុណ្ណនី មកពីសាលាអន្តរជាតិ វេសធើន (Western International School) ដែល​បាន​ផ្ញើរល្បែង​ល្បងប្រាជ្ញា ដ៏មានតម្លៃនេះ មកទស្សនាវដ្ដីមនោរម្យព័ងអាំងហ្វូ។

ឆ្លៀតក្នុងឱកាសនេះ ទស្សនាវដ្ដីសូមធ្វើការលើកទឹកចិត្ត ដល់មិត្តអ្នកអានទាំងអស់ ដែលមានបំណងចង់ផ្ញើរជា​អត្ថបទ​ស្រាវជ្រាវ ប្រលោមលោក ល្បែងកំសាន្ដ ល្បងប្រាជ្ញា ឬមតិយោបល់ទាក់ទងនឹងអ្វីក៏ដោយ មកទស្សនាវដ្ដី។ សូម​សរសេរ​អត្ថបទ ឬឯកសារទាំងនោះ ដោយប្រើពុម្ពអក្សរខ្មែរយូនីកូដ (Khmer Unicode) ដាក់លើ Microsoft Word file ហើយផ្ញើរ​មកទស្សនាវដ្ដី​តាមរយៈខ្សែភ្ជាប់នេះ (ចុចពីលើ) ឬតាមមែល contact @ monoroom.info។

ការិយាល័យនិពន្ធរបស់ទស្សនាវដ្ដី នឹងទទួលអត្ថបទឬឯកសារទាំងនោះ ដោយក្ដីសោមនស្សរីករាយ និងធ្វើការពិនិត្យ​ចុះ​ផ្សាយជាបន្តបន្ទាប់ ជាពិសេសទស្សនាវដ្ដី នឹងគោរពបំណងប្រាថ្នារបស់ប្រិយមិត្ត ប្រសិនជាប្រិយមិត្តមិនចង់​បញ្ចេញ​ឈ្មោះ។

ល្បែងបង្គ្រប់ប្រឡោះ ៦x៦ ឬ«ស៊ូដូគូ»ខ្មែរ

ល្បែងខាងក្រោមនេះ មានលំនាំតាមល្បែងល្បងប្រាជ្ញា របស់ជប៉ុនឈ្មោះ ស៊ូដូគូ (sudoku)។ ដូច្នេះលោកអ្នកដែល​ធ្លាប់​កំសាន្ដជាមួយល្បែងរបស់ជប៉ុនរួចហើយនោះ នឹងមិនមានភាពពិបាកចូលរួមលេងកំសាន្ដនោះឡើយ។ តែ​សម្រាប់​លោក​អ្នកដែលមិនធ្លាប់ស្គាល់ លោកអ្នកត្រូវយកឈ្មោះ ដែលបានឱ្យមកបំពេញក្នុងតារាង ឱ្យបានត្រឹមត្រូវ ដោយគ្មានការ​ច្រំ​ដែល នៅក្នុងជួរនីមួយៗ (ជួរបញ្ឈរ ឬផ្ដេក)។ នៅក្នុងល្បែងនេះមានឈ្មោះ៖ ចន្ទី ដាវី ដាវីន ប៊ុណ្ណនី ម៉ូលី ម៉ូលីន។

--------------------------
ដោយ៖ វ៉ា ប៊ុណ្ណនី - ថ្ងៃទី២០ ខែវិច្ឆិកា ឆ្នាំ២០១៣