ក្រុមរដ្ឋអ៊ីស្លាមប្រហារជីវិតគ្រឹស្ទ៍សាសនិក ជាតិអេត្យូពីជិត៣០នាក់ នៅលីប៊ី
វីដេអូដែលមានរយៈពេល២៩នាទី និងត្រូវបានបង្ហោះ នៅលើគេហទំព័រ របស់ពួក ជីហាដ ហើយដែលទស្សនាវដ្ដី មនោរម្យ.អាំងហ្វូ បានទស្សនាដែរនេះ បានបង្ហាញថា មនុស្សមួយក្រុមប្រមាណជា ១២នាក់ ត្រូវបានកាត់ក នៅលើឆ្នេរ និងក្រុមមនុស្ស ប្រមាណជា១៦នាក់ទៀត ត្រូវបានបាញ់សម្លាប់ ដោយគ្រាប់កាំភ្លើង នៅក្នុងតំបន់វាលខ្សាច់មួយ។ វីដេអូនេះ បានហៅក្រុមមនុស្សទាំងនោះ ថាជាសមាជិករបស់ព្រះវិហារ នៃប្រទេសអេត្យូពីរ ដែលសុទ្ធសឹងតែជា«ខ្មាំង»។
មនុស្ស១២នាក់ ដែលស្លៀកពាក់ពណ៌ទឹកក្រូច ត្រូវបាននាំទៅលើឆ្នេរសមុទ្រ មុននឹងសង្កត់ពីក្រោយ ដាក់ឲ្យដេកផ្កាប់មុខ ផ្ទាល់នៅនឹងដី រួចត្រូវបានកាត់ក ដោយកាំបិត។ ចំណែកនៅក្នុងវាលរហោដ្ឋានវិញ មនុស្ស១៦នាក់ ដែលស្លៀកពាក់ពណ៌ខ្មៅ ត្រូវបានបាញ់សម្លាប់ ដោយគ្រាប់កាំភ្លើងចំក្បាល ពីក្រោយ។ បុរសម្នាក់ស្លៀកពាកខ្មៅទាំងស្រុង បិទមុខ បានចេញមកនិយាយជាភាសាអង់គ្លេស។ រីឯបុរសផ្សេងទៀត ស្លៀកពាក់ក្រឡេក្រឡា ដូចទាហាន បិទមុខជិត [...]
