Posts in ‘យុត្តិធម៌ សណ្ដាប់ធ្នាប់’ Category

រ៉ាតាន ឡាលចាត (Ratan Lal Jat) អាយុ៣៥ឆ្នាំ ត្រូវបានឃាត់ខ្លួន ដោយអាជ្ញាធរឃុំ ហ្គានហ្គ្រារ (Gangrar) ដែលបុរសរូបនេះ ជាសមាជិកក្រុមប្រឹក្សា ពីបទបានរៀបចំអាពាហ៍ពិពាហ៍ ចាប់បង្ខំមួយ ជាមួយនឹង​កុមារី​មួយ​រូប។ នេះបើតាមសេចក្ដីរាយការណ៍ របស់សារព័ត៌មានអង់គ្លេស «Metro.co.uk»។ រូបថតពីពិធី​អាពាហ៍​ពិពាហ៍ ជាច្រើនសន្លឹក ដែល​ត្រូវបានបង្ហោះ តាមបណ្ដាញអ៊ិនធើណែត បានដឹងទៅ​ដល់​ភ្នែក និងត្រជៀក របស់​កម្លាំង​អាជ្ញាធរ រហូតឈានទៅដល់ការចាប់ខ្លួននេះ។

បុរសម្នាក់នេះ ទំនងជាបានប្រគល់ប្រាក់មួយចំនួន ទៅឲ្យក្រុមគ្រួសាររបស់កុមារី ដើម្បីឲ្យគម្រោងរបស់ខ្លួន អាច​សម្រេចជារូបរាងឡើង។

សាកសួរចម្លើយ ដោយកងកម្លាំងនគរបាល បុរស រ៉ាតាន ឡាលចាត បានពន្យល់ថា ចង់រក្សាការពារ នូវ​ទំនៀម​ទំលាប់មួយ ដែលត្រកូលរបស់ខ្លួន តែងធ្វើមិនដែលខាន។ ទំនៀមទំលាប់នេះ នឹងអនុញ្ញាតឲ្យបុរសស្ត្រីពីរនាក់ ដែលបានរៀបការជាមួយគ្នាហើយ អាចមានទំនាក់ទំនង [...]

ហេតុការណ៍នេះ បង្ករឲ្យមានការភ្ញាក់ផ្អើល កាលពីវេលាម៉ោង ១ និង៤០នាទី រំលងអធ្រាត ថ្ងៃទី០២ ខែ​កក្កដា ឆ្នាំ២០១៥ នៅចំណុចជិតផ្សារអូឬស្សី ក្នុងសង្កាត់បឹងព្រលឹត ខណ្ឌ៧មករា រាជធានីភ្នំពេញ ខណៈ​ដែល​ជន​សង្ស័យ កំពុងជិះម៉ូតូម៉ាកឌ្រីម ពណ៍ខ្មៅ ស្លាកលេខ ១CV-០៤៦៩ ធ្វើសកម្មភាពប្លន់ នៅ​តាម​ផ្លូវ។

មន្រ្តីនគរបាលខណ្ឌ៧មករា បានបញ្ជាក់ឲ្យដឹងថា ក្រុមបក្សពួកជនសង្ស័យ ដែលកម្លាំងរបស់លោកបាន​ឃាត់ខ្លូននេះ មានរហ័សនាម «ក្រុមអាសង់ និងMSX» ដែលជាមុខសញ្ញា តាមចាប់របស់អាជ្ញាធរ ជាយូរមក​ហើយ។ មន្ត្រីនគរបាលដដែល បានបន្តថា នៅពេលឃាត់ខ្លូន ជនសង្ស័យទាំងពីរ បានតដៃជាមួយកម្លាំង​របស់លោក ដោយប្រើកាំភ្លើខ្លី K៥៤ បាញ់ទៅប៉ូលិស កំពុងដេញពីក្រោយ២គ្រាប់ តែបាញ់មិនផ្ទុះ។ បន្ទាប់​ពីបានសួរនាំ នៅពេលឃាត់ខ្លូន ជនសង្ស័យទាំងពីរូប បានប្រាប់នគរបាលថា បក្សពួករបស់ខ្លូន ស្នាក់នៅផ្ទះ​ជួល ជិតសាលា IU ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ការត្រួតពិនិត្យចរាចរណ៍ ដែលមានលក្ខណៈធម្មតាមួយ បានប្រើក្លាយជាការរកឃើញ ដ៏គួរឲ្យតក់ស្លុត កាល​ពី​ដើមខែមិថុនាកន្លងមក នៅក្នុងរដ្ឋវៀជីនី សហរដ្ឋអាមេរិក។ បន្ទាប់ពីបានឃើញ រថយន្ដធុន «Ford Mustang» ដែលការធានារ៉ាប់រង បានហួសកាលកំណត់ទៅហើយនោះ ភ្នាក់ងារនគរបាលចរាចរណ៍មួយរូប បានហៅ​ស្ត្រី​អ្នកបើកបរ អ្នកស្រី តុុនយ៉ា ស្លាតុន (Tonya Slaton) ឲ្យឈប់ ដើម្បីធ្វើការត្រួតពិនិត្យ។

ប៉ុន្តែ... នៅពេលដែលនគរបាល បានស្នើសុំឲ្យអ្នកស្រី បើកឃ្លុបរថយន្ដខាងក្រោយឡើង ដើម្បីកត់​កំណត់​ហេតុ​នោះ ស្រាប់តែរបកគំហើញមួយ បានបង្ហាញឡើង៖ នៅខាងក្នុងឃ្លុប នគរបាលបានឃើញ សាកសពដែល​នៅ​សល់តែឆ្អឹង របស់កូនប្រុសរបស់អ្នកស្រី តុនយ៉ាង ដាក់ខ្ចប់នៅក្នុងស្បោងផ្លាស្ទីក។

ហេតុការណ៍ដែលឈាន ទៅដល់ការរុករក ឃើញសាកសពនេះ ដោយសារតែក្លិនបានហោះចេញមក ធ្វើឲ្យ​ច្រមុះរបស់ភ្នាក់ងារនគរបាល នៅមិនស្រួល។ នេះបើតាមសេចក្ដីរាយការណ៍ របស់សារព័ត៌មានចម្រុះភាសា «Huffington [...]

យន្ដហោះប៊ូអីង (Boeing 737) របស់ក្រុមហ៊ុនអាកាសចរណ៍កាណាដា «WestJet» ដែលជាជើង​ហោះ​ហើរ​ក្នុង​ស្រុក លេខ WS442 ហោះភ្ជាប់ក្រុង «Edmonton» និងក្រុង «Toronto» ត្រូវបានប្ដូរផ្លូវ ឆ្ពោះទៅកាន់​ព្រលាន​យន្ដហោះ ក្រុង «Winnipeg» ក្រោមមូលហេតុ មានការគម្រាមមួយ។ នេះជាការប្រកាស របស់​ក្រុមហ៊ុន​អាកាស​ចរណ៍ខ្លួនឯង នៅក្នុងគណនីទ្វីសធើរផ្លូវការរបស់ខ្លួន នៅវេលាម៉ោងប្រមាណជិត ២២ (ម៉ោង​ក្នុង​ស្រុក) យប់​ថ្ងៃចន្ទ។ ប៉ុន្តែក្រុមហ៊ុនមិនបានបញ្ជាក់លំអិត ថាតើការគម្រាមនោះ ជាអ្វី និងបណ្ដាលមកពី​អ្វី​នោះ​ឡើយ។

បន្ទាប់ពីបានចុះចត នៅក្នុងក្រុង «Winnipeg» ក្រុមហ៊ុនបានរាយការណ៍ទៀតថា អ្នកដំណើរទាំង៥៤នាក់ និងបុគ្គលិកលើយន្ដហោះ ៥នាក់ ត្រូវបានជម្លៀសចេញពីយន្ដហោះ ដោយមានជំនួយការ ពីផ្នែក​សុវត្ថិភាព​ព្រលានយន្ដហោះនោះផង។

ពោងសង្គ្រោះរបស់យន្ដហោះ ត្រូវបានពន្លា នៅតាមច្រកទ្វាយន្ដហោះ ដើម្បីរំដោះមនុស្សចេញ ហើយនៅ​ក្នុង​ការរំដោះមនុស្ស [...]