បំណែកថ្មីរើសបានពីសមុទ្រនៅថៃ មិនមែនមកពីយន្ដហោះ MH370
ប្រទេសម៉ាឡេស៊ី បានអះអាងនៅថ្ងៃអង្គារ ថាបំណែកដែកដ៏ធំមួយ ដែលត្រូវបានស្រង់បាន នៅលើឆ្នេរសមុទ្រភាគនារតី នៃប្រទេសថៃ កាលពីថ្ងៃសៅរ៍មុន ថាមិនមែនជាបំណែកមួយ របស់យន្ដហោះ «MH370» ដែលបានបាត់ខ្លួនយ៉ាងអាថ៌កំបាំង កាលពីជិត២ឆ្នាំមុននោះទេ។
បំណែកដ៏ធំនោះ ត្រូវបានរកឃើញ ដោយអ្នកនេសាទថៃជាច្រើននាក់ នៅក្នុងខេត្ត ណាក់ខន ស៊ីធម្មារាត ដែលមានចំងាយមិនតិចជាង ៨០០គីឡូម៉ែត្រ ពីខាងត្បូងនៃរាជធានីបាងកក។ ប៉ុន្តែបើតាមអ្នកជំនាញ បានឲ្យដឹងថា បំណែកនោះ អាចជាកាកសំណល់មួយ នៃកាំជ្រួចផ្កាយរណបរបស់ប្រទេសជប៉ុន ដែលត្រូវបានបាញ់ចេញពីដី ហើយបានបំបែកខ្លួន នៅក្នុងអាកាស មុននឹងបំណែកនេះ បានធ្លាក់ចូលក្នុងសមុទ្រ។
កាលពីថ្ងៃច័ន្ទ សប្ដាហ៍នេះ ក្រុមហ៊ុនផលិតកាំជ្រួចផ្កាយរណប «Mitsubishi Heavy Industries» [...]
