ឃាតកម្មលើព្រះសង្ឃ ម៉ឹង អ៊ំ៖ ចាប់អតីតគ្រូសូត្រម្នាក់ បញ្ជូនទៅតុលាការ
រហូតមកដល់ពេលនេះ ជនសង្ស័យម្នាក់ ត្រូវបានចាប់ខ្លួន ពាក់ព័ន្ធនឹងករណីឃាតកម្មបាញ់សម្លាប់ ព្រះសង្ឃ ម៉ឹង អ៊ំ ព្រះជន្ម ៧៦ព្រះវស្សា ដែលជាព្រះគ្រូសូត្រស្តាំ វត្តអង្គស្នៀត ស្ថិតនៅក្នុងភូមិថ្មី ឃុំតាំងក្រូច ស្រុកសំរោងទង ខេត្តកំពង់ស្ពឺ កាលពីពេលកន្លងមក។ នេះជាការអះអាងរបស់លោក អ៊ុង សាមិត្ត មន្រ្តីសម្របសម្រួលអង្គការការពារសិទ្ធិមនុស្ស លីកាដូ ប្រចាំខេត្តកំពង់ស្ពឺ។
មន្ត្រីសិទ្ធិមនុស្សបានថ្លែងបញ្ជាក់ប្រាប់ទស្សនាវដ្តីមនោរម្យ.អាំងហ្វូ ថា ជនសង្ស័យដែលត្រូវបានបញ្ជូន ទៅកាន់សាលាដំបូងខេត្ត គឺជាអតីតគ្រូឆ្វេងវត្តអង្គស្នៀត ដែលធ្លាប់គង់នៅវត្តជាមួយគ្នា។ ប៉ុន្តែឥលូវនេះ គ្រូឆ្វេងនោះ បានសឹករួចទៅហើយ។
លោក អ៊ុង សាមិត្ត បានដាក់ការសង្ស័យទៀតថា ករណីឃាតកម្មនេះ ប្រហែលបណ្តាលមកពីរឿងលុយកាក់។ ហើយរឿងនេះ បានកើតឡើង [...]