Posts in ‘បរិស្ថាន ផែនដី’ Category

បន្ទាប់​​ពី​​តៃវ៉ាន់ ព្យុះ​«Meranti»​​បានបក់បោក ​លើ​ឆ្នេរ​ភាគ​អាគ្នេយ៍​​នៃ​ប្រទេស​ចិន

បន្ទាប់​​ពី​​តៃវ៉ាន់ ព្យុះ​«Meranti»​​បានបក់បោក ​លើ​ឆ្នេរ​ភាគ​អាគ្នេយ៍​​នៃ​ប្រទេស​ចិន

បន្ទាប់ពីបានបោកបក់ ទៅលើកោះតៃវ៉ាន កាលពីម្សិលម៉ិញរួច ព្យុះសមុទ្រ «Meranti» បានវាយប្រហារ ទៅ​លើ​តំបន់​ភាគ​អាគ្នេយ៍ នៃប្រទេសចិនជាបន្តទៀត នៅថ្ងៃព្រហស្បត្តិ៍នេះ ជាមួយនឹងល្បឿនខ្យល់បក់ រហូត​ដល់​១៧០​គីឡូម៉ែត្រ ក្នុងមួយម៉ោង ដោយមានអមជាមួយនឹងភ្លៀងធ្លាក់ យ៉ាងខ្លាំងនោះផង។ កម្លាំងខ្យល់ព្យុះ បាន​ផ្ដាច់​ចរន្ដ​អគ្គិសនី និងបំបែកកញ្ចក់បង្អួច ឬទ្វានៃអាគារជាច្រើន នៅក្នុងនិងនៅជុំវិញក្រុង សៀមិន (Xiamen)។ នេះ​បើ​តាម​របាយការណ៍ របស់ប្រព័ន្ធផ្សព្វផ្សាយផ្លូវការ របស់ប្រទេសកុម្មុយនីស។

នៅព្រឹកម៉ិញនេះ រូបភាពជាច្រើនបានបង្ហាញឲ្យឃើញថា ផ្លូវជាច្រើននៅក្នុងទីក្រុង បានជន់លិច ដើមឈើ​បាន​បាក់ និងដួល - កញ្ចក់បង្អួចទ្វា បានបែកខ្ចាត់ខ្ចាយ និងផ្លាកសញ្ញាចរាចរណ៍ បានរបើករបាញ ដោយសារកម្លាំង​ខ្យល់​បក់​ដ៏​ខ្លាំង និងដ៏កម្រ។

រហូតមកដល់ម៉ោង ១១ព្រឹកថ្ងៃព្រហស្បត្តិ៍ ទី១៥ ខែសីហា គេរកមិនឃើញ​ព័ត៌មាន​ណា​មួយផ្សាយថា មានជន​រង​គ្រោះ [...]

សមុទ្រ​ចិន​ខាង​ត្បូង៖ ចិន​ឆេះ​ដុំ ចំពោះ​ការ​ឈ្នះ​ក្ដី​របស់​ហ្វីលីពីន នៅ​តុលាការ​អន្តរជាតិ

សមុទ្រ​ចិន​ខាង​ត្បូង៖ ចិន​ឆេះ​ដុំ ចំពោះ​ការ​ឈ្នះ​ក្ដី​របស់​ហ្វីលីពីន នៅ​តុលាការ​អន្តរជាតិ

ប្រទេសចិនបានប្រកាសកាលពីថ្ងៃទី១២ ខែកក្កដា ឆ្នាំ២០១៦ ថាខ្លួនមិនទទួលស្គាល់ ហើយក៏មិន​យល់​ព្រម​ដែរ នូវសាលក្រម​របស់តុលាការ​អាជ្ញាកណ្ដាលអន្តរជាតិ ហៅកាត់ជាភាសាបារាំង CPA និងភាសា​អង់គ្លេស PCA នៅទីក្រុងឡអេ ប្រទេសហូឡង់ ដែលបានសម្រេចថា ប្រទេសចិនប្រជាមានិត គ្មានសិទ្ធិ​ជា​ប្រវត្តិសាស្ត្រ នៅ​ក្នុង​ដែនទឹក​សមុទ្រ​ខាងត្បូង ហើយបានរំលោភចូលបូរណភាពទឹកដី របស់ប្រទេសហ្វីលីពីន។

សារព័ត៌មានផ្លូវការ «Chine nouvelle» របស់ប្រទេសចិនកុម្មុយនីស បានឲ្យដឹងថា៖ «ប្រទេសចិន​បាន​បញ្ជាក់ ជាច្រើនលើកច្រើនសារ ថាតុលាការអាជ្ញាកណ្ដាលអន្តរជាតិ បានទទួលបណ្ដឹង ពីរដ្ឋាភិបាល (មុន) នៃ​ប្រទេស​ហ្វីលីពីន ដែលបានប្ដឹងជាឯកតោភាគី និង (តុលាការ) មិនមានសមត្ថកិច្ច នៅក្នុងសំនុំរឿងនេះ សូម្បី​បន្តិច​ឡើយ»។

រីឯសេចក្ដីប្រកាសព័ត៌មានមួយ ពីក្រសួងការបរទេសចិន ក៏បានបញ្ជាក់ដែរថា៖ «តាមហេតុផលដូច្នេះ ប្រទេស​ចិនមិនយល់ព្រម [...]

សម្ផស្ស​ក្រុង​«គុជ» មើល​ពី​«គូទ»​មក​វិញ!

សារព័ត៌មានជាច្រើនលើសលប់ បានដកស្រង់យករូបភាព នៃសម្រាមកាកសំណល់ ដ៏គួរឲ្យព្រឺព្រួច គ្រប​ដណ្ដប់​ពី​លើ​អាងបណ្ដោះទឹកកខ្វក់ របស់រាជធានីភ្នំពេញ ទៅចុះផ្សាយយ៉ាងព្រោងព្រាត។ ហើយគេ​នៅ​មិន​រាប់​បញ្ចូល ពីគេហទំព័រតូចៗជាច្រើនផ្សេងទៀត ដែលបានយករូបភាពដដែលនេះ ទៅផ្សាយបន្តនោះ​ផង​ទេ។

» ការចុះផ្សាយ របស់សារព័ត៌មានជាភាសាអង់គ្លេស៖

» ការចុះផ្សាយ របស់សារព័ត៌មានជាភាសាបារាំង៖

ហ៊ុន សែន ផ្សាយ​«ពាណិជ្ជកម្ម»​ឲ្យ ធី សុវណ្ណថា

ហ៊ុន សែន ផ្សាយ​«ពាណិជ្ជកម្ម»​ឲ្យ ធី សុវណ្ណថា

គេគ្រាន់តែរង់ចាំមើល ថាតើបន្តិចទៀត កញ្ញា ធី សុវណ្ណថា ដ៏ល្បីល្បាញ នឹងត្រូវដើរតាមលោក ហ៊ុន សែន នៅ​គ្រប់កម្មវិធីទាំងអស់ ឬយ៉ាងណា? ព្រោះក្នុងពេលនេះ លោក ហ៊ុន សែន បានថ្លែង​សរសើរ​តារា​ហ្វេសប៊ុក​រូប​នេះ ជាច្រើនម៉ាត់ ទាក់ទងនឹងការចុះទៅកាន់តំបន់អារ៉ែង កាលពីពេលកន្លងមក ដែលលោកនាយក​រដ្ឋ​មន្ត្រី​កម្ពុជា​​និយាយថា ជាសកម្មភាពការពារបរិស្ថាន។

ថ្លែងក្នុងទិវាមច្ឆាជាតិ នៅអាងទឹកអន្លង់ជ្រៃ ឃុំប្រាំបីមុំ ស្រុកថ្ពង ខេត្តកំពង់ស្ពឺ នាព្រឹកថ្ងៃទី០១ ខែកក្កដា ឆ្នាំ​២០១៦នេះ លោក ហ៊ុន សែន បានប្រកាសឡើងថា៖ «កញ្ញា ធី សុវណ្ណថា ដែលជាគេហៅថា អ្នកលេង​ខាង​ហ្វេសប៊ុក គាត់ធ្លាប់ដឹកនាំក្រុមធ្វើដំណើរ ទៅតំបន់អារ៉ែង។ អញ្ចឹងទេ អាហ្នឹងវាជាចលនាជួយការពារមួយ ជំរុញ​លើកទឹកចិត្តឲ្យពួកគាត់បន្តទៅ។»។

ជាលើកដំបូងបង្អស់ ដែលនាយករដ្ឋមន្ត្រីកម្ពុជា បានលើកយកកញ្ញា ធី សុវណ្ណថា អតីតអ្នកវាយប្រហារ​លើ​លោក​មិន​សំចៃមាត់ [...]

មិន​ដល់​មួយ​ខែ ខ្មែរ​-យួននិយាយ​រឿង​ព្រំដែន​បីដង!

មិន​ដល់​មួយ​ខែ ខ្មែរ​-យួននិយាយ​រឿង​ព្រំដែន​បីដង!

នេះ គេនៅមិនទាន់រាប់ ពីពេលមុនៗ កន្លងមកផងទេ។ ជំនួបជួបគ្នា និយាយ​ពិភាក្សាតែពីរឿងដដែលៗ ធ្វើឲ្យ​គេឆ្ងល់ថា តើមន្ត្រីជាន់ខ្ពស់​មកពីប្រទេសទាំងពីរ គ្មានគម្រោងអ្វីថ្មីទេឬ? ឬមួយភាគីម្ខាង ចាំបាច់​ត្រូវ​មក​ធ្វើការ​ក្រើន​រំលឹក ដាស់តឿនភាគីម្ខាងទៀត ពីរាល់តែសំនុំរឿង ដែលបានជជែកគ្នារួចហើយនោះ?

ជាពិសេសបញ្ហាព្រំដែន ដែលរដ្ឋាភិបាលលោក ហ៊ុន សែន តែងប្រកាសមិនដាច់ពីមាត់ ថាមាន​កិច្ច​ព្រម​ព្រៀង​រវាងប្រទេសទាំងពីរ ធ្វើឲ្យចំណេញដីដល់កម្ពុជា រហូតដល់ធ្វើកិច្ចព្រមព្រៀងបំពេញបន្ថែម។ល។ ត្រូវបានយក​មក​ជជែក​ហើយ​ជជែក​ទៀត អស់ពីថ្នាក់រដ្ឋមន្ត្រី ឥឡូវបន្តមកដល់ថ្នាក់ប្រធានរដ្ឋ (ស្មើ​ប្រធានា​ធិបតី ឬ​ព្រះ​មហា​ក្សត្រ)។ ប្រសិនជាករណីនេះ ជាបញ្ហាបច្ចេកទេស ក៏គេគួរទុកឲ្យមន្ត្រីថ្នាក់ក្រោម នៅក្នុង​គណៈ​កម្មការ​ចម្រុះ​​ខណ្ឌ​សីមា និងបោះបង្គោលព្រំដែនគោក កម្ពុជា-វៀតណាម ជាអ្នកសម្រេច និងជា​អ្នក​ជជែក​ពិភាក្សា​គ្នា [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...