ឃាតករសម្លាប់ចំណាប់ខ្មាំងជាតិបារាំង នៅអាល់ហ្សេរី ត្រូវបានស្គាល់មុខ
នៅតាមកញ្ចក់ទូរទស្សន៍រដ្ឋ លោករដ្ឋមន្ត្រីយុត្តិធម៌របស់ប្រទេសអាល់ហ្សេរី តាយ៉េប លូហ៍ (Tayeb Louh) បានថ្លែងបញ្ជាក់ថា៖ «នៅក្នុងរបាយការណ៍ដំបូង នៃការស៊ើបអង្កេត បានអនុញ្ញាតឲ្យយើង អាចកំណត់អត្តសញ្ញាណ សមាជិកមួយចំនួន នៃក្រុមភេវរជន ដែលបានបង្កើតឲ្យមានឧក្រិដ្ឋកម្មនេះឡើង»។
ចំណាប់ខ្មាំងជាតិបារាំង លោក អ៊ែរវ៉េ ហ្គួរដែល អាយុ៥៥ឆ្នាំ ត្រូវបានចាប់ពង្រត់កាលពីថ្ងៃទី២១ ខែកញ្ញាកន្លងទៅ នៅចម្ងាយជាង១០០គីឡូម៉ែត្រ ពីរដ្ឋធានី អាល់ហ្សេ ដោយក្រុម ជូដ អាលឃីឡាហ្វា (Jund al-Khilafa) ហើយត្រូវបានសម្លាប់ ដោយកាត់ ក ដោយក្រុមដដែលនេះ ដើម្បីជាកាយវិការព្រមាន ដល់ប្រទេសបារាំង ក្នុងចំណាត់ការយោធា ប្រឆាំងនឹងរដ្ឋអ៊ីស្លាម (និយមតឹង) នាផ្នែកខាងជើងប្រទេសអៀរ៉ាក់។
លោករដ្ឋមន្ត្រីយុត្តិធម៌របស់ប្រទេសអាល់ហ្សេរី បានថ្លែងពន្យល់ទៀតថា ការស៊ើបអង្កេតទៅលើករណីចាប់ពង្រត់ [...]