យុវជន​ចិត្ត​សប្បុរស​ធម៌ លក់​ថ្នាំ​និង​ភេសជ្ជៈ ដើម្បី​យក​ប្រាក់​ជួយ​ជន​ក្រី​ក្រ

យុវជនមួយក្រុម ដែលមានការគាំទ្រ ពីអង្គការផ្តល់នូវក្ដីសង្ឃឹម ហៅកាត់ជាភាសាអង់គ្លេសថា (Hope) និងទទួល​ការ​ជ្រោម​ជ្រែង ពីសំណាក់ព្រះសង្ឃមួយអង្គ ដែលសកម្មនឹងការងារសង្គម បាននាំគ្នាបោះស្តង់លក់ភេសជ្ជៈ និងថ្នាំពេទ្យ​ដើម្បី​យក​ប្រាក់​ចំណេញ ទៅ​ជួយ​ឧបត្ថម្ភ​ដល់​ជន​ទុរគត។
Loading...
  • ដោយ: ក. វិច្ចនី ដោយ ក.វិច្ចនី (ទាក់ទង៖ [email protected]) - ភ្នំពេញ ថ្ងៃទី ០៥ វិច្ឆការ ២០១៤
  • កែប្រែចុងក្រោយ: November 07, 2014
  • ប្រធានបទ: សមានចិត្ត
  • អត្ថបទ: មានបញ្ហា?
  • មតិ-យោបល់

ក្នុងឱកាស នៃ​ព្រះ​រាជ​ពិធី​បុណ្យ​អំ​ទូក​អក​អំបុក​សំពះ​ព្រះ​ខែ​ ឆ្នាំ២០១៤នេះ យុវជន​មួយ​ក្រុម ដែល​មក​ពី​សកល​វិទ្យាល័យ​ផ្សេងៗ​គ្នា ក្នុង​នោះ​មាន​ជំនាញ​ខាង​ពេទ្យ ច្បាប់ និង​ទំនាក់​ទំនង​អន្តរជាតិ​ជា​ដើម បាន​រួម​គំនិត​គ្នា​លក់​ជា​ភេសជ្ជៈ និង​ថ្នាំ​ពេទ្យ សំរាប់​ជួយ​សម្រួល ដល់​ការ​ហូប​ចុក នៃ​អ្នក​ដែល​ទៅ​ទស្សនា​បុណ្យ​អុំ​ទូក ឫ​ក៍​ពួក​គាត់​មាន​បញ្ហា​សុខភាព នៅ​ពេល​ទៅ​កំសាន្ត​បុណ្យ​នោះ។ យុវជន​មួយ​ក្រុម​នេះ មិន​ត្រឹម​តែ​លក់​ទំនិញ យក​ប្រាក់​ចំណេញ​ជួយ​ជន​ក្រីក្រ​ប៉ុណ្ណោះ​ទេ ប៉ុន្តែ​ថែម​ទាំង​ចេះ​វិធី​សង្រ្គោះ​បឋម ដល់​ជន​ណា ដែល​មាន​បញ្ហា​សុខភាព​ដូច​ជា​ខ្យល់​ចាប់ ឫ​សន្លប់ និង​បញ្ហា​ផ្សេងៗ​ទៀត។

សកម្មភាពរបស់យុវជនទាំងនេះ មាន​លក្ខណៈ​ជា​ការ​ស្ម័គ្រ​ចិត្ត​សុទ្ធ​សាធ ពោល​គឺ​ពួក​គេ​អាច​ជួយ​បាន ដោយ​មិន​គិត​ថ្លៃ និង​ដោយ​ឆន្ទៈ។ រីឯ​អ្នក​ដែល​ចូល​មក​ទិញ​ភេសជ្ជៈ ឬ​សម្ភារៈ​ផ្សេងៗ​របស់​ក្រុម​យុវជន​នេះ ក៏​ត្រូវ​បាន​គេ​ចាត់​ទុក​ថា ជា​អថិជន​ដែល​មាន​សុទ្ធា​ជ្រះ​ថ្លា និង​បាន​ជួយ​ឧបត្ថម្ភ​ថវិការ ដល់​ជន​ក្រីក្រ​ដូច​គ្នា​ដែរ។

និស្សិមួយរូបនៃសាកលវិទ្យាល័យភូមិន្ទនិតិសាស្ត្រ និងវិទ្យាសាស្រ្តសេដ្ឋកិច្ច កញ្ញា ទេព សរស៊ីណា ដែលបាន​ចូលរួមសកម្មភាពនេះ បានថ្លែងប្រាប់ទស្សនាវដ្តីមនោរម្យ.អាំងហ្វូថា ប្រាក់ចំណេញបានពីការលក់ដូរនេះ សម្រាប់យកទៅឧបត្ថម្ភដល់ជនក្រីក្រ និងកុមារកំព្រា ដែលរស់នៅជិតរាជធានីភ្នំពេញ។ តែកញ្ញាបញ្ជាក់​ទៀត​ថា នៅពេលបញ្ចប់ពិធីបុណ្យអំទូកនេះ ក្រុមកញ្ញានឹងចុះទៅខេត្ត ពោធិសាត់ ដើម្បីនាំយកនៅថវិការ​ដែលនៅ​សេសសល់ ទៅជូនជនក្រីក្រ ក្នុងតំបន់មួយនៃខេត្តនោះ។

កញ្ញាបានរៀបរាប់ថា ថវិការដែលយកទៅប្រើប្រាស់ដើម្បីទិញភេសជ្ជៈ ជាការជួយជ្រោមជ្រែង ពីព្រះ​តេជគុណ អឿន សំអាត ព្រះសង្ឃមួយអង្គ ដែលតែងតែដឹងនំាយុវជន ឲ្យសំអាតបរិស្ថានក្នុងរាជធានីភ្នំពេញ និង​ដាំ​ដើម​ឈើ នៅតាមបណ្តាខេត្តមួយចំនួនផងដែរ។ រីឯថវិការយកទៅទិញថ្នាំ សំរាប់សង្គ្រោះបឋម គឺបាន​មក​ពី​អង្គការ​ផ្តល់នូវក្ដីសង្ឃឹម (Hope) ចំនួន ៣០០ដុល្លា។

ក្រុមយុវជនលក់ភេសជ្ជៈ និងសង្គ្រោះបឋមនេះមានគ្នាចំនួន ១៧នាក់ ហើយស្តងលក់របស់​ពួកគេមានពីរ​កន្លែង ស្ថិតនៅជិតវត្តឧណ្ណាឡោម។ ក្រុមយុវជនទាំងនេះ នឹងបន្តលក់រហូតដល់ចប់កម្មពិធី ក្នុងរយៈពេល​បីថ្ងៃពេញ នៃព្រះរាជពិធីបុណ្យអុំទូកនេះតែម្តង៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...