ក្រុមគ្រួសារជនរងគ្រោះ នៅខេត្តស្វាយរៀង បារម្ភខ្លាចជនបង្កត្រូវដោះលែង
ការព្រួយបារម្ភ របស់ក្រុមគ្រួសារ នៃជនរងគ្រោះរបួស និងស្លាប់នេះ បានកើតឡើង ខណៈមានអ្នកស្និទ្ធ នឹងស្នងការដ្ឋាន នគរបាលខេត្តស្វាយរៀងម្នាក់ បានឲ្យដឹងថា បន្ទាប់ពីសមត្ថកិច្ច ធ្វើការចាប់ឃាត់ខ្លួន បុរសជនជាតិយួន ជាអ្នកបើកបររថយន្តក្រុង របស់ក្រុមហ៊ុនវៀតណាម15SH ដែលបើកក្នុងល្បឿនលឿន ជែងជ្រុលទៅបុកពេញទំហឹង លើរថយន្តដឹកកម្មករ កម្មការិនីខ្មែរនោះ គឺមានក្រុមហ៊ុនធានារ៉ាប់រងមួយ ដែលគេមិនស្គាល់អត្តសញ្ញាណច្បាស់លាស់ មកទាក់ទងធានា រត់ការឲ្យបាន ស្ថិតនៅក្រៅការឃុំភ្លាមៗ ទោះបីបុរសជាអ្នកបើកបរយានជំនិះ ជនជាតិវៀតណាមរូបនេះ បើកបរមិនប្រុងប្រយ័ត្ន ធ្វើឲ្យមានគ្រោះថ្នាក់ចរាចរណ៍ រហូតដល់មានមនុស្សស្លាប់ និងរងរបួស ច្រើននាក់ក៏ដោយ។
តៃកុងរថយន្ដក្រុងខាងលើ ត្រូវបានគេឲ្យដឹងថា ឈ្មោះ ង្វៀង វ៉ាន់ទឹង ភេទប្រុស អាយុ៤៥ឆ្នាំ ជាជនជាតិវៀតណាម មានទីលំនៅខេត្តវិនឡុង ទីក្រុងហូជីមិញ ប្រទេសវៀតណាម។ លោក ង្វៀង វ៉ាន់ទឹង ជាអ្នកបើកឡានក្រុង [...]