ពលរដ្ឋរងគ្រោះដីធ្លីនៅកោះកុង ឈ្នះក្ដីនៅតុលាការកំពូល
ពលរដ្ឋមកពីខេត្តកោះកុងចំនួនពីរគ្រួសារ បានឈ្នះក្តីជាស្ថាពរ នៅតុលាការកំពូល ពាក់ព័ន្ធនឹងជម្លោះដីធ្លីមួយ ជាមួយក្រុមហ៊ុន ហេងហ៊ុយ។ ការប្តឹងផ្តល់តវ៉ារបស់គ្រួសារអ្នកស្រុកស្រែអំបិល ខេត្តកោះកុងនេះ បានកើតឡើងតាំងពីឆ្នាំ២០០៦មក ប៉ុន្តែនៅសាលាដំបូង ឡើងរហូតមកសាសាឧទ្ទរណ៍ គេនៅតែមិនអាចដោះស្រាយបាន។
ប៉ុន្តែនៅព្រឹកថ្ងៃទី ២៧ ខែវិច្ឆិកានេះ តុលាការកំពូលនៅរាជធានីភ្នំពេញបានស្វែងរកហេតុផល និងភស្តុតាងត្រឹមត្រូវ មកអារកាត់សំនុំរឿងនេះ ដោយបានកាត់ក្តីឲ្យប្រជាពលរដ្ឋចំនួនពីរគ្រួសារនេះ បានឈ្នះក្តីជាស្ថាពរ។ ដោយឡែកប្រជាពលរដ្ឋឯទៀត ដែលអះអាង ពីការរំលោភបំពានដីធ្លី ដោយក្រុមហ៊ុន ហេងហ៊ុយ នៅស្រុកស្រែអំបិលដែរនោះ នៅមិនទាន់ត្រូវបានតុលាការដោះស្រាយ និងកាត់សេចក្ដីឲ្យឈ្នះចាញ់នៅឡើយ។
អ្នកស្រី យេង ខំ ដែលបានឈ្នះក្តីលើលោក [...]
