Posts in ‘សម្រាំងកីឡា’ Category

ប៉ុន្តែត្រូវរាប់ថា ឆ្នាំ២០១៧-២០១៨នេះ ក្រុម ប៉ាយឺន ម៉ូនិឆ (Bayern Munich - អាល្លឺម៉ង់) ទទួលវាសនាបានល្អខ្លះដែរ ដោយសារបានចាប់ឆ្នោត មកជួបជាមួយ ក្រុម សេវីល (FC Séville - អេស្ប៉ាញ) ដែលត្រូវបានគេមើលឃើញថា ខ្សោយជាងក្រុម បាយឺន នោះ។ លទ្ធផលបានបង្ហាញច្បាស់ នៅក្នុងការប្រកួត «ទៅ» កាលពីយប់ម៉ិញ រវាងក្រុមទាំងពីរ នៅក្នុងកីឡដ្ឋាន របស់ក្រុម សេវីល (ក្រុងសេវីល ប្រទេសអេស្ប៉ាញ) គឺក្រុម បាយ៉ឺន រកគ្រាប់បាល់បានពីរគ្រាប់ ឈ្នះលើក្រុមម្ចាស់ផ្ទះ ដែលរកបានតែមួយគ្រាប់។

ជ័យជំនះនេះ ដែលមិនខុសពីក្រុម រៀលម៉ាឌ្រីត (Juventus - អ៊ីតាលី) ដែលទៅយកជ័យជំនះ ០-៣ នៅលើទឹកដី របស់ក្រុម ជូវេនទូស (Juventus - អ៊ីតាលី) កាលពីយប់ម៉ិញដូចគ្នានោះ ក្រុម បាយ៉ឺន របស់អាល្លឺម៉ង់ ហាក់ទទួលសំបុត្រ​ពាក់កណ្ដាលរួចហើយ ដើម្បីឡើងទៅទាត់ នៅវគ្គ១ភាគ២ផ្ដាច់ព្រ័ត្រ ក្របខណ្ឌដណ្ដើមជើងឯកអ៊ឺរ៉ុប (Champions League) ប្រចាំឆ្នាំ២០១៧-២០១៨នេះ។

[...]

កីឡាករ គ្រីស្យាណូ រ៉ូណាល់ដូ (Cristiano Ronaldo) មានអាយុ៣៣ឆ្នាំហើយ តែមើលទៅ មិនខុសពីពាក្យថា «ម្ទេសកាន់តែចាស់ កាន់តែហិរ» នោះឡើយ។ យប់ម៉ិញ នៅក្នុងការប្រកួតរវាងក្រុម រៀលម៉ាឌ្រីត (Real Madrid - អេស្ប៉ាញ) និងក្រុម ជូវេនទូស (Juventus - អ៊ីតាលី) ក្នុងវគ្គ១ភាគ៤ផ្ដាច់ព្រ័ត្រ ក្របខណ្ឌដណ្ដើមជើងឯកអ៊ឺរ៉ូប (Champions League) ប្រចាំឆ្នាំ២០១៧-២០១៨ កីឡាករជាតិព័រទុយហ្គាលរូបនេះ រកគ្រាប់បាល់ ឲ្យក្រុមរៀលបាន ដល់ទៅពីរគ្រាប់ តែម្នាក់ឯង ដោយបញ្ចេញថ្វីជើង ដ៏គួរឲ្យកោតស្ងប់ស្ងែង។

គ្រាប់ទីមួយ (០-១) ត្រូវបានកីឡាករ រ៉ូណាល់ដូ រកបានតាំងពីនាទីទី៣ ពោលគឺគ្រាន់តែការប្រកួត ទើបនឹងចាប់ផ្ដើម មិនទាន់បានក្ដៅសាច់ដុំផងទេ។ រីឯគ្រាប់ទីពីរ (០-២) រកបាននៅនាទីទី ៦៤ ដែលធ្វើឲ្យកំពូលតារាបាល់ទាត់រូបនេះ រកគ្រាប់បានសរុប ១១៩គ្រាប់ នៅគ្រប់ការប្រកួតទាំងអស់ ក្នុងក្របខណ្ឌអ៊ឺរ៉ុប ច្រើនជាងកីឡាករ លីយ៉ូនែល ម៉េស៊ី (Lionel Messi) [...]

ដូចគេបានធ្លាប់ស្គាល់ហើយ ថាលោក បូរីស ចនសុន (Boris Johnson) ដែលកំពុងកាន់តំណែង ជារដ្ឋមន្ត្រីការបរទេស នៃចក្រភពអង់គ្លេស មិនមែនជាអ្នកនយោបាយ ដែលលាក់អណ្ដាតទុក នៅក្រោយធ្មេញនោះទេ។ នៅចំពោះភាពតានតឹង ដែលកំពុងកើតមាន រវាងប្រទេសលោក និងប្រទេសរ៉ូស្ស៊ីនោះ លោករដ្ឋមន្ត្រីបានចេញ មក​«ច្រូចសាំង​បន្ថែម​លើ​ភ្លើង» ដោយប្រៀបធៀប ការប្រកួតកីឡាបាល់ទាត់ពិភពលោក ឆ្នាំ២០១៨ នាប៉ុន្មានខែខាងមុខ នៅក្នុងប្រទេសរ៉ូស្ស៊ី ថាដូចគ្នានឹងព្រឹត្តិការណ៍ ប្រកួតកីឡាកអូឡាំពិក ឆ្នាំ១៩៣៦ ក្នុងរដ្ឋធានីប៊ែរឡាំង ក្រោមការដឹកនាំរបស់លោក អាដុលហ្វ៍ ហ៊ីត្លែ (Adolf Hitler)។

នៅក្នុងសម័យកាលនោះ លោក ហ៊ីត្លែ បានឆ្លៀតឱកាស នៃព្រឹត្តិការណ៍ប្រកួតកីឡា ជាលក្ខណៈអន្តរជាតិ និងដ៏ធំមួយនេះ ដើម្បី«ឃោសនា» ពី​រូបភាព នៃរបបណាស៊ីនិយមរបស់ខ្លួន ប្រាប់ទៅពិភពលោក។

ឆ្លើយទៅនឹងសំនួរ របស់ក្រុមអ្នកតំណាងរាស្ត្រអង់គ្លេស នៅក្នុងអង្គប្រជុំរដ្ឋសភា កាលពីថ្ងៃពុធ [...]

ក្រុមបាសឺឡូន (Barcelone FC) បានដណ្ដើមបានសំបុត្រចុងក្រោយ ក្នុងយប់ថ្ងៃទី១៤ ខែមីនានេះ ដើម្បីឡើងទៅវគ្គ១ភាគ៤ផ្ដាច់ព្រ័ត្រ នៃក្របខណ្ឌដណ្ដើមជើងឯកអ៊ឺរ៉ុប «Champions League» បន្ទាប់ពីក្រុមអ្នកមានបុណ្យ របស់ប្រទេសអេស្ប៉ាញមួយនេះ បានប្រកួតឈ្នះក្រុម ឆែលស៊ី (Chelsea) មកពីចក្រភពអង់គ្លេស នៅក្នុងផ្ទះខ្លួនឯង (កីឡាដ្ឋាន «Camp Nou» ក្រុងបាសឺឡូន អេស្ប៉ាញ) ដោយពិន្ទុ ៣-០ ដ៏ត្រចេះត្រចង់។

គ្រាប់បាល់ទាំងបីរបស់ក្រុម បាសា នោះ មានពីរគ្រាប់ រកបាននៅនាទីទី៣ និងទី៦៣ ដោយកីឡាករ លីយ៉ូនែល ម៉េស៊ី (Lionel Messi) ដ៏ល្បី ហើយជាគ្រាប់បាល់ទី៩៩ និងទី១០០ របស់កីឡាកជាតិអាហ្សង់ទីនរូបនេះ ដែលកីឡាកររកបាន នៅក្នុងរាល់ការប្រកួតក្របខណ្ឌអ៊ឺរ៉ុប ក្នុងពេលកន្លងមក។

រីឯគ្រាប់មួយគ្រាប់ទៀត របស់ក្រុមអ្នកមានបុណ្យ ដែលរកបាននៅនាទីទី២០ ដោយកីឡាករជាតិបារាំង អ៊ូស្មាន ដាំបេឡេ (Ousmane Dembélé) ក៏ដោយសារការបញ្ជូនបាល់ ដ៏ល្អរបស់កីឡាករ [...]

បើក្រុម ប៉ារីសស៊ាំងហ្សែរម៉ាំង (Paris Saint-Germain) កំពុងទោរម្នេញនឹងបរាជ័យ សឹងតែរាល់ឆ្នាំ នៅក្នុងការប្រកួត ក្របខណ្ឌជើងឯកអ៊ឺរ៉ុបនោះ ក្រុម រៀលម៉ាឌ្រីត (Real Madrid) ឯណោះ បាននាំគ្នាលោតសប្បាយ ដោយក្ដីអំណរក្រៃលែង ព្រោះជ័យជំនះថ្មីថ្មោងរបស់ខ្លួន នៅក្នុងផ្ទះរបស់ក្រុមប៉ារីស (កីឡាដ្ឋាន «Parc des Princes» រដ្ឋធានីប៉ារីស - បារាំង)។

នៅលើទំព័រទ្វីសធើរផ្លូវការ របស់ក្រុមរៀល នៅគ្រប់ភាសា (អេស្ប៉ាញ បារាំង អង់គ្លេស ជប៉ុន និងអារ៉ាប់) វីដេអូមួយ ដែលមានរយៈពេលជិត២នាទី ត្រូវបានបង្ហោះ ឲ្យឃើញពីក្ដីសប្បាយរីករាយនេះ រាប់ចាប់តាំង ពីកំពូលកីឡាករ គ្រីស្ទៀណូ រ៉ូណាល់ដូ (Cristiano Ronaldo) រហូតដល់គ្រូបង្វឹក ហ្សីណាឌីន ហ្សីដាន (Zinedine Zidane)។

High fives all round in our dressing room after tonight's win! See how the team [...]