មតិអ្នកអាននៅក្រៅប្រទេស ចំពោះការបង្រ្កាបបង្ហូរឈាមរបស់សមត្ថកិច្ច
«ខ្ញុំឈឺចិត្តខ្លាំងណាស់ក្នុងនាមជាខ្មែរ ដែលឃើញឈាមជាខ្មែរដូចគ្នាហូរ» នេះជាការលើកឡើងរបស់អ្នកស្រី សួស សុភី ជាពលរដ្ឋខ្មែរ ដែលរស់នៅជាយដែនប្រទេសបារាំង បន្ទាប់ពីអ្នកស្រីបានឃើញការបង្រ្កាបរបស់កងកម្លាំងរបស់អាជ្ញាធរ ទៅលើបាតុករ រហូតមានស្លាប់និងរបួស។
ស្នាមឈាមដែលបន្សល់ទុក នៅលើដី បន្ទាប់បីការប្រឈមមុខប្រកបដោយឈាម រវាងកងកម្លាំងសមត្ថកិច្ច និងបាតុករ។ (រូបថត MONOROOM.info/ O.Vary)
យុត្តិធម៌សង្គម - អ្នកស្រី សួស សុភី អាយុ៤២ឆ្នាំ ជាពលរដ្ឋខ្មែរដែលរស់នៅប្រទេសបារាំង និងជាជំនួយការសាលាមតេយ្យមួយឈ្មោះថាអារ៉េស្តង់ បានសម្តែងអារម្មណ៍តក់ស្លុត និងអាណិតអាសូរយ៉ាងខ្លាំង ចំពោះពលរដ្ឋខ្មែរដែលរងការបង្រ្កាបពីកងកម្លាំងរបស់អាជ្ញាធរកម្ពុជា [...]