អាឌីដាស (Adidas) រងការចោទ ថាកេងប្រវ័ញ្ចកម្មករខ្មែរ
កាសែតប្រចាំថ្ងៃរបស់ប្រទេសអង់គ្លេស ឈ្មោះ ដេលី តេលេគ្រាហ្វ (Daily Telegraph) បានធ្វើរបាយការណ៍ កាលពីពេល ថ្មីៗនេះ ពីកម្មកររបស់រោងចក្រស៊ិន ហ្សូ (Shen Zhou) ស្ថិតនៅជាយក្រុងភ្នំពេញ ដែលផលិត ផលិតផល អាឌីដាស (Adidas) សំរាប់យកចេញទៅលក់នៅ ក្នុងអំឡុងពេលការប្រកួតកីឡាអូឡាំពិក ក្នុងពេលខាងមុខនេះ។ កម្មករទាំងនោះ ទទួលបានប្រាក់ កំរៃប្រមាណជា ៦៦ដុល្លាអាមេរិក (៥០អ៊ឺរ៉ូ) ក្នុងមួយខែ ក្នុងរយះពេលធម្មតា តែក្រុមកម្មករបាននិយាយ ប្រាប់កាសែតប្រចាំថ្ងៃ នេះថា ពួកគេបានទទួលប្រាក់កំរៃរហូតដល់ ១២០ដុល្លា បើពួកគេម្នាក់ៗធ្វើការបន្ថែមម៉ោងពីរម៉ោង ដែលត្រូវជា ១០ម៉ោងក្នុងមួយថ្ងៃ។
កាលពីឆ្នាំ២០១០ ចលនាបាតុកម្មដ៏ធំមួយ បានរៀបចំឡើងដោយសហព័ន្ធ [...]
