Posts in ‘យុត្តិធម៌ សណ្ដាប់ធ្នាប់’ Category

យន្ដហោះរបស់ក្រុមហ៊ុន «AirAsia» របស់ប្រទេសឥណ្ឌូនេស៊ី ដែលភ្ជាប់ជើងហោះហើរ ពីក្រុង ផើត (អូស្ត្រាលី) ទៅកាន់រាជធានី កូឡាឡំពួរ (ម៉ាឡេស៊ី) កាលពីសប្ដាហ៍មុន ចាំបាច់ត្រូវហោះ ត្រឡប់ទៅកន្លែងដើមវិញ ក្រោមមូលហេតុ «បញ្ហាបច្ចេកទេស»។ អ្នកដំណើរម្នាក់ ដែលនៅក្នុងហេតុការណ៍នោះ បានរៀបរាប់ថា តួយន្ដហោះទាំងមូល បានស្ថិតក្នុងភាពរង្គើខ្លាំងក្លា ប្រៀបបានទៅនឹងម៉ាស៊ីនបោកខោអាវ។

ជើងហោះហើររបស់ក្រុមហ៊ុនអាកាសចរណ៍ ដែលលក់សំបុត្រក្នុងតម្លៃថោក បានជួបនឹងបញ្ហាបច្ចេកទេសនេះ ក្នុងរយៈពេលពេញ មួយម៉ោងកន្លះ (៩០នាទី) បន្ទាប់ពីបានហោះងើបខ្លួន ចេញពីព្រលានយន្ដហោះ ក្រុង ផើត។ ប៉ុន្តែនៅទីបំផុត យន្ដហោះប្រភេទ អ៊ែរប៊ូស (Airbus A330) បានហោះត្រឡប់ក្រោយ និងបានចុះចតនៅព្រលានយន្ដហោះដើមវិញ ដោយគ្មានជួបឧប្បត្តិហេតុអ្វីឡើយ។

ស្រង់សំដីដោយបណ្ដាញផ្សព្វផ្សាយ «ABC News Australia» អ្នកដំណើរនៅក្នុងយន្ដហោះ បានអះអាងថា ពួកគេបានស្ដាប់ឮ [...]

សេចក្ដីប្រកាសព័ត៌មាន របស់អ្នកនាំពាក្យ របស់ឧត្ដមស្នងការ នៃអង្គការសហប្រជាជាតិ ទទួលបន្ទុកសិទ្ធិមនុស្ស បានចេញផ្សាយ នៅរសៀលថ្ងៃសុក្រនេះ សំដែងការស្វាគមន៍ «អស់ពីដួងចិត្ត» ចំពោះការដោះលែង ឲ្យនៅក្រៅឃុំជាបណ្ដោះអាសន្ន នូវមន្ត្រីទាំងប្រាំរូប និងការទម្លាក់ចោល នូវបទចោទប្រកាន់ ទៅលើលោក សឺន សាលី មន្ត្រីនៃការិយាល័យ​ឧត្ដម​ស្នងការ​ នៃអង្គការ​សហប្រជាជាតិ ទទួល​បន្ទុក​សិទ្ធិ​មនុស្ស​ ប្រចាំនៅ​កម្ពុជា។

អ្នកនាំពាក្យ នៃស្ថាប័នសិទ្ធិមនុស្សដ៏កំពូល អ្នកស្រី លីហ្ស ស្រូសហ្សែលល៍ (Liz Throssell) បានបញ្ជាក់ នៅក្នុងសេចក្ដីប្រកាសព័ត៌មាន នោះ​ថា ការដោះលែងឲ្យនៅក្រៅឃុំនេះ ជាការវិវឌ្ឍន៍ជាវិជ្ជមានមួយ។ តែថា ការវិវឌ្ឍន៍នេះ ស្ថិតក្នុងបរិយាកាស ដែលពោរពេញដោយក្ដីកង្វល់ខ្លាំងនៅឡើយ ចំពោះក្រុមសកម្មជនការពារសិទ្ធមនុស្ស និងអង្គការសង្គមស៊ីវិល នៅកម្ពុជា។

មន្ត្រីទាំងប្រាំរូប មានបួនរូប មកពី​សមាគម​អាដហុក​ មាន​អ្នកស្រី [...]

ក្រុមអ្នកជួយសង្រោះ និងរថយន្ដគិលានសង្គ្រោះ ត្រូវបានបញ្ជូនយ៉ាងបន្ទាន់ ទៅកាន់តំបន់ព្រៃមួយ ក្នុងក្រុង«Colombier» ភាគខាងត្បូង នៃប្រទេសស្វីស បន្ទាប់ពីទទួលដំណឹង ពីការធ្លាក់យន្ដហោះទេសសចរណ៍មួយគ្រឿង កាលពីីម៉ោងជាងពីររសៀល ក្នុងថ្ងៃពុធនេះ។

នគរបាលបានអះអាង ពីតុល្យភាពចុងក្រោយថា មនុស្សពីរនាក់ ស្ត្រីម្នាក់និងបុរសម្នាក់ ដែលស្ថិតក្មុងយន្ដហោះ បានស្លាប់បាត់បងជីវិត។ ហើយបន្ថែម​ពីលើ​រថយន្ដសង្គ្រោះ ដែលមានវត្តមាន​នៅនឹងកន្លែង រថយន្ដដឹកសពមួយគ្រឿង ក៏ត្រូវបានបញ្ជូនទៅដល់ដែរ។

នគរបាលតំបន់និយាយទៀតថា មានមនុស្សពីរនាក់នៅក្នុងយន្ដហោះ និងបានបដិសេធមិនផ្ដល់ព័ត៌មានលំអិតបន្ថែម ទាក់ទងនឹងហេតុការណ៍នេះទេ ដោយពន្យល់ហេតុផល ថាចង់ជូនដំណឹង ប្រាប់ក្រុមគ្រួសារជនរងគ្រោះជាមុនសិន។

ស្ត្រីម្នាក់ ដែលជាសាក្សី​នៅក្បែរកន្លែងកើតហេតុ បានថ្លែងប្រាប់ឲ្យដឹងថា នាងនិងគ្រួសារ កំពុងជិះទូកធាក់ដោយជើង នៅលើបឹង «Neuchâtel» [...]

តំបូងឡើយ គម្រោង«ឡាន​ក្រុង​យក្ស ​រត់​កន្លង​លើ​ថ្នល់​ធំ» ដែលហៅជាភាសាអង់គ្លេស «Transit Elevated Bus» ឬតាមអក្សរកាត់ «TEB» ដ៏ទាក់ទាញ បានបង្កឲ្យមានភាពភ្ញាក់ផ្អើល នៅជុំវិញពិភពលោក។ នៅខែកញ្ញា ឆ្នាំទៅម៉ិញ គម្រោងនេះត្រូវបានគេរកឃើញ ថាវាគ្រាន់តែជាការផ្សាយពាណិជ្ជកម្មមួយ ដើម្បីប្រមូលប្រាក់ ពីក្រុមអ្នកមានចំណាប់អារម្មណ៍ និងចង់វិនិយោគ លើគម្រោងនេះប៉ុណ្ណោះ។

» អត្ថបទដែលទាក់ទង៖ «ឡាន​ក្រុង​យក្ស​រត់​កន្លង​លើ​ថ្នល់​ធំ» ជា​រឿង​បោក​ប្រាស់

ប៉ុន្តែគេត្រូវរង់ចាំ រហូតដល់ថ្ងៃទី២ ខែកក្កដា ថ្មីៗនេះ ទើបអាជ្ញាធរចិន បានប្រកាសជាផ្លូវការ ថាក្រុមហ៊ុន «Huaying Kailai» ដែលជាម្ចាស់គម្រោងខាងលើ កំពុងរងការជាប់សង្ស័យ ពីការប្រមូលប្រាក់ ដោយខុសច្បាប់។ នេះ បើតាមការផ្សាយ របស់ទីភ្នាក់ងារព័ត៌មានផ្លូវការ «Xinhua» របស់ចិន។ [...]

យុវជនម្នាក់ ដែលគេស្គាល់ឈ្មោះ រ័ត្ន ពុទ្ធថា អាយុ​២១​ឆ្នាំ ត្រូវបានចាក់ដោយកាំបិត ចំនួន១២ដង មុននឹងស្លាប់ក្នុងថ្លុកឈាម យ៉ាងអាណោចអាធម្ម។ រឿងរ៉ាវបានកើតឡើង កាលពីល្ងាចថ្ងៃទី២ ខែកក្កដាម្សិលម៉ិញ វេលាម៉ោងប្រមាណជា ៥និង១៥នាទី ក្នុងបន្ទប់ទឹក នៃផ្ទះល្វែងមួយ ដែលបើកធ្វើអាជីវកម្ម«អិនធើណែត» យីហោ «ក្រុងណេត» ស្ថិតក្នុង​នៅ​ផ្ទះ​លេខ ២៥១ ផ្លូវ​២០៥ ភូមិ​តាខ្មៅ១ សង្កាត់​តាខ្មៅ ​ក្រុង​តាខ្មៅ ខេត្តកណ្តាល។ នេះ បើតាមសាក្សីនៅផ្ទាល់កន្លែង ហើយដែលត្រូវបានស៊ើបសួរ ដោយសមត្ថកិច្ចនគរបាលខេត្តកណ្ដាល។

ស្រង់សំដីដោយសារព័ត៌មានក្នុងស្រុក លោក អ៊ាវ ចំរើន ស្នងការនគរបាលខេត្តកណ្តាល បានបញ្ជាក់ឲ្យដឹងថា ដំបូងឡើយជនសង្ស័យ បានចូលក្នុងបន្ទប់ទឹក ហើយចេញវិញ ដោយនិយាយថា បន្ទប់ទឹកស្ទះ និងស្នើសុំឲ្យយុវជនរងគ្រោះចូលទៅមើល។ តែបន្ទាប់ពីចូលដល់ក្នុងបន្ទប់ទឹក ក៏ស្រាប់តែឮសំឡេងប្រតាយប្រតប់គ្នា បានកើតឡើង​នៅទីនោះ។

យុវជនម្នាក់ [...]