ថ្ងៃបញ្ចប់នៃការប្រណាំងទូក៖ ទូកងពីរឈ្លោះគ្នាកណ្តាលទន្លេ
ថ្ងៃផ្តាច់ព្រ័តនៃព្រះរាជពិធីបុណ្យ អុំទូកបណ្តែតប្រទីប សំពះព្រះខែ និងអកអំបុកបានបញ្ចប់ ដោយជោគជ័យ បើពិនិត្យជាទូទៅ។ តែទោះជាភាពជោគជ័យ ក្នុងន័យនេះ ចង់ផ្ដោតទៅលើគ្រោះថ្នាក់ ឬចង់និយាយថា ពុំមានកីឡាករអុំទូក ចែវទូកណាម្នាក់ រងគ្រោះថ្នាក់ដល់អាយុជីវិតក៏ដោយ ប៉ុន្តែយ៉ាងហោចណាស់ ក៏មានទូកពីរបានឈ្លោះប្រកែក រហូតមានការវាយតប់គ្នា រវាងអ្នកចែវ ទាំងពួកខ្លួននៅកណ្តាលទន្លេ។
ទូក«ង»ដែលបានឈ្លោះគ្នា នៅកណ្តាលទន្លេ ក្នុងការប្រកួតគ្នា នៅថ្ងៃចុងបញ្ចប់នៃពិធីបុណ្យជាតិមួយនេះ មានឈ្មោះថា កំហែងមហាហង្សសែនជ័យ ពាក់ផ្លាកលេខ០៩៣ មានកម្លាំងចំណុះទូក៧៣នាក់ ប្រកួតជាមួយទូក«ង» ឈ្មោះស្រអែមបារមីស្វាយជ្រំ ពាក់ផ្លាកលេខ០៩០។
បើតាមលោក វេង វណ្ណារិទ្ធ ដែលជាមេដឹកនាំគណកម្មាការទូកឈ្មោះ កំហែងមហាហង្សសែនជ័យ [...]