បុរសជាតិឥណ្ឌាម្នាក់នេះ ខានកាត់ក្រចក... តាំងពី៦២ឆ្នាំមុន!
ក្រចកមួយរបស់លោក មានប្រវែងបណ្ដោយ ប្រមាណជា២ម៉ែត្រ។ ប៉ុន្តែលោក «Shridhar Chillal» ជាតិឥណ្ឌាអាយុ៧៨ឆ្នាំរូបនេះ បានអះអាងថា បានធ្វើពលិកម្មយ៉ាងច្រើន សម្រាប់ការរក្សាទុក នូវក្រចករបស់លោក រហូតរូបលោកត្រូវបានកត់ត្រា នៅក្នុងសៀវភៅ«Guinness Book» ឆ្នាំ២០១៦នេះ។ សារព័ត៌មានអង់គ្លេស «The Daily Mirror» បានរាយការណ៍យ៉ាងលំអិត ពីករណីរបស់លោកនេះ ដោយបានបញ្ជាក់ថា បុរសចំណាស់មិនបានកាត់ក្រចកដៃ របស់លោក... តាំងពីឆ្នាំ១៩៩៥២ ពោលគឺតាំងពី៦២ឆ្នាំមុន។ គោលបំណងរបស់លោក ជាបន្តនៅពេលនេះ គឺចង់ធ្វើជាអំណោយ ទៅឲ្យសារមន្ទីរមួយ។
ពលិកម្មដ៏មហិមា...
នៅពេលលោកមានវ័យគ្រប់ការ លោកមានការពិបាក ក្នុងការស្វែងរកសេចក្ដីស្នេហាណាស់។ បុរសចំណាស់ជាង៧០ឆ្នា បានថ្លែងរៀបរាប់ ពីទំនាក់ទំនងស្នេហារបស់លោក ដែលមានចំនួនដល់ទៅ១២ដង ថា៖ «ខណៈពេលដែលខ្ញុំហៀបនឹងរៀបការ... តែគ្មានស្ត្រីណាម្នាក់ ចង់រៀបការជាមួយខ្ញុំនោះទេ។ [...]
