All Articles of MONOROOM.info

តាមទំព័រហ្វេសប៊ុក «Samdech Hun Sen, Cambodian Prime Minister» ដែលគេស្គាល់ថា ជារបស់​លោក​នាយក​រដ្ឋមន្រ្តី ហ៊ុន សែន បានសរសេរថា៖ «គម្រោងការប្រគុំតន្រ្តី KAZANTIP Asia (កាហ្សានទីប អេសៀ) នៅលើឆ្នេរកោះពស់ខេត្តព្រះសីហនុ (១៨-២៨ ខែកុម្ភៈ ឆ្នាំ២០១៥) ត្រូវបានផ្អាក។»

ការសរសេរនេះ ដូចបានធ្លាក់មកយឺតពេលបន្តិច បន្ទាប់ពីមានការរិះគន់យ៉ាងច្រើន ពីសំណាក់ពលរដ្ឋ​កម្ពុជា​ជាទូទៅ ទៅលើការប្រគុំតន្រ្តីបែបបរទេសនេះ ដែលបើតាមគម្រោងពីមុនមក នឹងត្រូវរៀបចំធ្វើក្នុងប៉ុន្មាន​ថ្ងៃ​ខាងមុខនេះ។ ក្រុមអ្នករិះគន់ បានយល់ឃើញថា កម្មវិធីនេះ នឹងបំផ្លាញនូវវប្បធម៌ដ៏ល្អប្រពៃ របស់កម្ពុជា និង​ការនាំមកវិញ នូវភាពអវិជ្ជមានច្រើន។

ទំព័រហ្វេសប៊ុក«សម្ដេច ហ៊ុន សែន» បានសរសេរសង្ឃឹមទៀតថា ទៅថ្ងៃអនាគត រាល់កម្មវិធីកំសាន្ត ទាក់​ទាញ​ទេសចរណ៍នានា នៅក្នុងប្រទេស គឺត្រូវមានកិច្ចសហការ ជាមួយអាជ្ញាធរអោយបានល្អ [...]

នៅថ្ងៃទី១៤កុម្ភៈ ដែលជាថ្ងៃបុណ្យនៃសេចក្តីស្រលាញ់ នៅតាមដងផ្លូវនៅតាមដងវិថីនានា ក្នុងរាជធានីភ្នំពេញ ឃើញមានការដាក់លក់ផ្កាស្រស់ យ៉ាងព្រោងព្រាត ស្ទើរសឹងគ្រប់ច្រកល្ហក។។ ប៉ុន្តែការលក់ផ្កា នៅក្នុង១៤ កុម្ភៈឆ្នាំនេះ មិនដូចឆ្នាំមុននោះទេ។ អាជីវករជាច្រើនបានត្អូញត្អែរ ដោយសារតែឆ្នាំនេះ លក់មិនដាច់។

កញ្ញា ស្រីលីន ដែលជាអ្នកលក់ផ្កា នៅតាមបណ្តោយផ្លូវ ម៉ៅសេទុង បានប្រាប់ឱ្យទស្សនាវដ្ដីមនោរម្យ.អាំងហ្វូដឹងថា ការលក់ផ្ការបស់កញ្ញា ក្នុងថ្ងៃបុណ្យនៃសេចក្តីស្រលាញ់ ក្នុងឆ្នាំ២០១៥នេះ លក់មិនសូវដាច់ដូចឆ្នាំមុនៗទេ ខុសឆ្ងាយពីគ្នាសឹងតែដូចមេឃ និងដី។ ខុសឆ្ងាយគ្នា ព្រោះតែបើគិត ក្នុងពេលម៉ោង៩ដូចគ្នា កាលពីឆ្នាំទៅ កញ្ញាលក់បានប្រមាណ ពី១០០ដុល្លារទៅ២០០ដុល្លារ ក្នុងតម្លៃផ្កាមួយដើម ពី៤០០០រៀលទៅ៦០០០រៀល។ ដោយឡែកឆ្នាំនេះវិញ សឹងតែលក់មិនបានមួយទងផង។

កញ្ញាបញ្ជាក់បន្ថែមថា នៅឆ្នាំក្រោយនេះ កញ្ញានឹងបញ្ឈប់អាជីព [...]

យុទ្ធនាការធម្មជាតិនៃក្តីស្រលាញ់នេះ ត្រូវបានក្រុមយុវជនទាំងនោះ ចំណាយពេលវេលាផ្ទាល់ខ្លួន ក្នុងថ្ងៃ​ឈប់​សំរាកពីកាសិក្សា និងថ្ងៃដែលពួកគេ ធ្លាប់តែសប្បាយបំផុតជាមួយគូរស្នេហ៍ ជារៀងរាល់ឆ្នាំនោះ មកចូលរួម​បំបែក​កូនឈើ រាប់ពាន់ដើមនៅក្នុងវត្តបទមវតី យ៉ាងសប្បាយរីករាយ និងដោយពេញចិត្តទៅវិញ។

ក្រុមយុវជនទាំងនោះ បាននាំចាប់ផ្តើមបំបែកកូនឈើ តាំង ពីម៉ោង៨:៣០ ព្រឹកមកម្លេះ ហើយពួកគេ ធ្វើវាយ៉ាង​សប្បាយរីករាយសើចក្អាកក្អាយ មិនរវល់ជាមួយនឹងថ្ងៃបុណ្យ នៃក្តីស្រលាញ់ឡើយ។ ពួកគេបានកំណត់ថា ក្នុង​រយៈពេលមួយព្រឹកនេះ ពួកគេនឹងបំបែកឲ្យបាន ១០០០ដើម ទុកសំរាប់ចែកចាយដល់យុវជនណា ឫអង្គការ​ណា​មួយ ចង់បានកូនឈើនោះទៅដាំ នៅក្នុងតំបន់ណាមួយក្នុងប្រទេសកម្ពុជា។ ប្រភេទកូនឈើ ដែលពួកគេបាន​បំបែកនេះ មានតែមួយប្រភេទប៉ុណ្ណោះ គឺដើមរាំងភ្នំ ដោយកូនឈើដទៃទៀត មិនទាន់លូតលាស់អាចបំបែក​បាន​នៅឡើយ។

យុវជន ឡាទីន បាននិយាយប្រាប់ ទស្សនាវដ្តីមនោរម្យ.អាំងហ្វូ [...]