Posts in ‘យុត្តិធម៌ សណ្ដាប់ធ្នាប់’ Category

តើគេគួរបញ្ឈប់ កុំឲ្យមនុស្សប្រមឹក ជិះយន្ដហោះឬ? អ្នកដំណើរពីរនាក់ ដែលជិះនៅលើយន្ដហោះ របស់​ក្រុមហ៊ុនអាកាសចរណ៍ សាន់វិញ (Sunwing) ហោះភ្ញាប់រដ្ឋធានីតូរ៉ុងតូ ប្រទេសកាណាដា ទៅកាន់ប្រទេស​គុយបា បានធ្វើខ្លួនឲ្យស្ថិតនៅក្រោមឥទ្ធិពលសុរាយ៉ាងជោគជាំ បន្ទាប់ពីពួកគេបានទិញមកសេព នៅមុន​ពេលឡើងយន្ដហោះបន្តិច។ នេះបើតាមស្ថានីយ៍ទូរទស្សន៍កាណាដា ស៊ីធីវី ញ៉ូ (CTV News)។

ក្រុមហ៊ុនអាកាសចរណ៍ បានធ្វើការពន្យល់ថា បន្ទាប់ពីបានចូលទៅលាក់ខ្លួន ក្នុងបន្ទប់ទឹកលើយន្ដហោះ ស្ត្រី​ក្មេងៗទាំងពីរនាក់ បានបញ្ឆេះបារីមួយដើមឡើង បណ្ដាលឲ្យសញ្ញាអាសន្នបានលោតបន្លឺឡើង។ បន្ទាប់​ពីនោះមកទៀត ស្ត្រីទាំងពីរបានឈ្លោះប្រកែកគ្នា រហូតឈានទៅដល់វាយតប់គ្នា នៅលើយន្ដហោះ បង្កឲ្យ​យន្ដហោះបាត់ភាពលំនឹងរបស់ខ្លួន។

ប៉ុន្តែហេតុការណ៍បានស្ងប់ស្ងាត់ទៅវិញ ដោយក្រុមបម្រើការនៅលើយន្ដហោះ បានអនុវត្តតាមយុទ្ធវិធី ដែល​មានស្រាប់ ដើម្បីគ្រប់គ្រងស្ថានការណ៍។ [...]

ម្ដាយឪពុក របស់ទារក ឡ័ន (Loan) ដែលទើបនឹងត្រូវបាន គេរកឃើញសាកសពនៅថ្ងៃអាទិត្យទី៣១ ខែ​សីហានេះ បានសារភាពថា កូនខ្ចីរបស់ខ្លួន បានរងគ្រោះនឹងអំពើហិង្សាដ៏ខ្លាំងក្លា តាំងពីច្រើនថ្ងៃមកហើយ មុននឹងអ្នកទាំងពីរនេះ បានមកប្ដឹងអាជ្ញាធរ ពីការបាត់ខ្លួនរបស់កូន។

លោករដ្ឋអាជ្ញានៃសាធារណរដ្ឋបារាំង ប្រចាំតំបន់ ហ្គេរ៉េ (Guéret) បានថ្លែងពន្យល់ថា «បើតាមការ​ស៊ើប​អង្កេតជាជំហានដំបូង បានបង្ហាញថា ទារកត្រូវបានដឹកយកទៅកប់ នៅក្បែរបឹងមួយ ដោយឪពុកម្ដាយ​ទាំង​ពីរ»។ ទារកត្រូវបានខ្ចប់ ទៅក្នុងស្បោងផ្លាស្ទីក មុននឹងកប់ទៅក្នុងដី។

លោករដ្ឋអាជ្ញាបានបន្ថែមទៀតថា បន្ទាប់មក ឪពុកម្ដាយបានត្រឡប់មកកាន់គេហដ្ឋានវិញ ហើយ​បង្កើត​ជា​សាច់រឿងមួយ [...]

ទង្វើឃោឃៅរបស់បុរសពីរនាក់នេះ ត្រូវបានអ្នកប្រើប្រាស់បណ្តាញសង្គមហ្វេសប៊ុក ធ្វើការចែកចាយបន្ត​យ៉ាងព្រោងព្រាត ដោយសម្តែងអារម្មណ៍ខឹងសម្បារយ៉ាងខ្លាំង ទៅលើបុរសម្នាក់ដែលបានធ្វើទារុណកម្ម ទៅ​លើក្មេងប្រុសនោះ ហើយថែមទាំងយករូប មកបង្ហោះនៅទំព័រហ្វេសប៊ុក យ៉ាងមោទនភាពទៀត។ ក្រុម​អ្នក​ប្រើប្រាស់បណ្តាញ បានរិះគន់ទៅលើបុរសនោះថា គ្រាន់តែដូងមួយសោះ ហេតុអ្វីដាក់ក្មេងដល់ថ្នាក់នេះ គាត់គួរមានចិត្តសន្តោស ធ្វើបែបនេះមិនមែនមនុស្សទេ។ បន្ថែមលើសពីនេះ ពួកគេសំណូមពរ ឱ្យអាជ្ញាធរ​ត្រូវចាត់វិធានការណ៍តាមផ្លូវច្បាប់ លើបុរសទាំងពីរនាក់ឱ្យបានតឹងរ៉ឹង។

តារាហ្វេសប៊ុកដ៏ល្បីកញ្ញា ធី សុវណ្ណថា ខណៈបានឃើញរូបថត ស្ដីពីសកម្មភាព​អមនុស្សធម៌របស់​បុរស​ខាង​លើ នាងបានសរសេលើទំព័រហ្វេសប៊ុក របស់នាងថា៖ «បើខ្ញុំជាម្ចាស់ដូង ខ្ញុំអោយក្មេងនេះញ៉ាំអោយឆ្អែត ហើយអោយយកទៅផ្ទះខ្លះ ។ ខ្ញុំគ្រាន់តែណែនាំកុំអោយរៀនលួច បើចង់បាន អោយចេះសុំម្ចាស់»។

ហេតុការណ៍ មួយកាលវេលាម៉ោងជាង៣ អធ្រាត្រ ឈានចូល ថ្ងៃទី២៧ សីហា នៅចំណុចផ្លូវ បេតុង​ភ្នំពេញ​ថ្មី ក្នុងសង្កាត់ភ្នំពេញថ្មី ខណ្ឌសែនសុខ បានបង្កឱ្យមានការភ្ញាក់ផ្អើល ខណៈពេលដែលត្រូវបានគេស្គាល់ថា ជាតារាសម្តែងដែលមានសក់ធំ និងជាតន្រ្តីករម្នាក់ត្រូវបានចោរលួចសម្ភារៈមួយចំនួនពីក្នុងឡាន ពេល​តារា​រូបនេះចតឡាននៅលើផ្លូវហើយបានដេកលក់។

បុរស ដែលជាតារាសម្តែងសក់ធំនេះ ត្រូវគេស្គាល់ឈ្មោះ សំ ជីវ័ន្ត។ មុនពេលកើតហេតុគេបានឃើញលោក សំ ជីវ័ន្ត បានបើករថយន្ត មួយគ្រឿងម៉ាក ហុងដា ហ្វិត ពណ៌ស ពាក់ស្លាក់លេខ បណ្តោះអាសន្ន ៥៥៣២ ក្នុងទិសដៅពីលិច ទៅកើត ខណៈមក ដល់ចំណុចខាង លើស្រាប់តែឈប់រថយន្ត។ បន្ទាប់ពីបាន​ឈប់​រថយន្ត បុរសម្នាក់បានដេកលង់លក់នៅក្នុង រថយន្តរបស់គេ។ នៅប្រមាណជាកន្លះម៉ោង ខណៈពេល​បុរស​នោះកំពុងដេកលង់លក់ មានជនសង្ស័យពីរនាក់ ជិះម៉ូតូមួយគ្រឿងមិនស្គាល់ម៉ាក បានឈប់ម៉ូតូក្បែររថយន្ត ធ្វើដូចជាមនុស្សស្គាល់គ្នា [...]