បញ្ចាំម៉ូតូលេងហ្គេម ហើយចែកលុយគ្នាមិនស្មើរ វ៉ៃគ្នាពេញផ្លូវ
មានរឿងជាច្រើន ដែលបានកើតឡើងក្នុងសង្គមកម្ពុជាសព្វថ្ងៃ ហើយមិនដឹងត្រូវបន្ទោសនរណាឲ្យសម នៅពេលដែលមានហេតុការណ៍ ដូចយ៉ាងយកម៉ូតូទៅបញ្ចាំ ដើម្បីយកលុយលេងហ្គេម រួចមកចែកលុយគ្នាមិនស្មើរ ក៏តាំងវាយតប់គ្នាពេញផ្លូវ...។ នេះជាករណីដ៏គួរឲ្យភ្ញាក់ផ្អើលមួយ ដែលបានកើតឡើង នៅរសៀលម៉ោង៣និង៣០នាទី ថ្ងៃទី២០ ខែធ្នូ ឆ្នាំ២០១៤នេះ នៅផ្លូវត្រឡោកបែក សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ក្រុមយុវជនស្ទាវមួយក្រុម គ្នាបីនាក់ បានបបួលគ្នាយកម៉ូតូមួយគ្រឿងម៉ាក ស្គូពី ពណ៍ផ្កាឈូកលាយស ពាក់ស្លាកលេខ ភ្នំពេញ 1AQ-1308 មួយគ្រឿងយកទៅបញ្ចាំ នៅហាងល្បែងមួយ។ ហាងនោះ ស្ថិតនៅលើផ្លូវ៥៨៩ (ត្រឡោកបែក) ត្រង់ចំណុចជិតហាងលក់សង្ហារឹម។ នៅពេលលេងល្បែងហើយ ប្រកែកគ្នារឿងលុយចេញមិនស្មើរគ្នា ដោយម្ចាស់ម៉ូតូមិនព្រម [...]